သူရဦးရွှေမန်းနဲ့ ဒေါ်အောင်ဆန်းစုကြည် တွေ့ဆုံဆွေးနွေး

(ဓါတ်ပုံ - ပြည်သူ့လွှတ်တော် ဇဗ္ဗူသီရိခန်းမဆောင်မှာ ၂ဝ၁၃ ခုနှစ် ဇူလိုင်လ ၁၈ ရက်နေ့က အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် နဲ့ ပြည်သူ့လွှတ်တော်ဥက္ကဌ သူရ ဦးရွှေမန်း တို့ သတင်းထောက်များနဲ့ တွေ့ဆုံစဉ်)

 ပြည်သူ့လွှတ်တော် ဥက္ကဌ သူရဦးရွှေမန်းနဲ့ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်တို့ဟာ ဒီကနေ့ မနက် ၁၀ နာရီက ပြည်သူ့ လွှတ်တော် ဥက္ကဌ ရုံးခန်းမှာ ၁ နာရီကျော်လောက် သီးသန့်တွေ့ဆုံခဲ့ပါတယ်။

အဲဒီလို သီးသန့်တွေ့ဆုံတယ်ဆိုတာ အတည်ပြုနိုင်ပေမယ့် ဘာတွေဆွေးနွေးတယ်ဆိုတာတော့ မသိရှိရပါဘူး။ လွှတ်တော်ကျင်းပနေစဉ်မှာ တခါတရံ သီးသန့်တွေ့ဆုံမှုတွေရှိခဲ့ပေမယ့် လွှတ်တော်နားရက်မှာ သီးသန့်တွေ့ဆုံမှုမျိုး အရင်က မရှိခဲ့ဖူးပါဘူး။

လွှတ်တော် ဥက္ကဌ သူရဦးရွှေမန်းဟာ ပြည်ထောင်စု ကြံ့ခိုင်ရေးနဲ့ ဖံွ့ဖြိုးရေးပါတီ ပူးတွဲဥက္ကဌ တာဝန်ကနေ ဖယ်ရှားခံရပြီးနောက် ပြည်သူ့လွှတ်တော်ရုံးမှာ လွှတ်တော်လုပ်ငန်းတာဝန်တွေကို ဆက်လက်လုပ်ဆောင်နေဆဲပဲလို့ သူ့ရဲ့ ဖေ့ဘွတ်စ်စာမျက်နှာမှာ အသိပေးထားပါတယ်။

RFA Burmese
https://www.facebook.com/pages/RFA-Burmese