ညောင်တုန်းမြို့ ၌ စိုးရိမ်ရေမှတ်နှင့် အန္တရာယ်ရှိ ရေမှတ်ကျော်လွန်နေ

 ဧရာဝတီတိုင်း ဒေသကြီး၊ ညောင်တုန်းမြို့တွင် ဧရာဝတီမြစ်ရေ မြင့်တက်လာမှုကြောင့် မြို့စိုးရိမ်ရေမှတ်(၂၂.၅)ပေအထက်သို့ရောက်ရှိ ကျော်လွန်ကာ သြဂုတ်လ(၃)ရက်နေ့ နေ့လည်(၁၂)နာရီ အချိန်တိုင်းထွာ ချက်အရ(၂၅.၃)ပေသို့ရောက်ရှိနေပြီ ဖြစ်သည်။

မြို့၏ စိုးရိမ်အန္တရာယ်ရေမှတ်သည်(၂၄.၅)ပေဖြစ်၍ ယခုလက်ရှိ အခြေအနေသည် အန္တရာယ်ရှိ ရေအမှတ်အထက်သို့ ကျော်လွန်ရောက်ရှိ လာပြီဖြစ်၍ သဘာဝရေဘေး အန္တရာယ် ကြိုတင်ကာကွယ်ရေး လုပ်ငန်းများကိုသက်ဆိုင်ရာ အာဏာပိုင်များနှင့် လူမှုရေး အသင်းအဖွဲ့များ၊ ရပ်ကွက်ပြည်သူများ၊ စေတနာရှင်များက ရေကာတာ ရေပေါက်များ ကျိုးပေါက်မှု မရှိစေရေး၊ ရေစိမ့်ဝင်နေသော နေရာများအား စနစ်တကျ ပိတ်ဆို့ကာကွယ်ခြင်း၊ မြို့ပတ်တာနိမ့်သော နေရာများ၊ တာခြေရေစိမ့်ဝင်သော နေရာများတွင် သဲအိပ်များ စီထပ်ကာခြင်း၊ရေကတုတ်၊ ရေခွေများ ဆောင်ရွက်ခြင်း၊ ပြည်သူများအား အသံချဲ့စက်များဖြင့် အသိပေးကြေညာခြင်းများ ဆောင်ရွက်နေပါသည်။

အရေးပေါ် ကြိုတင်ကာကွယ်ရေး လုပ်ငန်းများအဖြစ် ယာယီ ရေဘေးလွတ်စခန်း(၁၀)ခုဖွင့်လှစ်ထားပြီး အချိန်နှင့်တပြေးညီ ရေဘေးအန္တရာယ် ကျရောက်လာပါက အသက်အရွယ်ကြီးသူများ၊ နာမကျန်း ဆေးရုံတက် ကုသခံနေရသူများ၊ အများပြည်သူများအား ရေးဘေးလွန်ရာသို့ အမြန်ဆုံး ပြောင်းရွေ့နိုင်ရေးနှင့် ရေးဘေးအန္တကျရောက်မှုမဖြစ်ပေါ် နိုင်စေရေးအတွက် အချိန်နှင့်တပြေးညီနေ့မအား ညမအား အများပြည်သူများနှင့် ဌာနဆိုင်ရာများ ရန်ကုန်မြို့မှ လာရောက်ကူညီအဖွဲ့အစည်းများနှင့် ပူးပေါင်း ဆောင်ရွက်လျှက်ရှိကြောင်း သိရသည်။

သတင်း - ဓါတ်ပုံ။ ။  ထွန်းကျော်/၀င်းမြင့်ကျော်(ညောင်တုန်း)
by Thit Htoo Lwin