ကြံ့ခိုင်ရေး အမျိုးသားလွှတ်တော်အမတ်လောင်း က ဒေါ်အောင်ဆန်းစုကြည် အတွက် မဲဆွယ်ပေး |
ကော့မှူးဒေသ ဘက်ကနေ အမျိုးသားလွှတ်တော် ကိုယ်စားလှယ်လောင်း တယောက်အဖြစ် ရွေးကောက်ပွဲမှာ ဝင်ပြိုင်မယ့် ဦးခင်ရွှေက ဒေါ်အောင်ဆန်းစုကြည်ဟာ ကော့မှူးမြို့နယ် မဲဆန္ဒနယ် ပြည်သူ့လွှတ်တော် အမတ်နေရာအတွက် သူ့ကိုမီနိုင်တဲ့ ပြိုင်ဘက် ရှိမှာ မဟုတ်ဘူးလို့ ပြောပါတယ်။
ဒေါ်အောင်ဆန်းစုကြည်ဟာ နိုင်ငံအတွက် အနစ်နာခံခဲ့တာ များလှပြီမို့ သူ့အတွက်လည်း နိုင်ငံအတွက် လုပ်စရာ နေရာတခုပေးသင့်တယ်လို့လည်း သူက မြင်ပါတယ်။
နိုင်ငံတကာ ရင်းနှီးမြှုပ်နှံမှုတွေ ဝင်လာအောင် ဒေါ်အောင်ဆန်းစုကြည်က လုပ်ဆောင်နိုင်လိမ့်မယ်လို့ သူ ထင်မြင်ကြောင်းလည်း ဘီဘီစီကို ပြောပါတယ်။
ဦးခင်ရွှေ ကိုယ်တိုင်ကတော့ ကော့မှူးဘက်နေ အမျိုးသားလွှတ်တော် ကိုယ်စားလှယ်လောင်း တယောက် ရွေးကောက်ပွဲမှာ ဝင်ပြိုင်မှာဖြစ်ပြီး သူလည်း နိုင်မှာလို့ သူ့ကိုယ်သူ မျှော်လင့်ထားပါတယ်။
BBC Burmese
http://www.bbc.com/burmese
ဦးခင်ရွှေက ဒေါ်အောင်ဆန်းစုကြည်ကို မဲပေးကြဖို့ တိုက်တွန်း
Reviewed by THITHTOOLWIN
on
08:27
Rating: