 |
| အကြမ်းဖက် တိုက်ခိုက်မှု (Credit: Reuters) |
ဆီးရီးယား လူ့အခွင့်အရေး စောင့်ကြည့်လေ့လာရေး အဖွဲ့ရဲ့ အဆိုအရ အဆိုပါ IS စစ်သွေးကြွဟာ ဆီးရီးယား မြောက်ပိုင်းဒေသက ရွာတရွာမှာရှိတဲ့ အစောင့်တပ်ကို မိမိကိုယ်မိမိ အသေခံ ဗုံးခွဲတိုက်ခိုက်ခဲ့တာဖြစ်ကြောင်း ပြောပါတယ်။
အဲဒီနောက်ပိုင်းမှာတော့ အဲဒီရွာဟာလည်း IS တွေရဲ့ လက်ထဲ ရောက်သွားပြီလို့ သတင်းရရှိပါတယ်။
ဒီသတင်းနဲ့ ဆက်စပ်သတင်းတပုဒ်မှာတော့
ဆီးရီးယားနဲ့ အီရတ်နိုင်ငံတွေအတွင်းမှာရှိတဲ့ IS အစ္စလာမစ် စစ်သွေးကြွတွေအပေါ် ညွန့်ပေါင်းတပ်ဖွဲ့တွေက လေကြောင်းတိုက်ခိုက်မှုတွေ ပြုလုပ်နေတာနဲ့အတူ တူရကီလေကြောင်းပိုင်နက်အတွင်း အမေရိကန် F16 တိုက်လေယာဉ်တွေ ချထားလိုက်တယ်လို့ အမေရိကန် စစ်ဖက်ဆိုင်ရာ တာဝန်ရှိသူတွေက ပြောပါတယ်။
အီတလီနိုင်ငံ Aviano လေတပ်အခြေစိုက်စခန်းကနေ အမေရိကန် F16 တိုက်လေယာဉ် ၆ စီးနဲ့ အမှုထမ်း ၃၀၀ ကို တူရကီအခြေစိုက်စခန်းကို ဖြန့်ချခဲ့တာ ဖြစ်တယ်လို့ Incirlik စခန်းရဲ့ ကြောညာချက်မှာ ဖော်ပြထားပါတယ်။
IS တွေအပေါ် လေကြောင်းကတိုက်ခိုက်မှုတွေကို ညလုံးပေါက် ဆက်လက်ပြုလုပ်ခဲ့ပြီး အမေရိကန် လေတပ်က အီရတ်နိုင်ငံအတွင်း တိုက်ခိုက်မှု ၁၆ ကြိမ်နဲ့ ဆီးရီးယားနိုင်ငံအတွင်းမှာ တိုက်ခိုက်မှု ၇ ကြိမ်ပြုလုပ်ခဲ့တယ်လို့ ဆိုပါတယ်။
ABC Radio Australia
http://www.radioaustralia.net.au/burmese
IS အသေခံဗုံးခွဲ
Reviewed by သစ်ထူးလွင်
on
11:02
Rating:
Reviewed by သစ်ထူးလွင်
on
11:02
Rating:
