တိုင်းရင်းသားတပ် အားလုံးပါရေးမူ အောင်မြင်နိုင်မှာလား

 တနိုင်ငံလုံး အပစ်ရပ် စာချုပ် NCA မှာ လူမျိုးစု လက်နက်ကိုင်တပ် အားလုံး ပါဝင်ရေး မူကို ဆက်လက် စွဲကိုင် ဖို့ တိုင်းရင်းသား တပ် အသီးသီးက ခေါင်းဆောင် တွေ ရဲ့ မနေ့က အဆုံးသတ်ခဲ့တဲ့ ချင်းမိုင် အစည်းအဝေး ကနေ ဆုံးဖြတ်ခဲ့ ပါတယ်။

လာမယ့် စက်တင်ဘာ လဆန်း မှာ တိုင်းရင်းသား တပ် တွေ က ထိပ်သီး ခေါင်းဆောင် တွေ နဲ့ အဆင့်မြင့် ညှိနှိုင်းရေး ကိုယ်စားလှယ် အဖွဲ့ဝင် တွေ စုပေါင်းပြီး အစိုးရ သမ္မတ ဦးသိန်းစိန် နဲ့ စစ်တပ် အကြီးအကဲ ဗိုလ်ချုပ်မှုးကြီး မင်းအောင်လှိုင် တို့ကို သွားရောက် တွေ့ဆုံ ကြပါ လိမ့် မယ်။

အစိုးရ ရဲ့ သဘောထား ကတော့ တိုင်းရင်းသား လက်နက်ကိုင် ၂၁ ဖွဲ့ ထဲ က ၁၅ ဖွဲ့နဲ့ ပဲ NCA ကို စတင် ထိုးဖို့ အလိုရှိ နေပါတယ်။

အထူးသဖြင့် ကိုးကန့်တပ် MNDAA နဲ့ ကြား အပြင်းအထန် တိုက်ခိုက် ခဲ့တဲ့ ကိုးကန့် ဒေသ စစ်ပွဲ ကို မြန်မာ အစိုးရ နဲ့ စစ်တပ် က အချုပ်အခြာ ထိပါးမှု၊ တိုင်းတပါး ကျူးကျော် မှု သဖွယ် ပြောဆိုထား တာ ဖြစ်ပါတယ်။

ကိုးကန့်လူမျိုးဟာ ကိုးကန့်ဒေသမှာ နှစ်ပေါင်း ၂၀၀ ကျော် နေထိုင် ခဲ့ကြတဲ့ သမိုင်းကြောင်း ရှိပြီး အစိုးရ ဘက်က အချုပ်အခြာ ထိပါးမှု လို့ ပုံဖော်ခြင်း အပေါ် လက်မခံ နိုင်ဘူး လို့ ချင်းမိုင် အစည်းအဝေးကို လာတက်ခဲ့တဲ့ MNDAA ရဲ့ ဆက်ဆံရေး တာဝန်ခံ ဒုတိယ ဗိုလ်မှူးကြီး ဖုန်းဝင်းနိုင် က ဘီဘီစီကို ပြောပါတယ်။

MNDAA ဟာ တစ်ဖက်သတ် အပစ်ရပ် ကြေညာ ပေးထားပြီး နိုင်ငံရေး အရ အဖြေ ရှာ နိုင်ဖို့ကို လည်း တိုင်းရင်းသား တပ်ပေါင်းစု UNFC အနေနဲ့ ဆက် ကြိုးစား သွားမယ် လို့ ဒုတိယ ဗိုလ်မှူးကြီး ဖုန်းဝင်းနိုင် က ဆိုပါတယ်။

 BBC Burmese
https://www.facebook.com/bbcburmese