J-Bay Open ဗိုလ်လုပွဲမှာ Mick Fanning ကို ငါးမန်းတစ်ကောင် တိုက်ခိုက်တာ ဖြစ်ပါတယ်။ (Credit: ABC licensed) |
တောင်အာဖရိကနိုင်ငံမှာ ကျင်းပတဲ့ J-Bay Open World Surf League ပြိုင်ပွဲကျင်းပစဉ်အတွင်း ငါးမန်းက တိုက်ခိုက်လာတဲ့အတွက် ဗီဒီယိုကနေ အစအဆုံး ရိုက်ကူးထားတဲ့ မြင်ကွင်းတွေကို တွေ့ခဲ့ရပါတယ်။
ဗိုလ်လုပွဲမှာ သြစတြေးလျ နိုင်ငံသား နှစ်ဦး တက်ရောက်နိုင်ပြီး ဆုရဖို့ အချင်းချင်း ပြိုင်နေတုန်းမှာပဲ ငါးမန်းတစ်ကောင် ဘေးမှာ လာပြီး တိုက်ခိုက်ခဲ့ပါတယ်။
Mick Fanning ကလည်း ငါးမန်းကို ထိုးပြီး ကန်ခဲ့တဲ့ ပုံတွေကို အတိုင်းသား တွေ့ခဲ့ရပါတယ်။
ရုပ်မြင်သံကြားပေါ်မှာ ပြိုင်ပွဲအကြောင်း ကြေညာတဲ့ လူတွေကလည်း အားလုံး မင်သက်ပြီး ဘာပြောရမှန်းမသိပဲ Mick Fanning ကို ငါးမန်းကိုက်တာဖြစ်မယ် ဆိုပြီး မတင်မကျ ပြောသွားခဲ့ပါတယ်။
ပင်လယ်ကမ်းစပ်က ပရိသတ်ရာနဲ့ချီ ငါးမန်းတိုက်ခိုက်မှုကို တွေ့ခဲ့ရသလို Mick Fanning ရဲ့ မိခင်ကလည်း အိမ်က ဖန်သားပြင်မှာ အတိုင်းသား တွေ့ရတဲ့အတွက် သူ့သား သေသွားပြီလားလို့တောင် ထင်ခဲ့တယ်လို့ ပြောပါတယ်။
ငါးမန်းတိုက်ခိုက်မှုကြောင့် ရေအောက်ရောက်သွားပေမယ့် ဂျက်စကီး လှေငယ်လေးတွေ အချိန်မှီ ရောက်လာတဲ့အတွက် အသက်ဘေးကင်းခဲ့ရပါတယ်။
အသက် ၃၄ နှစ်အရွယ် Mick Fanning ဟာ ကမ္ဘာ့အဆင့် ၄ ရေလွှာလျောစီး ချန်ပီယံဖြစ်ပြီး ကမ္ဘာ့အဆင့် ဆု သုံးခု ဆွတ်ခူးခဲ့ဖူးသူ ဖြစ်ပါတယ်။
တိုက်ခိုက်မှုအတွင်း ဒဏ်ရာတောင် မရပေမယ့် လုံခြုံရေးအရ အဲဒီ ပြိုင်ပွဲကို ရပ်တန့်လိုက်ပြီ ဖြစ်ပါတယ်။
Mick Fanning ကတော့ အသက်ရှင်ခွင့် ရတဲ့အပေါ် ဝမ်းသာလွန်းလို့ ပြန်ပွဲ ပြန်စတဲ့အခါ ချန်ပီယံ ဆုမရရင်တောင် ဒါမှမဟုတ် တသက်လုံး ပြိုင်ပွဲမှာ မပြိုင်ရတော့ ရင်တောင် ကြေနပ်မှာ ဖြစ်တယ်လို့ ပြောပါတယ်။
ABC Radio Australia
http://www.radioaustralia.net.au/burmese
သြစီ ရေလွှာလျောစီး ချန်ပီယံကို ငါးမန်းတိုက်ခိုက်
Reviewed by THITHTOOLWIN
on
17:17
Rating: