လုပ်ခလစာ အနည်းဆုံး ကျပ် ၄,၀၀၀ ရရှိရေး အလုပ်သမား ၃၀၀ ကျော် ဆန္ဒထုတ်ဖော်

လှိုင်သာယာ စက်မှုဇုန်မှ အလုပ်သမားများ အနည်းဆုံး လုပ်ခလစာ ကျပ် ၄,၀၀၀ ရရှိရေး ဆန္ဒပြနေစဉ် (ဆင်ဟွာ)
    ရန်ကုန်၊ ဇူလိုင် ၁၂ ရက် (ဆင်ဟွာ)

    မြန်မာနိုင်ငံအတွင်းရှိ အခြေခံအလုပ်သမားများ တစ်နေ့လျှင် လုပ်ခလစာ အနည်းဆုံး ကျပ် ၄,၀၀၀ ရရှိရေးအတွက် ယနေ့ အလုပ်သမား ၃၀၀ ကျော် ဆန္ဒထုတ်ဖော်ခဲ့သည်။

လှိုင်သာယာ စက်မှုဇုန်အတွင်းရှိ စက်ရုံ ၁၅ ရုံမှ အလုပ်သမား ၃၀၀ ကျော်သည် ယနေ့ နံနက် ၉ နာရီတွင် လှိုင်သာယာ မီးခွက်ဈေး အောက်ထိပ် မှတ်တိုင်မှ မြို့နယ် အားကစားကွင်း အထိ ချီတက် လမ်းလျှောက် ဆန္ဒပြခဲ့ပြီး လုပ်ခလစာ တစ်နေ့လျှင် ကျပ် ၄၀၀၀ ရရှိရေး ဆန္ဒ ထုတ်ဖော်ခဲ့ကြောင်း ဆန္ဒပြပွဲတွင် ပါဝင်သည့် အလုပ်သမား တစ်ဦးက ပြောကြားသည်။

အနည်းဆုံး အခကြေးငွေနှင့် ပတ်သက်၍ အထည်ချုပ် လုပ်ငန်း ရှင်များ အသင်းချုပ် လက်အောက် ရှိ လုပ်ငန်းရှင် ၁၇၇ ဦးက တစ်ရက်လုပ်ခ ၃,၆၀၀ ကျပ်ပေးရန် အခက်အခဲရှိကြောင်း တင်ပြနေချိန်တွင် အလုပ်သမားများ ဘက်မှလည်း တစ်နေ့လျှင် လုပ်ခလစာ ကျပ် ၄,၀၀၀ ရရှိရေး ဆန္ဒ ထုတ်ဖော်ခဲ့ခြင်း ဖြစ်သည်။

တစ်ရက် အနိမ့်ဆုံး လုပ်ခလစာ ၃,၆၀၀ ကျပ် နှင့်ပတ်သက်၍ ဝန်ကြီးဌာန တစ်ခုတည်း ဖြေရှင်း၍ မဖြစ်နိုင်ဘဲ နိုင်ငံတော် အစိုးရအဆင့်က ပါဝင် ဖြေရှင်းပေးရန် လိုအပ်နေသည်ဟု ကဏ္ဍပေါင်းစုံမှ လုပ်ငန်းရှင်များက တောင်းဆိုထားသည်။

အခြေခံ အလုပ်သမားများအတွက် အနည်းဆုံးအခကြေးငွေ တစ်ရက်လျှင် ကျပ် ၃,၆၀၀ တရားဝင် သတ်မှတ် လိုက်ကြောင်း အနည်းဆုံး အခကြေးငွေ သတ်မှတ်ရေးဆိုင်ရာ အမျိုးသား ကော်မတီက ဇွန်လ ၂၉ ရက်နေ့က ထုတ်ပြန် ကြေညာထားသည်။

 (Xinhua)
http://www.xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ