ပဲရစ် တိုက်ခိုက်မှုကို ဦးဆောင် ခဲ့သူလို့ သံသယရှိတဲ့ အက်ဘ်ဒယ်ဟာမစ် အဘာယု Abdelhamid Abaaoud ဟာ ဗုဒ္ဓဟူးနေ့က ပဲရစ်မြို့ မြောက်ပိုင်းမှာ ရဲတွေ စီးနင်းမှုအတွင်း သေဆုံးသွားပြီလို့ ပြင်သစ် အစိုးရ ရှေ့နေတွေက ပြောပါတယ်။
ကျည်ဆန်ရာတွေ၊ ဗုံးဆန် အစအနတွေကြောင့် ရုပ်ပျက်နေတဲ့ အဘာယုရဲ့ အလောင်းကို ပဲရစ် မြောက်ပိုင်းက အခန်းထဲမှာ တွေ့ခဲ့တာပါ။
ဘယ်လ်ဂျီယံ နိုင်ငံသား ဖြစ်တဲ့ အဘာယုကို လက်ဗွေက တဆင့် ဘယ်သူဘယ်ဝါမှန်း သိခဲ့တာပါ။
ပဲရစ်မြို့ မြောက်ပိုင်း စိန့်ဒင်းနစ် ရပ်ကွက်က အဲဒီ အဆောက်အအုံကို ဗုဒ္ဓဟူးနေ့က စီးနင်းမှုအတွင်း လူ ၈ ဦးကို ဖမ်းဆီးခဲ့ပြီး အနည်းဆုံး ၂ ဦးကို အသေ ဖမ်းဆီးခဲ့ပါတယ်။ ပဲရစ်မြို့မှာ အဘာယု ရှိနေတယ် ဆိုတဲ့ သတင်းကို ရရှိပြီးနောက် ပြင်သစ် ရဲတပ်ဖွဲ့က ဝင်စီးခဲ့တာပါ။
ပဲရစ်မြို့မှာ သောကြာနေ့ တိုက်ခိုက်မှုတွေကြောင့် လူ ၁၂၉ ယောက် သေဆုံးခဲ့ရပြီး ရာနဲ့ချီ ဒဏ်ရာ ရခဲ့ပါတယ်။
BBC Burmese
http://www.bbc.com/burmese
ပဲရစ် တိုက်ခိုက်သူ ခေါင်းဆောင်ကို အသေဖမ်းမိ
Reviewed by THITHTOOLWIN
on
21:04
Rating: