ပြည်ထောင်စုဝန်ကြီးပြိုင်သည့် နယ်တွင် တိုင်းရင်းသားပါတီများ နားလည်မှုယူထားသင့်ဟု KNPP ပြော

KNPP လွိုင်ကော် ဆက်ဆံရေးရုံး တာဝန်ခံ ခူညေးရယ်နှင့် နိုင်ငံရေး ပါတီမှား ဆွေးနွေးပွဲတွင် မြင်တွေ့ရစဉ်ဖြစ်သည်။ ဓတ်ပုံ - ကယားထဲ
 ပြည်ထောင်စု ဝန်ကြီးများ ဝင်ရောက်ယှဉ်ပြိုင်မည့် ကယားပြည်နယ် မဲဆန္ဒနယ်တွင် မဲများမပြန့်သွားစေရန် ဒေသခံ တိုင်းရင်းသား ပါတီများ နားလည်မှုယူပြီး အမှန်တကယ် အနိုင်ရရှိနိုင်မည့် ပါတီသို့မဟုတ် ပုဂ္ဂိုလ်မျိုးကို ထားသင့်သည်ဟု ကရင်နီအမျိုးသား တိုးတက်ရေး ပါတီ KNPP မှ လွိုင်ကော်မြို့ ဆက်ဆံရေးရုံး တာဝန်ခံ ခူညေးရယ်က ပြောသည်။

“ လူထုတွေက မဲတွေဟိုဘက်ထည့်လိုက် ဒီဘက်ထည့်လိုက်နဲ့ ဆိုမဲက ပြန့်သွားမယ်။ အဲဒီမှာ ဦးအောင်မင်းက သူ့တပ်ရှိတယ်လေး။ သူ့တပ်နဲ့သူ့အစိုးရ သူ့ကိုထောက်ခံတဲ့အဖွဲ့ရှိရင် အထွေအုပ်ချုပ်ရေးအဖွဲ့တွေရှိရင် ရုံးဝန်ထမ်းတွေရှိရင် အဲဒါတွေကိုသူ စည်းရုံးသွားမှာပဲ။” ဟုခူညေးရယ်က ပြောသည်။

စက်တင်ဘာလ ၁၄ ရက်နေ့မှ ၁၅ ရက်နေ့တွင် လွိုင်ကော်မြို့ ရဟန်းဖြစ်သင်ကျောင်း၌ ရွေးကောက်ပွဲနှင့် ငြိမ်းချမ်းရေးတွေ့ဆုံဆွေးနွေးပွဲ ပြုလုပ်သွားစဉ်ပြောသွားခဲ့ခြင်းဖြစ်သည်။

ပြီးခဲ့သည့် စက်တင်ဘာလပထမအပတ်အတွင်းတွင် ဦးအောင်မင်းသည် ရှားတောမြို့သို့ သွားရောက်ခဲ့စဉ်တွင် မိမိသည် ယခုကဲ့သို့ ရွေးကောက်ပွဲဝင်ရောက်ယှဉ်ပြိုင်ရခြင်းသည် နိုင်ငံရေးသိက္ခမကျစေလိုသည့် အတွက်ဖြစ်ကြောင်း မည်သို့ပင် ဖြစ်စေ ဝန်ကြီးတစ်နေရာတွင် ရရှိထားပြီးဖြစ်ကြောင်း KNPP အဖွဲ့ခေါင်းဆောင်များနှင့် ပြောဆိုခဲ့သည်ဟု ခူညေးရယ်က ပြောသည်။

နိုဝင်ဘာလ ၈ရက်နေ့တွင် ကျင်းပမည့် ရွေးကောက်ပွဲတွင် ကယားပြည်နယ်အတွင်း ပြည်ထောင်စုဝန်ကြီးများ လာရောက်ယှဉ်ပြိုင်ခြင်းဖြင့် ဒေသခံတိုင်းရင်းသားပါတီများကလည်း ၎င်းဆွေးနွေးပွဲတွင် တက်ရောက်လာကြသည့် ဒေသခံတိုင်းရင်းသားပါတီမှ လွှတ်တော်ကိုယ်စားလှယ်လောင်းများက ပြောဆိုဆွေးနွေးသွားကြသည်။

လူမျိုးပေါင်းစုံဒီမိုကရေစီပါတီမှ ဒီးမော့ဆိုမြို့နယ်မဲဆန္ဒနယ်အမှတ် ၁ တွင် ဝင်ရွေးမည့် ဦးမီရယ်ရဲအောင်က “ ပြည်ထောင်စုဝန်ကြီးတွေက မဲဆွယ်ကာလမတိုင်ခင်ကတည်း ဒလောဟောပစ္စည်းတွေဝင်ရောက်ပီးတော့ ပေးနေတာတွေလုပ်နေတယ်။ တပ်တွေကလည်းများနေတယ်။ အဲဒီမှာမဲပေးမယ့်တစ်နေ့တစ်ချိန်ကျရင် တပ်ထဲကမဲစာရင်းတွေက အဲဒီမဲတွေ ဘယ်ရောက်မလဲဆိုတာတွေ ကျနော်တို့သိသိကျကျ သိဖို့လိုတယ်။ အဲဒီအပိုင်းတွေက စိုးရိမ်စရာတွေဖြစ်လာတယ်။” ဟု ပြောသည်။

ပြည်ထောင်စုဝန်ကြီးဦးစိုးသိန်းသည် ဘောလခဲမြို့နယ်တွင် ဝန်ထမ်းများအား စကိုင်းနက်စလောင်းပေးခြင်း၊ ဆယ်တန်းအောင်ကလေးများကို ဆုငွေများပေးအပ်ခြင်း ၊ ဆိုလာမီးပြားများပေးခြင်းအပေါ် ငွေလုံးငွေရင်းဖြင့် ဝင်ရောက်လာသည့်အတွက်ကြောင့် စိုးရိမ်နေကြခြင်းဖြစ်သည်။
ထို့ကြောင့် ရွေးကောက်ပွဲမဲထည့်မည့်ပြည်သူများအနေဖြင့် ဒေသခံပုဂ္ဂိုလ်များထဲမှ အမှန်တကယ် လူထုအတွက် အကျိုးပြုစေနိုင်သည့်သူများကို မဲထည့်ကြစေလိုသည်ဟု KNPP မှ ခူညေးရယ်က ဆက်ပြောသွားပါသည်။

ရှားတောမြို့နယ်မဲဆန္ဒနယ်မှအမျိုးသားလွှတ်တော်နေရာတွင် ပြည်ထောင်စုဝန်ကြီးဦးအောင်မင်း ၊ ဘောလခဲမြို့နယ် မဲဆန္ဒနယ်မှ အမျိုးသားလွှတ်တော်တွင် ပြည်ထောင်စုဝန်ကြီး ဦးစိုးသိန်း က တစ်သီးပုဂ္ဂလ ဝင်ပြိုင်မည်ဖြစ်သည်။

 ကန္တာရဝတီတိုင်း(မ်)
Kantarawaddy Times
https://www.facebook.com/kantarawaddytimes

ပြည်ထောင်စုဝန်ကြီးပြိုင်သည့် နယ်တွင် တိုင်းရင်းသားပါတီများ နားလည်မှုယူထားသင့်ဟု KNPP ပြော   ပြည်ထောင်စုဝန်ကြီးပြိုင်သည့် နယ်တွင် တိုင်းရင်းသားပါတီများ နားလည်မှုယူထားသင့်ဟု KNPP ပြော Reviewed by THITHTOOLWIN on 10:16 Rating: 5
Powered by Blogger.