မြန်မာ့တိုင်းရင်းဆင်များ မျိုးတုံးပျောက်ကွယ်မှုမှ ကာကွယ်နိုင်ရေး သဘာဝသစ်တောများ စုပေါင်းကာကွယ်ထိန်းသိမ်းသင့်


 ယခုလအတွင်း တောဆင်ရိုင်း ခြောက်ကောင် နယ်ကျွံရောက်ရှိလာသည့် သတင်းမှာ ယနေ့အချိန်အထိ ပြည်သူများအတွင်း စိတ်ဝင်စားမှု မြင့်တက် လျက်ရှိနေဆဲ၊ လူမှုမီဒီယာများတွင်လည်း ထိုအကြောင်းအရာများကပျံ့နှံ့လျက်ရှိပြီး ဆင်များကို ဘယ်လိုများရိုးမတောထဲကို ပြန်လည်ပို့ဆောင်ကြမလဲ၊ ကွဲကျန်နေခဲ့သော ဆင်ကလေးကိုပါ ကရုဏာသက်စွာ ပြောကြဆိုကြ၊ ရေးနေကြဆဲ.... ။

ဆင်ရိုင်းများ အမှတ်မထင် ဝင်ရောက်လာကြသည့်သတင်း၊ တာဝန် ရှိသူများက ပြန်လည်ပို့ဆောင် မောင်းနှင်သည်မှာလည်း သတင်း၊ ဆင်ငယ်လေး တစ်ကောင်ကွဲကျန် သည်မှာလည်း ရင်နာစရာသတင်း၊ နေ့စဉ်သတင်းဖတ်ရှုသူများက ထို ဆင်အုပ်စု လှုပ်ရှားသွားလာသည့် သတင်းများကိုပင် စောင့်ကြည့်ဖတ်ရှု သူများ ပို၍များပြားလျက်ရှိသည်ကို တွေ့ရသည်။ တောဆင်ရိုင်းများမှာ ပဲခူးရိုးမ၊ ရခိုင်ရိုးမ၊ တနင်္သာရီသစ် တောကြိုးဝိုင်းများနှင့် အခြားသော ဒေသများတွင် အကောင်ရေအနည်း ငယ်သာ ကျန်ရှိတော့ကြောင်း ကျွမ်းကျင်သူများက ခန့်မှန်းထားကြ သည်။ သဘာဝပတ်ဝန်းကျင်နှင့် သစ်တောများပြုန်းတီးခြင်းမှာ နှစ် အနည်းငယ်အတွင်း သိသိသာသာ ပိုမိုဆိုးရွားလာသည်ဟုဆိုလျှင် ငြင်း နိုင်သူ ရှားလိမ့်မည်ထင်သည်။

ပဲခူးရိုးမကို အုတ်တွင်း-ပေါက် ခေါင်းလမ်းအတိုင်း ဆိုင်ကယ်တစ်စီး နှင့် ဖြတ်သန်းမောင်းနှင်ဖူးသလို သာဂရ-ကိုးပင် လမ်းကိုလည်း ဆိုင်ကယ်ဖြင့် ဖြတ်သန်းမောင်းနှင် ခဲ့ဖူးသည်။ အုတ်တွင်း-ပေါက်ခေါင်း ရိုးမဖြတ်ကျော် လမ်းတစ်လျှောက် သစ်တောကြီးများသည် အချို့နေရာ များဆိုလျှင် နေပြောက်ပင်ထိုးနိုင်ခြင်း မရှိဘဲစိမ့်နေအောင်အေးသည့် နေရာ များလည်း တွေ့ရှိခဲ့ရသည်။

ထို့ကြောင့် ခပေါင်းချောင်းဖျား နှင့် မိုင် ၂ဝ ဆင်စခန်းဝန်းကျင်၌ သစ်တောကြိုးဝိုင်းများတွင် တော ဆင်ရိုင်းအုပ်များ သဘာဝအတိုင်း ကျင်လည် ကျက်စားလျက်ရှိကာ တစ်ခါတစ်ရံ သစ်တောကြိုးဝိုင်းဒေသ အတွင်း နယ်ပယ်ချဲ့ထွင်နေထိုင် ကြသူများနှင့် ဆင်ရိုင်းများထိတွေ့ကာ အသက်သေဆုံးခဲ့ရသည့် ဖြစ်စဉ် သာဓကများလည်း မကြာခဏဆို သလို ယခင်က ကြားခဲ့ရသည်။ ရိုးမဖြတ် ကားလမ်းတစ်လျှောက် သစ်ခုတ်၊ ဝါးခုတ်၊ ထင်းမီးသွေးဖုတ် သူများ၊ ဈေးဆိုင်ဖွင့်လှစ် ရောင်းချ သူများမှာ တစ်လမ်းလုံး ပြတ်သည် ဟူ၍မရှိ တွေ့ခဲ့ရသည်။ အဆိုပါ ရိုး မဖြတ်ကျော်ကားလမ်းတစ်လျှောက် မိုင်တိုင်အလိုက် ကျေးရွာလေးများ ဖြစ်လာကြကာ အချို့သော တောနက် သည့်နေရာများတွင် ဖွင့်လှစ်ထား သော ဈေးဆိုင်များသည်ပင် အဆင့် မြင့် မြင့်ဖွင့်လှစ်ထားကြသည်ကို တွေ့ရသည်။

ထိုနည်းနှင့်ပင် သာဂရ-ကိုးပင် လမ်းတစ်လျှောက်တွင် အုတ်တွင်း-ပေါက်ခေါင်းလမ်းနှင့်စာလျှင် သစ်တော များမှာ မရှိသလောက်ကို နည်းပါး သွားပြီး ၁ဝ မိုင် ဖိုးကျားဆင်စခန်းနှင့် မိုင် ၄ဝ ကျောက်မဆင်သစ်တော ကြိုးဝိုင်းတွင်သာ ဆင်စခန်းတစ်ခု ရှိသလို သစ်တောထူထပ်သည့်နေရာ ဟူ၍ ကျန်ရှိတော့သည်။

သစ်တောများ ပြုန်းတီးမှုကို ပြန်လည်ကုစားနိုင်ရန် နိုင်ငံပိုင် သစ်တော ကြိုးဝိုင်းများအတွင်း ပုဂ္ဂလိက ကျွန်းစိုက်ခင်းများစွာ ထူထောင်ကာ စိုက်ပျိုးကြသော်လည်း နောက် ၁ဝ နှစ်ကြာသည့်တိုင် အားရ ဖွယ်အနေအထားတွင် ရှိနေမှာ မဟုတ်ကြောင်း ကျွမ်းကျင်သူအချို့က သုံးသပ်သည်။ သစ်တောများပြုန်းတီး ခြင်းကြောင့် သဘာဝအတိုင်း ကျင် လည်ကျက်စားရန် အခက်အခဲများ ဖြစ်ပေါ်ပြီး နေထိုိင်ရန်ပင် ရှားပါး လာပြီဖြစ်သည်ကို တောဆင်ရိုင်း ခြောက်ကောင်အုပ်က မီးမောင်းထိုး ပြနေခြင်းဖြစ်ကြောင်း အထက်ပါ ကျွမ်းကျင်သူကပင် သုံးသပ်ပြောကြား သည်။ သစ်တောများပြုန်းတီးခြင်းကို ကုစားရန် နိုင်ငံတော်အစိုးရတွင်ပင် တာဝန်ရှိသည်မဟုတ်၊ သက်ဆိုင်ရာ ဌာနနှင့် ပြည်သူများ၌လည်း တာဝန် ရှိနေသည်။ ဝန်ထမ်းများသည်လည်း အဂတိတရားနှင့် ကိုယ်ကျိုးစီးပွား ရှာခြင်းကို ရှောင်ကြဉ်သင့်သလို ပြည်သူများအနေဖြင့်လည်း သစ်တော ကိုမှီခိုမှုလျှော့ချခြင်းနှင့် ဝိသမလောဘ စိတ်ကို ထိန်းချုပ်ခြင်းဖြင့် သစ်တော ကြီးများ ပြန်လည်စိမ်းလန်းစိုပြည်ကာ တောရိုင်းတိရစ္ဆာန် မျိုးစုံတို့သည် သဘာဝအတိုင်း ကျင်လည်ကျက်စား ရှင်သန်နေနိုင်ကြတော့မည်ဖြစ်သည်။

ကိုလွင်(ဆွာ)
Myanmaalinn
https://www.facebook.com/MYANMAALINNNEWS

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ