 |
| လက်ရှိ မြေပြင် တိုက်ပွဲ တွေ ရပ်ဆိုင်းပြီး နယ်မြေ အေးချမ်း တည်ငြိမ်မှု ပြန်လည် ဖြစ်ထွန်း လာမှပဲ NCA ကိစ္စ ကို ဆက်လက် စဉ်းစားမယ်။ |
ထိုင်းနိုင်ငံ ချင်းမိုင် မြို့မှာ ကရင်အမျိုးသား အစည်းအရုံး KNU နဲ့ တွေ့ဆုံ ဆွေးနွေး ခဲ့တဲ့နောက် RCSS/SSA က အခုလို ဆုံးဖြတ်လာတာ ဖြစ်ပါတယ်။
ပြီးခဲ့တဲ့ ရက်ပိုင်းတွေ ကပဲ ရှမ်းပြည် နယ် ထဲက ဒေသတချို့ မှာ အစိုးရတပ် နဲ့ကြား တိုက်ပွဲတွေ ဖြစ်ပေါ်လာတဲ့ အတွက် အခုလို ရန်ကုန် ခရီးစဉ် ကို ဖျက်သိမ်း လိုက်တာ ဖြစ်တယ် ဆိုပြီး ရှမ်းပြည် တပ်မတော် တောင်ပိုင်း ပြောရေး ဆိုခွင့်ရှိသူ ဗိုလ်မှူးကြီးစိုင်းလ က ဘီဘီစီ ကို ပြောပါတယ်။
အစိုးရရဲ့ ငြိမ်းချမ်းရေး ဖော်ဆောင်ရေး လုပ်ငန်း ကော်မတီ ကို ဦးဆောင် ဆွေးနွေးနေတဲ့ ဝန်ကြီး ဦးအောင်မင်း ဆီကို လည်း စာ တစ်စောင် ရေးသား ပေးပို့မယ် လို့လည်း ဗိုလ်မှူးကြီး စိုင်းလ က ဆိုပါတယ်။
အဲဒီ့စာထဲ မှာ စက်တင်ဘာ ၂၀ ရက် နေ့ ရန်ကုန် အစည်းအဝေး ကို မတက်ရောက် တော့မယ့် အကြောင်း အပါအဝင် တောင်းဆို ချက်တွေ နဲ့ လက်ရှိ အခြေအနေ တွေကို ထည့်သွင်း ရေးသား သွားမယ် ဆိုပြီး ဗိုလ်မှူးကြီးစိုင်းလ က ပြောပါတယ်။
ရှမ်းပြည် တပ်မတော် တောင်ပိုင်း အနေနဲ့ NCA ကို ကန့်ကွက်တဲ့ သဘောမဟုတ်ပဲ လက်ရှိ မြေပြင် တိုက်ပွဲ တွေ ရပ်ဆိုင်းပြီး နယ်မြေ အေးချမ်း တည်ငြိမ်မှု ပြန်လည် ဖြစ်ထွန်း လာမှပဲ NCA ကိစ္စ ကို ဆက်လက် စဉ်းစားမယ် ဆိုပြီး ဗိုလ်မှူးကြီးစိုင်းလ က ပြောပါတယ်။
BBC Burmese
http://www.bbc.com/burmese
ပူးတွဲကော်မတီဖွဲ့ရေး အစည်းအဝေး မတက်နိုင်ဘူးလို့ RCSS/SSA ငြင်းဆို
Reviewed by THITHTOOLWIN
on
09:50
Rating:
Reviewed by THITHTOOLWIN
on
09:50
Rating:
