ကိုယ်စားလှယ်လောင်းများ သတ်မှတ်ထားသည့် ကျင့်ဝတ်စည်းမျဉ်းများ အတိုင်း မဲဆွယ် စည်းရုံး ဟောပြောနိုင် ဟုဆို

ပြည်ထောင်စု ရွေးကောက်ပွဲ ကော်မရှင် အမှတ်တံဆိပ် အားမြင်တွေ့ရစဉ်(ဆင်ဟွာ)

    ရန်ကုန် ၊ စက်တင်ဘာ ၆ ရက်(ဆင်ဟွာ)

    ရွေးကောက်ပွဲတွင် ၀င်ရောက် ယှဉ်ပြိုင်မည့် ကိုယ်စားလှယ်လောင်းများအနေဖြင့် သက်ဆိုင်ရာ မဲဆန္ဒနယ်မြေများ အလိုက် မဲဆွယ်စည်းရုံး ဟောပြောနိုင်သည့် မြို့ နယ်/ခရိုင် အလိုက် နေရာများ သတ်မှတ်ထားပြီး ကိုယ်စားလှယ်လောင်းများသည် သတ်မှတ်ထားသည့် ကျင့်ဝတ် စည်းမျဉ်းများ အတိုင်း မဲဆွယ်စည်းရုံး ဟောပြောခြင်းများ ပြုလုပ်နိုင်ကြောင်း သတင်းရရှိသည်။

“ပါတီကိုယ်စားလှယ်လောင်းအနေနဲ့ ရွေးချယ်စရာ နှစ်ခု ရှိပါတယ်။ ဟောပြောစည်းရုံးခြင်း ဆိုင်ရာ ညွှန်ကြားချက် (၂/၂၀၁၄) အရ သက်ဆိုင်ရာ ရွေးကောက်ပွဲ ကော်မရှင် အဖွဲ့ ခွဲဆီ လျှောက်ပြီးတော့ ဟောပြော စည်းရုံးတာက ရွေးချယ်စရာ တစ်ခု ၊ ဒါမှ မဟုတ် ကျင့်ဝတ် (Code of Conduct) အရ သီးခြားနေရာ တစ်ခုမှာ သူတို့ သဘောနဲ့ သူတို့ ဟောပြောစည်းရုံးရင်လည်း ဖြစ်ပါတယ်။အဲဒါလည်း ရွေးချယ်စရာ တစ်ခုပါ။အဘတို့ ရွေးကောက်ပွဲ ကော်မရှင် အဖွဲ့ ဆီကို တင်ရင်တော့ အဘတို့ သက်မှတ်ထားတဲ့ နေရာမှာ ဟောပြောစည်းရုံးဖို့ နေရာပေးမှာပါ။သူဟာသူလုပ်မယ်ဆိုရင်တော့ သူဟာသူ နေရာ ရှာရမှာပေါ့။”ဟု ရန်ကုန်တိုင်းဒေသကြီး ရွေးကောက်ပွဲကော်မရှင် ဥက္ကဋ္ဌ ဦးကိုကိုက ယနေ့ ပြောသည်။

ရွေးကောက်ပွဲ ဝင်ပြိုင်ခွင့်ရသည့် ကိုယ်စားလှယ်လောင်း စာရင်းများကို တစ်နိုင်ငံလုံး အတိုင်းအတာဖြင့် စက်တင်ဘာ ၅ ရက်မှ စတင်ထုတ်ပြန်နေပြီး ရန်ကုန်တိုင်း ဒေသကြီးတွင် ဝင်ရောက် ယှဉ်ပြိုင်ခွင့်ရသည့် ကိုယ်စားလှယ်လောင်း အရည်အချင်းနှင့် ကိုက်ညီသူ ၈၀၂ ဦး ရှိပြီး ခရိုင်မှ စိစစ်ပြီး ငြင်းပယ်ခံထားရသော ၂၈ ဦးမှာ တိုင်းဒေသကြီးသို့ အယူခံတတ်ထားခြင်းများ ရှိကြောင်း သိရသည်။

ပြည်ထောင်စု ရွေးကောက်ပွဲ ကော်မရှင်သည် မဲဆွယ် စည်းရုံးခွင့် ကာလကို စက်တင်ဘာ ၈ ရက် မှ နိုဝင်ဘာ ၆ ရက်အထိ ရက်ပေါင်း ၆၀ ခွင့်ပြုသတ်မှတ်ပေးထားပြီး တစ်နိုင်ငံလုံး အတိုင်းအတာဖြင့် ၂၀၁၅ ခုနှစ် ပါတီစုံ အထွေထွေ ရွေးကောက်ပွဲကို နိုဝင်ဘာ ၈ ရက်တွင် ကျင်းပပြုလုပ်မည် ဖြစ်သည်။

(Xinhua)
http://www.xinhuamyanmar.com
ကိုယ်စားလှယ်လောင်းများ သတ်မှတ်ထားသည့် ကျင့်ဝတ်စည်းမျဉ်းများ အတိုင်း မဲဆွယ် စည်းရုံး ဟောပြောနိုင် ဟုဆို   ကိုယ်စားလှယ်လောင်းများ သတ်မှတ်ထားသည့် ကျင့်ဝတ်စည်းမျဉ်းများ အတိုင်း မဲဆွယ် စည်းရုံး ဟောပြောနိုင် ဟုဆို Reviewed by THITHTOOLWIN on 19:19 Rating: 5
Powered by Blogger.