ဘင်္ဂလားဒေ့ရ်ှနိုင်ငံမှာရှိတဲ့ အီတလီ သာသနာပြု ရုပ်အလောင်းသယ်ဆောင်လာစဉ်။ |
ဗုဒ္ဓဟူးနေ့က ဘင်္ဂလားဒေ့ရ်ှနိုင်ငံမြောက်ပိုင်း ဒီနဂ်ျပါ (Dinajpur) ခရိုင်မှာ ဘယ်သူ ဘယ်ဝါမှန်း မသိတဲ့ သေနတ်သမားတွေရဲ့ လက်ချက်ကြောင့် အီတလီ သာသနာပြုဟာ ဒဏ်ရာရရှိခဲ့ပါတယ်။ နောက်တနေ့မှာတော့ - ဒီလုပ်ရပ်ဟာ IS အဖွဲ့ရဲ့ လက်ချက်ဖြစ်ကြောင်းကို ဘာသာရေးဆိုင်ရာ အစ္စလာမ်အဖွဲ့တွေရဲ့ လှုပ်ရှားမှုတွေကို စောင့်ကြည့်နေတဲ့ အမေရိကန်အခြေစိုက် SITE ထောက်လှမ်းရေး အဖွဲ့ကနေ - သတင်းထုတ်ပြန်ခဲ့ပါတယ်။
ပြီးခဲ့တဲ့ စက်တင်ဘာလကုန်မှာ အီတလီ အကူအညီပေးရေး ၀န်ထမ်းတဦး နဲ့ အောက်တိုဘာလက ဂျပန်နိုင်ငံသားတဦး သေဆုံးခဲ့ရတာဟာ သူတို့လက်ချက် ဖြစ်တယ်ဆိုတာကိုလည်း IS အဖွဲ့က ပြောဆိုထားပါတယ်။
ဘင်္ဂလားဒေ့ရ်ှနိုင်ငံမှာ ဖေဖော်ဝါရီလကနေ အောက်တိုဘာလအတွင်းမှာလည်း ဘာသာရေး အစွဲအလမ်းကင်းသူ ဘလော့ဂါ ၄ ဦးနဲ့ ထုတ်ဝေသူ ၁ ဦးတို့ဟာ ဓားနဲ့ အသေခုတ်သတ် ခံခဲ့ရတာပါ။ ရဲတွေရဲ့အဆိုအရ ဒေသခံ သဘောထားတင်းမာတဲ့ အစ္စလာမ် အစွန်းရောက်အဖွဲ့ (ABT) ကနေ သူတို့ကို သတ်ဖြတ်ခဲ့တာလို့ ဆိုပါတယ်။
ဘင်္ဂလားဒေ့ရ်ှအစိုးရကတော့ IS စစ်သွေးကြွတွေ ဒါမှမဟုတ် နိုင်ငံတကာ အကြမ်းဖက် အဖွဲ့အစည်းတွေ တိုင်းပြည်တွင်းမှာ ခြေကုပ်ယူထားတာမျိုး မရှိတဲ့အကြောင်း ငြင်းဆန်ထားတာပါ။ ဒါ့အပြင် ABT အဖွဲ့နဲ့ အတိုက်အခံခေါင်းဆောင် ခါလီဒါဇီယာ(Khaleda Zia) ဦးဆောင်တဲ့ ဘင်္ဂလားဒေ့ရှ် အမျိုးသားပါတီ နဲ့ သူ့ရဲ့ မဟာမိတ်ဖြစ်တဲ့ Jamaat-e-Islami အဖွဲ့တို့ဟာ ဒီတိုက်ခိုက်မှုတွေ နောက်ကွယ်မှာ ပါဝင်ပတ်သက်နေတယ်လို့ ပြောဆိုထားပါတယ်။
ဗွီအိုအေ (မြန်မာပိုင်း)
http://burmese.voanews.com
Bangladesh ရောက် အီတလီ သာသနာပြု IS တိုက်ခိုက်
Reviewed by THITHTOOLWIN
on
06:28
Rating: