CHIA ႏွင့္ PAR သင္တန္း ၀ံလက္ေဖါင္ေဒးရွင္းတြင္ျပဳလုပ္


စစ္ေတြ၊ ဇူလိုင္ ၅

ပုဏၰားကၽြန္းစက္မႈဇံု ဧရိယာ အနီးတစ္၀ိုက္ေက်းရြာမ်ားမွ ရြာသူရြာသားမ်ားအတြက္ လူထုက်န္းမာေရး အက်ိဳး သက္ေရာက္မႈ ဆန္းစစ္ခ်က္ CHIA ႏွင့္ လူထုပါ၀င္သုေတသန PAR သင္တန္းကို ၀ံလက္ေဖါင္းေဒးရွင္းက စစ္ေတြၿမိဳ႕ရွိ ၄င္းတို႔ရံုးတြင္ ဇူလိုင္လ ၃ ရက္ေန႔မွ ၁၀ ရက္ေန႔ထိ ျပဳလုပ္လ်က္ရွိေၾကာင္း သိရသည္။

“အဓိကေတာ့ ကၽြန္ေတာ္တို႔ လူထုက်န္းမာေရး ဆန္းစစ္ခ်က္ဆိုတဲ့ CHIA ႏွင့္ လူမႈဘ၀ႏွင့္ သဘာ၀ပတ္၀န္းက်င္ဆိုင္ရာနဲ႔ ေနာက္ၿပီးေတာ့ စက္မႈဇံုေတြ ျဖစ္တည္လာတဲ့အခါ အက်ိဳးသက္ေရာက္မႈေတြ ဘယ္လို ဆက္ႏြယ္ေနတာလဲ ဆိုတာေတြကို သိရွိေစလိုတဲ့ ရည္ရြယ္ခ်က္နဲ႕ ေဒသခံလူထုေတြအတြက္ ျပဳလုပ္ရျခင္းျဖစ္ပါတယ္”ဟု သင္တန္းကို ဦးေဆာင္ျပဳလုပ္သူ ၀ံလက္ေဒသဖြံ႕ၿဖိဳးေရးေဖါင္ေဒးရွင္းက ဒါရိုက္တာ ခိုင္ေကာင္းစံက နိရဥၥရာသတင္းဌာနသို႔ ေျပာသည္။

ယခုျပဳလုပ္ေသာ သင္တန္းတြင္ သဘာ၀ပတ္၀န္းက်င္ဆိုင္ရာ အသိပညာေပးေရး၊ ဌာေနတိုင္းရင္းသားမ်ားဆိုင္ရာ အခြင့္အေရး၊ လူ႔အခြင့္အေရး၊ အမ်ိဳးသမီးအခြင့္အေရး၊ စက္မႈလုပ္ငန္းရွင္မ်ား အစိုးရႏွင့္ ဆက္ႏြယ္ၿပီး ကုမၸဏီမ်ားအေနျဖင့္ စက္မႈလုပ္ငန္း တည္ေဆာက္ရန္ လာေရာက္ရင္းႏွီးျမွဳပ္ႏွံရာ၌ ေဒသခံမ်ားအတြက္ တာ၀န္ယူမႈ တာ၀န္ခံမႈ အပိုင္းမ်ား၊ ေဒသခံမ်ားအက်ိဳးအတြက္ လမ္း၊ တံတား၊ လွ်ပ္စစ္မီး၊ အလုပ္အကိုင္အခြင့္အလမ္း စသည္တို႔ကို ျပဳလုပ္မႈရွိ မရွိ စသည့္အေၾကာင္းအရာမ်ားကို သင္ၾကားပို႔ခ်သြားမည္ျဖစ္ေၾကာင္း သိရသည္။

ယခုသင္တန္းတြင္ ပုဏၰားၿမိဳ႕ေပၚမွ လူငယ္မ်ား၊ ပုဏၰားကၽြန္းၿမိဳ႕နယ္ တန္းစြယ္ေက်းရြာ၊ ရေပါက္ေခ်ာင္းေက်းရြာ၊ ကုလားေခ်ာင္း၊ အလယ္ေခ်ာင္း၊ သာယာကုန္း၊ ပိုးရီျပင္၊ ေစတီျပင္၊ ယိုးတရုတ္ အစရွိသည့္ ပုဏၰားကၽြန္းၿမိဳ႕နယ္ထဲမွ ေက်းရြာမ်ားမွ သင္တန္းသူ သင္တန္းသား ၃၀ တက္ေရာက္သည္ဟု သိရသည္။

စံေမာင္သန္း
Narinjara
https://www.facebook.com/pages/Narinjara

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ