စင်ကာပူနိုင်ငံ အောင်မြင်မှု၏ လျှို့ ဝှက်ချက် - ပညာရေးစနစ်


 “လူဦးရေ ၅ သန်း ကျော်သာရှိသည့် မြို့ပြနိုင်ငံငယ်လေးတခုသာဖြစ်သော်လည်း တရုတ်၊ ဂျပန်၊ ဂျာမနီ စသော အခြားနိုင်ငံများနှင့် တန်းတူလိုက်ကာ ကမ္ဘာ့အကောင်းဆုံး တက္ကသိုလ် ၇၅ ခု စာရင်းတွင် စင်ကာပူတက္ကသိုလ် ၂ ခု ပါဝင်နေပါသည် . . .”

စင်ကာပူခေါင်းဆောင် လီကွမ်းယု ကွယ်လွန်ပြီးနောက်တွင် သူ့အကြောင်းကို ကမ္ဘာတလွှား သုတေသီများ စိတ်ဝင်တစား စူးစမ်းလေ့လာ ဆွေးနွေးမှုများပြုကြပါသည်။ သို့သော် စင်ကာပူနိုင်ငံ အောင်မြင်ကြီးပွားရာ အရင်းခံ အကြောင်းတခုဖြစ်သည့် တိုင်းပြည်ပညာရေးတွင် လီကွမ်းယုနှင့် သူ့ကိုဆက်ခံသူများ မည်သို့ ရင်းနှီးမြှုပ်နှံ ကြိုးပမ်းခဲ့ကြသည်ကိုမူ ပညာရှင်တို့ ပြောလေ့သိပ်မရှိကြပါ။ စင်ကာပူပိုင်ဆိုင်သည့် တခုတည်း သော အရင်းအမြစ် သယံဇာတဖြစ်သည့် လူသားရင်းမြစ်များ တိုးတက် ဖွံ့ဖြိုးအောင် ကြိုးပမ်းရန် မဟာဗျူဟာ ချမှတ်ခဲ့ကြောင်း လီကွမ်းယု မကြာခဏ မှတ်ချက်ချလေ့ရှိပါသည်။

ယနေ့ခေတ်တွင် စင်ကာပူသည် ကမ္ဘာ့ပညာရည်အမြင့်ဆုံးနိုင်ငံများ စာရင်းတွင်ထိပ်ပိုင်းမှ အမြဲပါဝင်နေပါသည်။ လူဦးရေ ၅ သန်း ကျော်သာရှိသည့် မြို့ပြနိုင်ငံငယ်လေးတခုသာဖြစ်သော်လည်း တရုတ်၊ ဂျပန်၊ ဂျာမနီ စသော အခြားနိုင်ငံများနှင့် တန်းတူလိုက်ကာ ကမ္ဘာ့အကောင်းဆုံး တက္ကသိုလ် ၇၅ ခု စာရင်းတွင် စင်ကာပူတက္ကသိုလ် ၂ ခု ပါဝင်နေပါသည်။ ထိုသို့အောင်မြင်မှုရရှိအောင် လီကွမ်းယု ကြိုးပမ်းခဲ့ပုံများသည် စိတ်ဝင်စားဖွယ်ကောင်း လှပါသည်။

စင်ကာပူ၏ ပညာရေးစနစ်ကို လီကွမ်းယုနှင့် အခြားလုပ်ဖော်ကိုင်ဖက်များ မိမိတို့ဘာသာ အသစ်ဖန်တီးတည် ဆောက်ခဲ့ခြင်းမဟုတ်ဘဲ ဗြိတိသျှ ကိုလိုနီခေတ်က အမွေရခဲ့သည့် ပညာရေးအခြေခံ အဆောက် အဦများ ပေါ်တွင် အခြေတည် တည်ဆောက်ခဲ့ခြင်းသာဖြစ်ကြောင်းကိုမူ နှောင်းလူတို့ မမေ့ကောင်းပါ။ အတိတ် ကိုလိုနီ ခေတ် ဗြိတိသျှတို့ထံမှ အမွေရခဲ့သည့်အရာများအနက် တိုင်းပြည်တိုးတက်ရေးအတွက် အကျိုးရှိမည့် မည်သည့် အရာကိုမဆို လက်ခံကျင့်သုံးရန် စိတ်ပါလက်ပါရှိမှုသည် စင်ကာပူလွတ်လပ်ရေးရပြီးခေတ်တွင် အခြား ခေတ်ပြိုင်ခေါင်းဆောင်များနှင့် လီကွမ်းယု ကွဲပြားခြားနားချက် ဖြစ်ပေသည်။

ဗြိတိသျှကိုလိုနီစနစ်၏ အစဉ်အလာကောင်းများကို ဆက်ခံကျင့်သုံးရန် အားသန်မှုကို ပညာရေးဘက်တွင် အထင်ရှားဆုံး မြင်တွေ့ရပါသည်။ ၁၉၀၅ တွင် တည်ထောင်ခဲ့သည့် စင်ကာပူအမျိုးသားတက္ကသိုလ်၊ ၁၈၂၃ တွင် တည်ထောင်ခဲ့သည့် ရာဖယ်အင်စတီကျူ၊ ၁၈၈၆ တွင် တည်ထောင်ခဲ့သည့် အင်္ဂလိပ်-တရုတ်ကျောင်းစသည့် စင်ကာပူ၏ထိပ်တန်း ပညာရေးအသိုက်အ၀န်းကြီးများသည် ၁၉၆၃ ခုနှစ် စင်ကာပူလွတ်လပ်ရေးမရမီ ကာလ အတန်ကြာကတည်းကပင် တည်ရှိနေခဲ့ပြီးဖြစ်ပါသည်။ ထို့အပြင် အထက်တန်းပညာရေး သင်ရိုးညွှန်းတမ်းများ ကိုလည်း O-level, A-level စာမေးပွဲအဆင့်များကို စံနမူနာယူရေးဆွဲခဲ့ပါသည်။(စင်ကာပူကျောင်းသားများ၏ ပျမ်းမျှပညာရေးရမှတ်စံချိန်များသည် ပိုမိုမြင့်မားသောကြောင့် သင်ရိုးများကို အနည်းငယ် အဆင့်မြှင့်ထားပါ သေးသည်။)

စာသင်ကျောင်းဆောင်၊ သင်ထောက်ကူပစ္စည်း စသည့် အခြေခံ အဆောက်အဦပိုင်းကို လျစ်လျူမရှုသော်လည်း ပညာရေးစနစ်၏ အရေးကြီးဆုံး ပင်မအစိတ်အပိုင်းဖြစ်သည့် ဆရာများနှင့် ကျောင်းသားများ ပညာရည် တိုးတက်စေရန်ကို အဓိကအားစိုက် ကြိုးပမ်းဆောင်ရွက်ခဲ့ပါသည်။

စင်ကာပူပြည်တွင်း၌ ကမ္ဘာ့အဆင့်မီကျောင်း၊ တက္ကသိုလ်များ ဖွံ့ဖြိုးတည်ဆောက်နေချိန်တွင် ထူးချွန်ကျောင်း သားများကို ကမ္ဘာ့ထိပ်တန်းတက္ကသိုလ်များတွင် သွားရောက်ပညာသင်ကြားနိုင်စေရန် အစိုးရပညာ တော်သင် ဆုများ ရက်ရောစွာ ချီးမြှင့်ခဲ့ပါသေးသည်။ ထို့အပြင် ပညာရေး လောကဆရာ၊ ဆရာမများကို အခြားဝန်ထမ်း များထက် လခကောင်းပေးခြင်းဖြင့် အတော်ဆုံး တက္ကသိုလ်ကျောင်းဆင်းပညာရှင်များကို ပညာရေးဌာနတွင် အလုပ်လုပ်ရန် ဆွဲဆောင်သိမ်းသွင်းနိုင်ခဲ့ပါသည်။

စင်ကာပူပညာရေးစနစ်သည် ထူးချွန်သူများကို ဦးစားပေးသည့်စနစ်ဖြစ်ပြီး ကျောင်းသားများအနက် ပင်ကိုယ် အရည်အချင်းရှိသူများကို ရှာဖွေကာ ပိုမိုထူးချွန်စေရန် အားစိုက်သင်ကြားပေးပြီး ပြည်သူ့ဝန်ထမ်း အစိုးရဌာန များတွင် အလုပ်လုပ်စေသောစနစ်လည်း ဖြစ်ပါသည်။
အစိုးရပညာသင်ထောက်ပံ့ကြေးရရှိသူများသည် ပညာသင်နှစ် တနှစ်အတွက် ပြည်သူ့ဝန်ထမ်းအဖြစ် အနည်း ဆုံး နှစ်နှစ် ပြန်လည်တာဝန်ထမ်းဆောင်ရန် သတ်မှတ်ထားပါသည်။

ထူးချွန်သူ ဦးစားပေးသည့်စနစ်သည် ကျောင်းသားများသာမက ဆရာများအပေါ်တွင်ပါ သက်ရောက်မှု ရှိပါသည်။ အောင်ချက်အကောင်းဆုံး သင်ကြားနိုင်သည့် ဆရာ၊ ဆရာမများသည် လုပ်သက်အနည်း၊ အများ ပေါ် မမူတည်ဘဲ ရာထူးတိုးတက်မှုရကြပါသည်။ ထို့အပြင် ဆရာများသည် ပညာရေးဝန်ကြီးဌာနရုံးဌာန၊ စာသင် ခန်းများနှင့် ကျောင်းအုပ်ချုပ်ရေးရုံးစသည်ဖြင့် နေရာပြောင်းလဲ တာဝန်ထမ်းဆောင်ရလေ့ရှိပါသည်။ ပညာ သင်ကြားရေးနှင့်ရုံးလုပ်ငန်းတာဝန်များကို တလှည့်စီ လုပ်ဆောင်စေခြင်းမျိုး ဖြစ်ပါသည်။

စင်ကာပူပညာရေးစနစ်သည် အရည်အချင်းရှိသူကို ချီးမြှင့်မြှောက်စားသောစနစ်ဖြစ်သော်လည်း ပညာရည် အနိမ့်အမြင့်အမျိုးမျိုးရှိကြသူ ကျောင်းသားအားလုံး အဆင့်မြင့်ပညာသင်ကြားရရှိနိုင်ရေးကိုလည်း ပစ်ပယ် မထားပါ။ စင်ကာပူသည် သူ၏အဆင့်မြင့်လှသော ဘွဲ့ကြို၊ ဘွဲ့လွန်တက္ကသိုလ်များအတွက် ဂုဏ်ယူလေ့ရှိ သော်လည်း လူတိုင်းအတွက် အရည်အသွေးမြင့်ပညာများ ပို့ချပေးနေသည့် အခြေခံပညာကျောင်းများ၊ နည်း ပညာကျွမ်းကျင်မှုသင်တန်းများ၊ ပိုလီတက္ကနစ်ကျောင်းများသည်လည်း စင်ကာပူပညာရေးစနစ်၏ လူသိနည်း သော ရတနာများဖြစ်ကြပါသည်။

စင်ကာပူပညာရေးစနစ်သည် ခေတ်ရှေ့ ဦးတည်ချီတက်သောစနစ် ဖြစ်ပါသည်။ မိရိုးဖလာ ဘာသာစကား များဖြစ်သည့် မန်ဒရင်တရုတ်၊ မလေးနှင့် အိန္ဒိယတမီလ်ဘာသာစကားများအပြင် အင်္ဂလိပ်ဘာသာကိုပါ ပူးတွဲသုံးစွဲခြင်း၊ သိပ္ပံနှင့်နည်းပညာ၊ အင်ဂျင်နီယာပညာနှင့် သင်္ချာဘာသာရပ်တို့ကို အာရုံစူးစိုက်လေ့ကျင့် သင်ကြားပေးခြင်းစသည့် ရေရှည်ပညာရေး မဟာဗျူဟာများ ချမှတ်ကျင့်သုံးခဲ့ပါသည်။

ဗြိတိသျှ ကိုလိုနီခေတ်၏ တရားဝင်ရုံးသုံးဘာသာဖြစ်ခဲ့ခြင်း၊ စင်ကာပူ၏ ကွဲပြားသော လူမျိုးစုံအတွက် ဘုံဘာသာစကား လိုအပ်ခြင်းတို့ကြောင့် အင်္ဂလိပ်ဘာသာကို ရွေးချယ်ခဲ့ခြင်းဖြစ်သော်လည်း ကမ္ဘာ့စီးပွား ကုန်သွယ်ရေး၊ သိပ္ပံပညာစသော နယ်ပယ်များတွင် အင်္ဂလိပ်ဘာသာကို လူအများ စံထား အသုံးပြုလာခြင်း၊ နောင်ရာစုများစွာအထိ အင်္ဂလိပ်ဘာသာ အသုံးတွင်ကျယ်နေမည်ဖြစ်ခြင်းတို့ကို ကြိုတင်တွက်ဆခဲ့မိခြင်း ကြောင့်လည်း ဖြစ်ပါသေးသည်။

ကျဉ်းမြောင်းသော လူမျိုးစွဲ၊ နိုင်ငံစွဲစိတ်ဓာတ်နှင့် စင်ကာပူ ပြည်သူအများစု၏ ရိုးရာဖြစ်သော တရုတ်ယဉ်ကျေးမှု နှင့် ဘာသာစာပေကို ဦးစားမပေးဘဲ နိုင်ငံတကာလူမျိုးစုံ ၀င်ထွက်သွားလာ အလုပ်လုပ်ရာ စင်ကာပူမြို့တွင် နိုင်ငံတကာသုံး အင်္ဂလိပ်ဘာသာကို လက်ခံကျင့်သုံးရန် ရွေးချယ်ခဲ့ခြင်းသည်လည်း လီနှင့် အခြားသူနှင့် ခေတ်ပြိုင် ခေါင်းဆောင်များကြား ခြားနားမှုတခုလည်း ဖြစ်ပါသည်။

ယနေ့ခေတ် စင်ကာပူပညာရေးစနစ်သည် ခေတ်နှင့်လျော်ညီစွာ ပြုပြင်ပြောင်းလဲလျက် ရှိနေပါသည်။ စင်ကာပူ ပညာရေးသည် သိပ္ပံ၊ နည်းပညာ၊ အင်ဂျင်နီယာပညာနှင့် သင်္ချာအပေါ် အာရုံစိုက်မှု များလွန်းကြောင်း ပညာရေး မူဝါဒချမှတ်သူများ ၁၉၉၀ ပြည့်လွန်နှစ်များအတွင်း သိမြင်လာကြပြီး အခြား စာပေ၊ အနုပညာ၊ အားကစား စသော ၀ိဇ္ဇာဘာသာရပ်များ ဟန်ချက်ညီထွန်းကားလာစေရန်လည်း ပြောင်းလဲ ကြိုးပမ်းလျက် ရှိနေပါသည်။

ထိုသို့ ပညာရေးဟန်ချက် ထိန်းညှိမှုသည် ယနေ့ခေတ်အထိ ဆက်လက်ဖြစ်ပေါ်နေကာ မိမိကိုယ်ပိုင် တီထွင်ဖန်တီးနိုင်မှု၊ လုပ်ငန်းကြီးများ ထူထောင်လုပ်ဆောင်နိုင်မှုတို့ကို မြေတောင်မြှောက်ပေးရန် နည်းလမ်းများ စူးစမ်းရှာဖွေလျက်ရှိပါသည်။
စင်ကာပူနိုင်ငံပြု သုခမိန်ကြီးအတွက် ပညာရေးဆိုသည်မှာ လုပ်ရိုးလုပ်စဉ် ကျောင်းတက်ပညာသင်ခြင်းထက် များစွာ ပိုမိုနက်နဲကျယ်ဝန်းပါသည်။ စူးစမ်းလေ့လာလိုစိတ်ပြင်းပြကာ အမြဲမပြတ်သင်ယူလေ့ကျင့် နေသူမျိုးများ ကိုသာ ပညာတတ်ဟုယူဆကြောင်း ၁၉၇၇ ခုနှစ် မိန့်ခွန်းတခုတွင် လီကွမ်းယု ပြောကြားခဲ့ပါသည်။ စင်ကာပူ ပညာရေးစနစ်ကို ကမ္ဘာ့အဆင့်မီ တည်ဆောက်နိုင်ခဲ့ခြင်းသည် သူ၏ အထင်ရှားဆုံးလုပ်ဆောင်ချက်ဖြစ် ကြောင်းကို သူ၏ နိုင်ငံတော်ဈာပန အခမ်းအနားကို စင်ကာပူအမျိုးသားတက္ကသိုလ်အတွင်း ကျင်းပပြုလုပ် ခဲ့ခြင်းက သက်သေပြနေပါသည်။

ဦးဆွေ(ရန်ကင်း)
Ref: World Economic Forum
ဦးဆွေ (ရန်ကင်း)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal
စင်ကာပူနိုင်ငံ အောင်မြင်မှု၏ လျှို့ ဝှက်ချက် - ပညာရေးစနစ်  စင်ကာပူနိုင်ငံ အောင်မြင်မှု၏ လျှို့ ဝှက်ချက် - ပညာရေးစနစ် Reviewed by THITHTOOLWIN on 21:16 Rating: 5
Powered by Blogger.