ဂရိပါလီမန် ပြင်ပမှာ ဆန္ဒပြခဲ့သူတွေကို ရဲတွေ လူစုခွဲစဉ် (Credit: Reuters) |
လွှတ်တော် အတွင်းမှာ အတိုက်အခံ ပါတီရဲ့ ထောက်ခံမှုတွေနဲ့ ဂရိအစိုးရရဲ့ အသုံးစရိတ် လျှော့ချမယ့် အစီအစဉ် မဲအများစု ရရှိသွားတာပါ။
ဂရိ ဝန်ကြီးချုပ် Alexis Tsipras က အသုံးစရိတ်ကို မလျှော့ချဖို့ ကတိပေးခဲ့တဲ့အတွက် ပါတီဝင်တွေနဲ့ ပြည်သူတွေရဲ့ ထောက်ခံမှု ရရှိခဲ့ပါတယ်။
ဒါပေမဲ့ ဥရောပ အကြွေးရှင်တွေနဲ့ ဘယ်လိုမှ ညှိနှိုင်းလို့ မရတဲ့အဆုံး ဂရိနိုင်ငံကို ငွေကြေးကူညီရင် အသုံးစရိတ်ကို လျှော့ချမယ်လို့ သဘောတူခဲ့ရပါတယ်။
ဂရိဝန်ကြီးချုပ်က အကြွေးရှင်တွေရဲ့ အလိုအတိုင်း လိုက်နာခဲ့တာကို ပြည်သူတွေသာမက ပါတီတွင်းက လူတွေလည်း စိတ်ဆိုးပြီး တချို့အရာရှိတွေ ရာထူးက နှုတ်ထွက်တဲ့အထိ ဖြစ်ခဲ့ပါတယ်။
ဒါပေမဲ့ တချိန်တုန်းက အတိုက်အခံ ပြုကြတဲ့လူတွေက ဂရိဝန်ကြီးချုပ်ဘက်က ပြန်လည် ရပ်တည်လာခဲ့တာ ဖြစ်ပါတယ်။
လွှတ်တော်အတွင်းမှာ အသုံးစရိတ်ကို လျှော့ချဖို့ အမတ် အများစုက မဲပေးကြပေမယ့် လွှတ်တော် ပြင်ပမှာတော့ အသုံးစရိတ် မလျှော့ချလိုတဲ့ ဂရိပြည်သူတွေ ဒေါသတကြီး ဆန္ဒပြခဲ့ကြပါတယ်။
ဆန္ဒပြမှုအတွင်း ဂရိပြည်သူတွေ ဓာတ်ဆီဗုံးတွေ သုံးတဲ့အတွက် ရဲတွေ ထပ်ရောက်လာပြီး မျက်ရည်ယို ဓာတ်ငွေ့တွေနဲ့ လူစုခွဲခဲ့ရပါတယ်။
ဂရိအစိုးရက ပေးထားတဲ့ ကတိမတည်ပဲ သူတို့ကို သစ္စာဖောက်လိုက်ပြီလို့ ဂရိပြည်သူတွေက ယူဆပြီး ဒေါသထွက်နေကြတာ ဖြစ်ပါတယ်။
နောက်ပိုင်းမှာလည်း အခုလို ဆန္ဒပြမှုတွေ ထပ်ဖြစ်နိုင်သေးတယ်လို့ ဥရောပ အခြေစိုက် အေဘီစီ သတင်းထောက်က သုံးသပ်ထားပါတယ်။
ဂရိဝန်ကြီးချုပ်ကတော့ အသုံးစရိတ်လျှော့ချဖို့ အစီအစဉ်ကို သူ့အနေနဲ့ မလိုလားပေမယ့် မလုပ်ရင် မရတော့တဲ့ အခြေအနေ ရှိလာတာကြောင့် ဒီအသုံးစရိတ် လျှော့ချတဲ့ အစီအစဉ်ကို မကြိုက်ပေမယ့် အောင့်ကာနမ်းရတော့မယ်လို့ ပြောခဲ့ပါတယ်။
ဥရောပ အကြွေးရှင်တွေကတော့ ဂရိအနေနဲ့ စကားသက်သက် မဟုတ်ပဲ အစီအစဉ်အတိုင်း လိုက်နာ လုပ်ဆောင်ခြင်း ရှိမရှိ ဆိုတာကို အနီးကပ် စောင့်ကြည့်သွားဖို့ ရှိပါတယ်။
အစီအစဉ်အရ ဂရိအနေနဲ့ အခွန်တိုးမြင့် ကောက်ခံတာတွေ၊ ပင်စင်မှာ ပြောင်းလဲမှု လုပ်ရမှာ ဖြစ်တဲ့အတွက် နိုင်ငံတော် အသုံးစရိတ်ကို သိသိသာသာ လျှော့ချရမှာ ဖြစ်ပါတယ်။
ABC Radio Australia
http://www.radioaustralia.net.au/burmese
ဂရိလွှတ်တော်က အသုံးစရိတ်လျှော့ချဖို့ သဘောတူ
Reviewed by သစ်ထူးလွင်
on
09:04
Rating: