အပစ်ရပ်စာချုပ် အပြီးသတ် ချုပ်ဆိုနိုင်ဖို့ မလွယ်သေး

 တနိုင်ငံလုံး အပစ်ရပ် စာချုပ် NCA ကို အချောသတ် ညှိနှိုင်း နေကြတဲ့ လက်ရှိ ရန်ကုန် ဆွေးနွေးပွဲ ကနေ ဆုံးဖြတ်ချက် မချ နိုင်တဲ့ အချက်တွေ ရှိနေတာ ကြောင့် ရက် အနည်းငယ် ရွှေ့ဆိုင်း ပြီးမှ ပြန်စတင် ရဖို့ အခြေ အနေမှာ ရှိပါတယ်။

နှစ်ဘက်စလုံး အနေနဲ့ ကိုယ့်ရဲ့ ခေါင်း ဆောင်တွေကို ကိုယ်စီ တင်ပြ စရာတွေ ရှိ လာလို့ ညှိနှိုင်းနေတာတွေ ကနေ ၃-၄ ရက် လောက် နားရနိုင်တယ် ဆိုပြီး တိုင်းရင်းသားတပ် တွေ ရဲ့ အထူးကိုယ်စားလှယ် တစ်ဦး ဖြစ်တဲ့ နိုင်ဟံသာ က ပြောပါတယ်။

တိုင်းရင်းသား လက်နက်ကိုင် တပ်တွေ ရဲ့ အဆင့်မြင့် ကိုယ်စားလှယ်အဖွဲ့က စာချုပ် မူကြမ်းမှာ ပြင်ဆင်ဖို့ တင်ပြထားတဲ့ အချက် ၁၃ ချက်ထဲက ၁၀ ချက် အထိ တော့ ဆွေးနွေးပွဲ ရဲ့ ဒုတိယ ရက် ဇူလိုင် ၂၃ ရက်မှာ သဘောတူနိုင်ခဲ့ပြီး ၃ ချက် ကျန်နေသေးတာ ဖြစ်ပါတယ်။

ဒါပေမယ့် တိုင်းရင်းသား တပ်တွေဘက်က ရည်မှန်းထားသလို စာချုပ်ကို ပြင်ဆင် တဲ့ သဘောမဟုတ်ဘဲ တချို့ အချက်တွေကို အစည်းအဝေး ဆုံးဖြတ်ချက် အနေနဲ့ မှတ်တမ်းတင်ခဲ့တာ ဖြစ်ပါတယ်။
၁၇ လ အချိန် ယူ ပြုလုပ်ထားတဲ့ NCA စာချုပ်မူကို ပြည်ထောင်စု ငြိမ်းချမ်းရေး ဖော်ဆောင်ရေး ကော်မတီက ပြင်ဆင်လိုတဲ့ ဆန္ဒမရှိဘူးလို့ မြန်မာငြိမ်းချမ်း ရေးစင်တာက အကြီးတန်းအကြံပေး ဦး လှမောင်ရွှေ က ပြောပါတယ်။

ဒါကြောင့် သဘောတူခဲ့တဲ့ ၁၀ ချက် ဆိုတာထဲက စာချုပ်ပါ အဓိပ္ပာယ်ကို မပြောင်း လဲစေတဲ့ ၅ ချက်ကို စာချုပ် အချောသတ်တဲ့ အနေနဲ့ ထည့်သွင်းပြီး ကျန် ၅ ချက်ကို တော့ အစည်းအဝေး ဆုံးဖြတ်ချက် အနေနဲ့ ထားရှိ ခဲ့တာ ဖြစ်တယ်လို့ ဦး လှမောင်ရွှေ က ဆိုပါတယ်။

ဇူလိုင် ၂၄ ရက်နေ့ သောကြာနေ့ မှာ ညှိနှိုင်းပွဲ ဆက်လက် ရှိနေမှာ ဖြစ်ပြီး NCA တကယ် ချုပ်ဆိုကြတဲ့အခါ နှစ်ဘက်က ဘယ်ပုဂ္ဂိုလ်တွေ ပါဝင် လက်မှတ်ရေးထိုး မလဲ ၊ နိုင်ငံတကာ နဲ့ ပြည်တွင်းက သက်သေတွေ အဖြစ် ဘယ်သူတွေ ပါဝင်ရမလဲ ဆိုတဲ့ အချက်တွေကို ဆွေးနွေးကြပါလိမ့်မယ်။

ဒါ့အပြင် NCA မှာ တိုင်းရင်းသား တပ်တွေဘက်က လိုလားသလို လူမျိုးစု လက်နက်ကိုင် တပ် ဖွဲ့တွေ အားလုံး ပါဝင်နိုင်ရေး နဲ့ အစိုးရက လိုလားတဲ့ ၁၅ ဖွဲ့ နဲ့ ချုပ်ဆိုရေးဆိုတဲ့ ကွဲပြားနေမှုကိုလည်း ညှိနှိုင်းကြရမှာ ဖြစ်ပါတယ်။

BBC Burmese
https://www.facebook.com/bbcburmese