အိန္ဒိယထိန်းချုပ်တဲ့ ကက်ရ်ှမီးယားဒေသက တပ်စခန်းတခုကို လက်နက်ကိုင်အများအပြား ဒီကနေ့ ၀င်တိုက်။ |
လက်နက်ကိုင်တွေက သေနတ်တွေ လက်ပစ်ဗုံးတွေသုံးပြီး တိုက်ခိုက်ကြတယ်လို့ တာဝန်ရှိသူတွေကပြောပါတယ်။ လူသေဆုံးတဲ့ သတင်းတွေ မရသေးသလို တိုက်ခိုက်သူတွေရဲ့ အခြေအနေနဲ့ ဘယ်သူဘယ်ဝါတွေဆိုတာလည်း ရှင်းရှင်းလင်းလင်း မရှိသေးပါဘူး။ အိန္ဒိယစစ်သားတယောက် ဒဏ်ရာရတယ်ဆိုတဲ့သတင်းတော့ ထွက်ထားပါတယ်။
ကက်ရ်ှမီးယားဒေသဟာ လွတ်လပ်ရေး ဒါမှမဟုတ် ပါကစ္စတန်နဲ့ပေါင်းစည်းရေး တောင်းဆိုတိုက်ပွဲဝင်နေတဲ့ သူပုန်အဖွဲ့အများ အပြားရှိတဲ့ဒေသဖြစ်ပြီး အဲဒီမှာချထားတဲ့ အိန္ဒိယတပ်ဖွဲ့တွေကို တိုက်ခိုက်နေတာပါ။
ဗြိတိသျှလက်အောက်ကနေ နှစ်နိုင်ငံ လွတ်လပ်ရေးရချိန်ကတည်းက ကက်ရ်ှမီးယားဒေသ ပိုင်ဆိုင်မှုနဲ့ပတ်သက်ပြီး အိန္ဒိယနဲ့ ပါကစ္စတန်အကြား အငြင်းပွားနေတာ နှစ် ၇၀ လောက်ရှိနေပါပြီ။ နှစ်နိုင်ငံစလုံးကို ကက်ရ်ှမီးယားဒေသကို အပြည့်အ၀ ပိုင်ဆိုင် တယ်လို့ပြောထားပေမဲ့ တပိုင်းစီကိုပဲ အုပ်ချုပ်ထားနိုင်တာပါ။ နျူကလီးယားလက်နက်ပိုင်ဆိုင်တဲ့ အိမ်နီးချင်း နှစ်နိုင်ငံအကြား စစ်ပွဲသုံးကြိမ်ဖြစ်ဖူးတာမှာ နှစ်ကြိမ်က ကက်ရ်ှမီးယားဒေသနဲ့ပတ်သက်ပြီး စစ်ဖြစ်တာပါ။
ပါကစ္စတန်နိုင်ငံဟာ သူ့မြေပေါ်မှာ အကြမ်းဖက်သမားတွေ လှုပ်ရှားခွင့်ပြုထားပြီး အကြမ်းဖက်ဝါဒကို အားပေးအားမြှောက် လုပ်နေတယ်လို့ အိန္ဒိယဘက်ကပြောပါတယ်။
ဗွီအိုအေ (မြန်မာပိုင်း)
http://burmese.voanews.com
ကက်ရ်ှမီးယားဒေသက အိန္ဒိယစစ်စခန်း တိုက်ခိုက်ခံရ
Reviewed by THITHTOOLWIN
on
22:27
Rating: