အဂၤလန္အသင္း ကိုယ့္ ဂိုးကိုယ္သြင္းလို႔ ဂ်ပန္အသင္း ဗိုလ္လုပဲြတက္



Share/Bookmark
ဂ်ပန္အသင္း ဗိုလ္လုပြဲ တက္ (သတင္းဓာတ္ပံု- FIFA)

ကေနဒါႏိုင္ငံ Edmonton ၿမိဳ႕မွာ ဒီကေန႔ ကန္ခဲ့တဲ့ (၇)ႀကိမ္ေျမာက္ အမ်ဳိးသမီး ကမၻာ့ေဘာလံုး အႀကိဳဗိုလ္လုပဲြမွာ လက္ရွိခ်န္ပီယံ ဂ်ပန္အသင္းက အဂၤလန္အသင္း ကို ၂ ဂိုး ၁ ဂိုးနဲ႔ အႏိုင္ရၿပီး ဗိုလ္လုပဲြတက္သြားၿပီျဖစ္ပါတယ္။

ကစားပဲြစၿပီး (၃၂) မိနစ္ မွာ ဂ်ပန္ အသင္း ကပၸတိန္ Aya Miyama ကpenalty (၁)ဂိုးသြင္းခဲ့ၿပီးေနာက္ (၄၀)မိနစ္မွာ အဂၤလန္အသင္းက အလယ္တန္းလူ Fara Williams က ပင္နယ္လ္တီ (၁) ဂိုးျပန္သြင္းလိုက္တာျဖစ္ပါတယ္။ ပဲြၿပီးခါနီး မိနစ္ (၉၀) နားထိ ၁ ဂိုးစီ သေရနဲ႕ရွိေနခ်ိန္မွာ အဂၤလန္အသင္း ေနာက္တန္းလူ Laura Bassett က ကိုယ့္ဂိုး ကိုယ္ျပန္သြင္းလိုက္တဲ့အတြက္ ဂ်ပန္က (၂)ဂိုး (၁)ဂိုးနဲ႔အႏိုင္ရရွိသြားတာျဖစ္ပါတယ္။

ဒီအႀကိဳဗိုလ္လုပဲြမွာ အႏိုင္ရရွိတဲ့ ဂ်ပန္အသင္းဟာ တနလၤာေန႕က အႀကိဳဗိုလ္လုပဲြမွာ ဂ်ာမနီကို အႏိုင္ရရွိလိုက္တဲ့ အေမရိကန္အသင္းနဲ႔ ဗုိလ္လုပဲြမွာ ဆံုၾကမွာျဖစ္ပါတယ္။ ဒါဟာ အမ်ဳိးသမီး ကမၻာ့ေဘာလံုးသမိုင္းမွာ ဒီအသင္း (၂)သင္းတို႕ ဒုတိယအႀကိမ္ ဗိုလ္လုပဲြမွာ ဆံုၾကျခင္းျဖစ္ပါတယ္။

လြန္ခဲ့တဲ့ ေလးႏွစ္ျဖစ္တဲ့ ၂၀၁၁ ခုႏွစ္က ဂ်ပန္အသင္းဟာ အေမရိကန္အသင္းနဲ႕ ဗိုလ္လုပဲြမွာ ၂ ဂိုးသေရနဲ႔ အခ်ိန္ပိုကစားခဲ့ရၿပီး penalty shoot out ကန္ၾကရာမွာ ဂ်ပန္က ၃ ဂိုးစလံုး၀င္ေအာင္ ကန္ႏိုင္ခဲ့ၿပီး အေမရိကန္က ၃ ဂိုးအနက္ ၁ ဂိုးသာ ၀င္ခဲ့တဲ့အတြက္ေၾကာင့္ ထိုစဥ္က ဂ်ပန္အသင္းက ခ်န္ပီယံဆု အႏိုင္ရရွိသြားတာျဖစ္ပါတယ္။

လက္ရွိဗိုလ္လုပဲြကို အေမရိကန္နဲ႔ ဂ်ပန္အသင္းတို႔ ဇူလိုင္ ၅ ရက္ေန႔မွာ Vancouver ၿမိဳ႕မွာ ကန္ၾကရမွာျဖစ္ပါတယ္။ တတိယေနရာအတြက္ အဂၤလန္နဲ႔ ဂ်ာမနီအသင္းတို႔ ဇူလိုင္ ၄ ရက္ စေနေန႔မွာ ကန္ၾကမွာျဖစ္ပါတယ္။

ဗြီအိုေအ (ျမန္မာပုိင္း)
http://burmese.voanews.com

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ