လေယာဉ်ပျက်ကျတဲ့နေရာကို တွေ့ရစဉ် (Credit: ABC licensed) |
ဒီလို ပြောဆိုမှုကြောင့် လေယာဉ်ပေါ်မှာ ဗုံးပေါက်ကွဲလို့ လေယာဉ် ပျက်ကျရတာ ဖြစ်တယ်ဆိုတဲ့ ပြောဆိုမှုတွေ ထွက်ပေါ်လာနိုင်ပါတယ်။
အဲဒီ လျှပ်တပြတ်အပူဟာလည်း ဒုံးကျဉ် တိုက်ခိုက်မှုကြောင့် ဖြစ်တာမျိုး မဟုတ်ဘူးလို့ CNN သတင်းမှာ ဖော်ပြထားပါတယ်။
ဗုံးပေါက်ကွဲမှုမဟုတ်ရင်တောင် လောင်စာဆီသိုလှောင်ထားတဲ့ နေရာမှာ ပေါက်ကွဲတာမျိုး ဖြစ်နိုင်တယ်လို့ ပြောပါတယ်။
အစောပိုင်းတုန်းကတော့ ရုရှားနိုင်ငံပိုင် လေယာဉ်က ဝေဟင်ပေါ်မှာပဲ အပိုင်းလိုက် ပြတ်တောက်ပြီး ပျက်ကျသွားတယ်လို့ ရုရှားစုံစမ်းရေးသမားတွေကပြောပါတယ်။
အီဂျစ်အစိုးရကတော့ ဝေဟင်မှာပဲ အပိုင်းလိုက် ပြတ်တောက်တဲ့ သက်သေတွေ မရှိဘူးဆိုပြီး ပယ်ချထားပါတယ်။
အီဂျစ်နိုင်ငံထဲ ပျက်ကျသွားတဲ့ ရုရှား လေယာဉ်ကနေ ဒုက္ခရောက်နေပြီလို့ အကူအညီလှမ်းတောင်းတာ မရှိသလို၊ လေယာဉ်အပိုင်းအစတွေကလည်း နေရာအနှံ့မှာ ပြန့်ကျဲနေတဲ့အတွက် လေယာဉ် ပျက်ကျရတဲ့ အကြောင်းရင်းကို အမျိုးမျိုး ထင်ကြေးပေးနေကြတာ ဖြစ်ပါတယ်။
IS အစ္စလာမ်မစ် အဖွဲ့ကတော့ သူတို့ ပစ်ချတာလို့ ပြောပေမယ့် အဲဒီပြောဆိုချက်ကို ပညာရှင်တွေက ပယ်ချထားပါတယ်။
လေယာဉ်ပေါ် လိုက်ပါသွားသူ အားလုံး သေဆုံးခဲ့ရပြီး အခုအခါမှာတော့ အီဂျစ်က ဦးဆောင်ပြီး စုံစမ်းမှု လုပ်သလို စုံစမ်းမှုမှာ ရုရှား ပညာရှင်တွေနဲ့ လေယာဉ်မှတ်ပုံတင်ထားတဲ့ အိုင်ယာလန်နိုင်ငံကလည်း ပါဝင်ပြီး စုံစမ်းနေပါတယ်။
လေယာဉ်ပျက်ကျတဲ့ နေရာကို လေ့လာပြီးရင်တော့ လေယာဉ်ပျံသန်းမှု မှတ်တမ်း Black Box ကို စစ်ဆေးကြမှာ ဖြစ်ပါတယ်။
သေဆုံးသူတွေရဲ့ အလောင်းကို ရုရှားနိုင်ငံကို ပြန်သယ်လာနေပြီ ဖြစ်ပါတယ်။
ဒီလို ဖြစ်ရပ်ကြောင့် အီဂျစ်နိုင်ငံကို အလည်အပတ်သွားမယ့် ရုရှားနိုင်ငံသား တချို့ ခရီးစဉ် ဖျက်သိမ်းတာတွေ လုပ်တဲ့အတွက် ကမ္ဘာလှည့်ခရီးသွား လုပ်ငန်းမှာ နစ်နာမှု ဖြစ်နေရပါတယ်။
ABC Radio Australia
http://www.radioaustralia.net.au/burmese
လေယာဉ်ပေါ် ပေါက်ကွဲမှု ဖြစ်လို့ ပျက်ကျတာဖြစ်နိုင်
Reviewed by THITHTOOLWIN
on
18:09
Rating: