ဒါပေမဲ့ ဘဏ်ထဲမှာ ရှိတဲ့ ငွေတွေကို ထုတ်ယူနိုင်တဲ့ ပမာဏကိုတော့ ကန့်သတ်ထားဆဲ ဖြစ်ပါတယ်။
အခုလောလောဆယ် အချိန်အထိ ATM စက်ကနေ တစ်ရက်ကို ယူရို ၆၀ သာ ထုတ်ယူခွင့်ပြုထားပေမယ့် ဘဏ်တွေ ပြန်ဖွင့်တဲ့အခါ ဘဏ်ကနေ တစ်ခါကို ယူရို ၄၂၀ အထိ ထုတ်ယူနိုင်အောင် လုပ်ဆောင်ပေးမယ်လို့ ဂရိအစိုးရက ကြေညာထားပါတယ်။
တနင်္လာနေ့မှာ ယူရို ၆၀ မထုတ်ယူနိုင်တဲ့လူအနေနဲ့ အင်္ဂါနေ့မှာ စုပေါင်းပြီး ၁၂၀ ထုတ်ယူနိုင်တဲ့ စနစ်ကိုလည်း ချမှတ် ပေးလိုက်ပါတယ်။
ငွေလွဲမှုတွေကိုတော့ ထိန်းချုပ်ထားဆဲဖြစ်ပြီး အဲဒီ ကန့်သတ်ချက်တွေထဲမှာ နိုင်ငံခြား ဘဏ်တွေကို ငွေလွဲခွင့် ပိတ်ပင်တာတွေ၊ ဘဏ်စာရင်း အသစ်ဖွင့်တာတွေကို ကန့်သတ်မှုတွေ ပါဝင်ပါတယ်။
အရင်တုန်းက ဘဏ်တွေ ပိတ်ချထားသလို၊ တစ်ရက်တာအတွင်း ယူရို ၆၀ သာ ထုတ်ယူခွင့် ပေးခဲ့တာကြောင့် လူပေါင်း ရာနဲ့ချီ ပိုက်ဆံထုတ်ယူတဲ့ စက်နားမှာ တန်းစီ စောင့်ဆိုင်းမှုတွေ လုပ်ခဲ့ရပါတယ်။
ဘဏ်ကို ၃ ပတ်ကြာ ပိတ်ထားတာကြောင့် ထုတ်ကုန်လုပ်ငန်းနဲ့ ဈေးကွက်စီးပွားရေးမှာ ယူရို ၃ ဘီလီယံ ဒါမှမဟုတ် ဒေါ်လာ ၄.၄ ဘီလီယံ နစ်နာမှု ဖြစ်ခဲ့ရပါတယ်။
ဥရောပ အကြွေးရှင်တွေကနေ အသုံးစရိတ် လျှော့ချရင် ဂရိကို အကူအညီပေးမယ်လို့ ပြောတာကို လက်ခံပြီးတဲ့နောက်ပိုင်း ဂရိဝန်ကြီးချုပ်က ပါတီတွင်းဆန့်ကျင်မှုတွေ ခံနေရပြီး စက်တင်ဘာလောက်အတွင်း ရွေးကောက်ပွဲကို စောစီးစွာ ကျင်းပရနိုင်တယ်လို့လည်း ခန့်မှန်းနေကြပါတယ်။
ABC Radio Australia
http://www.radioaustralia.net.au/burmese
ဂရိဘဏ်တွေ ပြန်ဖွင့်ပေမယ့် ကန့်သတ်မှုရှိဆဲ
Reviewed by THITHTOOLWIN
on
15:57
Rating: