ဆိုင်ကလုန် ကိုမန် ဘင်္ဂလာဒေ့ရှ် ဖြတ်ကျော် ၀င်ရောက်တိုက်ခတ်၊ လူ ၄ ဦးသေဆုံး

( မုန်တိုင်းတိုက်ခတ်ပြီးနောက် စစ်တွေမြို့ ကမ်းနား မြင်ကွင်း/ ဓာတ်ပုံ- နိရဉ္စရာ)
 ရန်ကုန်၊ ဇူလှိုင် ၃၁

 ဆိုင်ကလုန် ကိုမန်သည် ယမန်နေ့ ညနေ ၉ နာရီက စပြီး ဘင်္ဂလာဒေ့ရှ် နိုင်ငံ စစ်တကောင်း ကမ်းခြေကို ဖြတ်ကျော် ၀င်ရောက် တိုက်ခတ်နေသည်ဟု ဘင်္ဂလာဒေ့ရှ် မီဒီယာများတွင် ဖော်ပြသည်။

ဖြတ်သန်း တိုက်ခတ်စဉ် တစ်နာရီကို ကီလိုမီတာ ၆၀ နှင့် ၇၀ အကြား ပြင်းအားဖြင့် တိုက်ခတ်သွား ခဲ့ကြောင်း၊ သစ်ပင်များလဲပြိုရာမှ လူ ၄ ဦးသေဆုံးသွားခဲ့ကြောင်း၊ မုန်တိုင်းသည် စစ်တကောင်း ကမ်းခြေရှိ ဟတီယာ ( Hatia) နှင့် ဒေသအခေါ် ချောင်းဒီ (Sandwip) ကို ညနေ ၉ နာရီ မိနစ် ၃၀ တွင် ဖြတ်ကျော် ၀င်ရောက် တိုက်ခတ်ကြောင်း၊ မုန်တိုင်းဖြတ်သန်းချိန်မှာ သုံးနာရီ၎ နာရီခန့် ကြာမြှင့်ကြောင်း၊ မုန်တိုင်းကြောင့် မိုးအဆက်မပြတ်ရွာသွန်းနေသဖြင့် မြေပြိုမှုများ ဖြစ်ပေါ်နိုင်သဖြင့် သတိပေးမှု ပြုလုပ်ထားကြောင်း သတင်းစာများတွင် ရေးသား ဖော်ပြသည်။

ယခုအချိန်ထိ မုန်တိုင်း စိုးရိမ်နေရဆဲ ဖြစ်သဖြင့် ကမ်းခြေ ဒေသ တစ်လျှောက်တွင် သတိပေးမှု အဆင့် (၇) ကို ပြုလုပ်ထားပြီး ကော့စ်ဘဇားလေဆိပ်ကို ပိတ်ထားရဆဲ ဖြစ်ကာ ရေကြောင်း သယ်ယူပို့ဆောင်ရေး လုပ်ငန်းများကိုလည်း ရပ်ဆိုင်းထားသည်ဟု ဆိုသည်။

မုန်တိုင်းကြောင့် ဘင်္ဂလာဒေ့ရ်ှတွင် မြေနိမ့်ပိုင်းမှ လူပေါင်း သုံးသိန်းခန့်ကို ဘေးလွှတ်ရာသို့ ရွှေ့ပြောင်းထားရပြီး ငါးဖမ်းဘုတ် ၃ စီးနှင့် ငါးဖမ်းသမား ၂၄ ဦး ပျောက်ဆုံးနေသည်ဟု သိရသည်။

Arakan State
https://www.facebook.com/NarinjaraNews

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ