 |
| ဧရာဝတီတိုင်း ကျိုက်လတ်မြို့ တိလောကမာရဇိန်ဘုရားဓမ္မာရုံမှာ ဇူလိုင်လ ၂၅ ရက်နေ့က အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်း စုကြည် ရွေးကောက်ပွဲဆိုင်ရာ ပညာပေးလူထုဟောပြောပွဲကို ဟောပြောနေစဉ် Photo: Kyaw Zaw Win/ RFA |
ဒီနေ့ ဧရာဝတီတိုင်း ကျိုက်လတ်မြို့ တိလောကမာရဇိန် ဘုရားဓမ္မာရုံမှာ ရွေးကောက်ပွဲဆိုင်ရာ ပညာပေးလူထုဟောပြော ပွဲ ကျင်းပခဲ့ပါတယ်။ အဲဒီဟောပြောပွဲမှာ ဒေါ်အောင်ဆန်းစုကြည်က NLD ကနေ ၀င်ရောက်ယှဉ်ပြိုင်မယ့် ပါတီပြင်ပက လူပုဂ္ဂိုလ်တွေအပေါ် ဝေဖန်မှုတွေ ရှိလာတဲ့အတွက် မိန့်ခွန်းမှာ ထည့်သွင်းပြောကြားခဲ့တာ ဖြစ်ပါတယ်။
"အခုဆိုရင် အမျိုးသားဒီမိုကရေစီအဖွဲ့ချုပ်ကနေဝင်ရောက်ယှဉ်ပြိုင်ဖို့ တကယ်တော်တဲ့ ပုဂ္ဂိုလ်ကြီးများ၊ ပညာရှင်များ ကျမတို့ဖိတ်ခေါ်တယ်၊ တချို့ကနည်းနည်း မကျေနပ်ချင်ဘူး၊ ဒီပုဂ္ဂိုလ်တွေက အစတုန်းက အဖွဲ့ချုပ်ဝင်တွေလည်း မဟုတ်ဘူး၊ အခုမှဝင်လာပြီးတော့ သူတို့ကို ကိုယ်စားလှယ်နေရာပေးမှာလား ဆိုပြီးမေးတဲ့ သူတွေရှိတယ်၊ ဟုတ်တယ် ကျမတို့ပေးရမယ်၊ မိမိတို့ရဲ့ကျွမ်းကျင်မှုအရ၊ မိမိတို့ရဲ့ပညာ အရ နိုင်ငံကိုအကျိုးပြုတယ်၊ နောက်ပြီးတော့ ဒီမိုကရေစီကို ထိပါးအောင် မလုပ်ခဲ့ဘူးဆိုရင် ကျမတို့ ဒီလိုပုဂ္ဂိုလ်တွေကို နိုင်ငံအတွက်သုံးရမှာဘဲ"
NLD ပါတီသာ အားလုံးအနိုင်ရခဲ့ရင် ၁၉၉၀ ရွေးကောက်ပွဲအပြီးလိုမျိုး တပ်မတော်က အာဏာသိမ်းလိမ့်မယ်လို့ ပြောနေ ကြတာဟာ စစ်တပ်၊ ပြည်သူနဲ့ ဒီမိုကရေ စီစနစ်ကို စော်ကား လိုက်တာဖြစ် ကြောင်း ပြောပါတယ်။ ဒါ့အပြင် NLD ဟာ အမျိုးသားရင်ကြားစေ့ရေးကိုပဲ ဦးထိပ်ထားပြီး အဲဒီလို ကြိုးပမ်းဖို့အတွက် ပြည် သူတွေကလည်း ပါဝင်ကြဖို့ လိုအပ်ကြောင်း ပြောပါတယ်။
စစ်မှန်တဲ့ ဒီမိုကရေစီဆိုတာ ကိုယ့်ကံကြမ္မာကို ကိုယ်တိုင်ဖန်တီးခွင့်ရှိတာကြောင့် လူတစ်ဦးမှာ ဆန္ဒမဲတစ်ခုသာရှိတဲ့ အတွက် မဲတစ်ပြားကို အဆုံးရှုံးမခံကြဖို့နဲ့ လှို့ဝှက်မဲစနစ်ဖြစ်တာကြောင့် ကိုယ့်ကြိုက်နှစ်သက်သူကို မဲပေးဖို့ မကြောက် ကြဖို့ တိုက်တွန်းပြောကြားခဲ့ပါတယ်။
ဒီနေ့ကျင်းပတဲ့ ဟောပြောပွဲမှာ ဒေသခံ ၂၀၀၀ နီးပါးတက်ရောက်ခဲ့ကြပါတယ်။ ဒေါ်အောင်ဆန်းစုကြည်ဟာ မနက်ဖြန် မော်ကျွန်းမြို့နယ်ကိုသွားရောက်ပြီး လူထုဟောပြောပွဲ ကျင်းပမှာ ဖြစ်ပါတယ်။
RFA Burmese
http://www.rfa.org/burmese
NLD ကိုယ်စားလှယ်လောင်းတွေနဲ့ ပတ်သက်ပြီး ဒေါ်အောင်ဆန်းစု ကြည် ပြောကြား
Reviewed by THITHTOOLWIN
on
19:05
Rating:
Reviewed by THITHTOOLWIN
on
19:05
Rating:
