ယီမင်နိုင်ငံမှာ ရှီယာမွတ်စလင် ဟူသီသူပုန်တွေနဲ့ တိုက်ပွဲတွေဖြစ်နေတဲ့ အစိုးရလိုလားတဲ့တပ်တွေက နိုင်ငံရဲ့ အကြီးဆုံးAl-Anad လေတပ်စခန်းကို သူပုန်တွေလက်ထဲက ပြန်လည်သိမ်းပိုက်နိုင်ခဲ့ပြီလို့ တပ်တွေရဲ့ ပြောခွင့်ရသူက ဘီဘီစီကို ပြောပါတယ်။
Al-Anad လေတပ်စခန်းဟာ အခုအချိန်မှာ သမ္မတ Hadi ကိုထောက်ခံသူတွေရဲ့ လက်ထဲပြန်ရောက်နေပါပြီလို့ အစိုးရလိုလားတဲ့တပ်တွေရဲ့ ပြောခွင့်ရသူ Nasr Alkaid က ဘီဘီစီကို ပြောပါတယ်။
အဆိုပါစခန်းကနေ ၂ မိုင်ခွဲလောက်အကွာမှာ အစိုးရတပ်တွေနဲ့ သူပုန်တွေဟာ ဆက်လက်တိုက်ပွဲတွေ ဖြစ်နေသေးတယ်လို့လည်း ဆိုပါတယ်။
အခုရက်ပိုင်းအတွင်း တိုက်ပွဲတွေ အပြင်းအထန် ဖြစ်ပွားခဲ့တဲ့ ဧဒင်မြို့မြောက်ဘက် ရှိ Al-Anad လေတပ်စခန်းမှာ သေကျေ ဒဏ်ရာရသူတွေ များပြားတယ်လို့လည်း သိရပါတယ်။
ဆော်ဒီ ဦးဆောင်တဲ့ မဟာမိတ်တပ်ဖွဲ့ရဲ့ လေကြောင်းတိုက်ခိုက်မှု အကူအညီတွေနဲ့ ပြီးခဲ့တဲ့လက ဧဒင်မြို့ကို အစိုးရလိုလားတဲ့တပ်ဖွဲ့တွေက ပြန်လည်သိမ်းယူပြီးခဲ့နောက်မှာ အခုလို တိုက်ပွဲတွေ ပြင်းထန်လာခဲ့တာ ဖြစ်ပါတယ်။
BBC Burmese
https://www.facebook.com/bbcburmese
ယီမင်မှာ သူပုန်တွေထိန်းချုပ်ထားတဲ့ လေတပ်စခန်းကို ပြန်လည်သိမ်းပိုက်
Reviewed by THITHTOOLWIN
on
20:47
Rating:
Reviewed by THITHTOOLWIN
on
20:47
Rating:
