ပြည်သူ့လွှတ်တော်ရဲ့ အဆိုတွေ ရှုံးနိမ့်

  လွှတ်တော် ၂ ရပ်ကြားမှာ သဘောထား ကွဲလွဲနေတဲ့ ဥပေဒ ၃ ခုနဲ့ ပတ်သက်ပြီး လွှတ်တော် ၂ ရပ်ပေါင်း ဖြစ်တဲ့ ပြည်ထောင်စု လွှတ်တော်ထဲမှာ ဇူလိုင် ၂၃ ရက်နေ့က မဲခွဲဆုံးဖြတ်ခဲ့တဲ့အခါမှာ ပြည်သူ့ လွှတ်တော် ရဲ့အဆို ရှုံးနိမ့်ခဲ့ပါတယ်။

အစိုးရအဖွဲ့ နဲ့သက်ဆိုင်တဲ့ ဥပဒေ တွေ ဖြစ်တဲ့ နေပြည်တော်ကောင်စီ ဥပဒ၊ ပြည်ထောင်စု ရှေ့နေချုပ် ဥပဒေ နဲ့ ပြည်ထောင်စု စာရင်းစစ်ချုပ် ဥပဒေတွေကို ပြင်ဆင်ဖို့ ပြည်သူ့ လွှတ်တော်က အကြံပြုထားတာ ဖြစ်ပါတယ်။

အဲဒီ့ ဥပဒေတွေကို ပြင်ဆင်ဖို့ အဆိုဟာ မဲခွဲတဲ့အခါ ထောက်ခံ မဲ ၂၀၁ မဲ ရရှိပေမယ့် ကန့်ကွက်မဲ ကတော့ ၂၄၅ မဲ ရရှိခဲ့ပါတယ်။

အခု ဆိုရင် ဥပဒေ ပြင်ရေး မပြင်ရေးကို လွှတ်တော် ၂ ရပ်ကြားမှာ သဘောထား ကွဲလွဲနေလို့ မဲခွဲ ဆုံးဖြတ် ဖို့ကျန်နေသေးတဲ့ ဥပဒေကတော့ ပြည်ထောင်စု အစိုးရ အဖွဲ့ ဥပဒေပဲ ဖြစ်ပါတယ်။

အဲဒီ့ ဥပေဒ ပါ စကားဖြစ်တဲ့ အစိုးရ အဖွဲ့ အနေနဲ့ ရွေး ကောက်ပွဲဆိုင်ရာ ပါတီစည်းရုံးရေး လုပ်ဆောင် နိုင်တယ် ဆိုတဲ့အချက်ဟာ ဖွဲ့စည်းပုံနဲ့ မကိုက်ညီတဲ့အတွက် ပြင်ဆင်မယ် ဆိုပြီး ပြည်သူ့ လွှတ်တော်က ဆုံးဖြတ်ထားပြီး အမျိုးသားလွှတ်တော်က သဘောမတူပါဘူး။

ပြည်ထောင်စု အစိုးရအဖွဲ့ ဥပဒေပါ အဲဒီ့ အချက်ကို ပြင်မလား ဆိုတာကို အခုလိုမျိုးပဲ ပြည်ထောင်စု လွှတ်တော်ထဲမှာ မဲခွဲ ဆုံးဖြတ်ကြဦးမှာ ဖြစ်ပေမယ့် ဘယ်တော့ လုပ်မလဲ ဆိုတဲ့ ရက်စွဲ အတိတကျတော့ ထွက်မလာသေးပါဘူး။

တကယ်လို့ အခု ဥပဒေ ၃ ခုလိုပဲ ပြည်သူ့လွှတ်တော်ရဲ့ ပြင်ဖို့ အဆို ရှုံး နိမ့်ခဲ့ရင်တော့ သမ္မတ အပါအဝင် ပြည်ထောင်စု အစိုးရ အဖွဲ့ဝင်တွေဟာ ပါတီ စည်းရုံးရေး လုပ်ငန်းတွေ လုပ်ဆောင်နိုင်မှာ ဖြစ်ပါတယ်။

BBC Burmese
https://www.facebook.com/bbcburmese