မဲလ်ဘုန်းမြို့မှာ ဆန္ဒပြသူ နှစ်ဘက်အကြား ပဋိပက္ခ ဖြစ်ပွားခဲ့ပါတယ်။ (Credit: AAP) |
အစ္စလာမ်ကို ဆန့်ကျင်တဲ့ Reclaim Australia နဲ့ United Patriots Front အဖွဲ့တို့ ပူးပေါင်းပြီး စနေနေ့တုန်းက သြစတြေးလျနိုင်ငံက မြို့ကြီးတချို့မှာ မွတ်စလင်ကို ဆန့်ကျင်တဲ့ ဆန္ဒပြပွဲတွေ ပြုလုပ်ခဲ့ပါတယ်။
အဲဒါကို မကျေနပ်လို့ လူမျိုးရေး၊ ဘာသာရေး ခွဲခြားမှုကို ဆန့်ကျင်တဲ့ လူတွေကလည်း တန်ပြန် ဆန္ဒပြမှုတွေ လုပ်ခဲ့ကြပါတယ်။
မဲလ်ဘုန်းမြို့ ဆန္ဒပြပွဲမှာတော့ နှစ်ဖွဲ့ ဆန္ဒပြသူတွေအကြား ပဋိပက္ခ ဖြစ်ပွားခဲ့ပါတယ်။
အစ္စလာမ် ဆန့်ကျင်ရေးသမားနဲ့ ခွဲခြားမှု ဆန့်ကျင်ရေး သမားတွေအကြား ကိုယ်ထိလက်ရောက် တိုက်ခိုက်ကြတဲ့အထိ ဖြစ်ပွားခဲ့တာကြောင့် ရဲတွေက လူစုခွဲခဲ့ရပါတယ်။
ငရုတ်ရည်လို အရာတွေနဲ့ ပက်ဖျန်းပြီး လူစုခွဲတဲ့အတွက် မျက်လုံးအေးသွားအောင် ဆန္ဒပြသူတွေက နို့နဲ့ မျက်နှာသစ်တဲ့ ပုံတွေကိုလည်း တွေ့ခဲ့ရပါတယ်။
ရဲတွေက အတားအဆီး လုပ်ထားတဲ့ နေရာအထိ ဆန္ဒပြ အုပ်စု နှစ်စု စလုံး ကျော်လာတဲ့အတွက် ရဲတွေက လူစုခွဲလိုက်တာ ဖြစ်ပါတယ်။
လူ ၄ ယောက်ကိုလည်း ရဲတွေက ဖမ်းဆီးလိုက်ပါတယ်။
မိမိမှာ ရှိတဲ့ ဆန္ဒတွေကို လွတ်လပ်စွာ ထုတ်ဖော်ခွင့် ပြုထားပေမယ့် အခုလို ခိုက်ရန် ဖြစ်ပွားတဲ့အတွက် နှစ်ဖက်စလုံး ဖော်ပြတဲ့ ဆန္ဒတွေက အစွန်းရောက်တဲ့ လုပ်ရပ်တွေကြောင့် အဓိပ္ပာယ် မရှိတော့ဘူးလို့ ရဲက နှစ်ဖက်စလုံးကို ဝေဖန် အပြစ်တင်လိုက်ပါတယ်။
ဒါပေမဲ့ ဆန္ဒပြသူ အများအပြားက ငြိမ်းချမ်းစွာပဲ ဆန္ဒပြခဲ့ကြတယ်လို့ ပြောပါတယ်။
သြစတြေးလျနိုင်ငံမှာ IS ကို ထောက်ခံတဲ့ အစွန်းရောက် လူငယ်တွေရဲ့ ရန်ကို စိုးရိမ်နေရသလို IS ရဲ့ လုပ်ရပ်ကို မွတ်စလင်တွေရဲ့ လုပ်ရပ်လို့ တစ်ခုလုံး ခြုံငုံပြီး မြင်ကြတဲ့ အစွန်းရောက် အုပ်စုကြောင့်လည်း စိုးရိမ်နေရပါတယ်။
ABC Radio Australia
http://www.radioaustralia.net.au/burmese
မွတ်ကို ဆန့်ကျင်သူနဲ့ ခွဲခြားမှုကို ဆန့်ကျင်သူကြား ပဋိပက္ခဖြစ်
Reviewed by THITHTOOLWIN
on
17:08
Rating: