ထိရောက်တဲ့ အီဘိုလာဗိုင်းရပ် ကာကွယ်ဆေး ထုတ်လုပ်နိုင်

အီဘိုလာဗိုင်းရပ် ကာကွယ်ဆေးထိုးကုသ။
 အီဘိုလာ ဗိုင်းရပ်စ်ရောဂါအတွက် စမ်းသပ်ထုတ်လုပ်ထားတဲ့ ကာကွယ်ဆေးသစ် တမျိုးဟာ အစွမ်းထက်တဲ့ ထိရောက်မှု လက္ခဏာတွေ တွေ့ရတယ်လို့ သုတေသီတွေက ပြောပါတယ်။ ဂီနီနိုင်ငံမှာ ကာကွယ်ဆေးသစ်ကို စမ်းသပ်ရာမှာ ရာနှုန်းပြည့် ထိရောက်တာ တွေ့ရတယ်လို့လည်း ကမ္ဘာ့ကျန်းမာရေးအဖွဲ့ (WHO) ကပြောပါတယ်။ စမ်းသပ်မှုတွေနဲ့ ဆန်းစစ်ချက် အကြိုရလဒ်တွေကိုတော့ ဗြိတိန်နိုင်ငံထုတ် Lancet ဆေးပညာဂျာနယ်မှာ ဖော်ပြခဲ့တာပါ။

စမ်းသပ်မှုမှာ ပါဝင်ခဲ့ကြတဲ့ နိုင်ငံတွေထဲက တနိုင်ငံဖြစ်တဲ့ နော်ဝေနိုင်ငံ နိုင်ငံခြားရေး ၀န်ကြီးကလည်း ဆေးသစ်ဟာ အီဘိုလာကို တိုက်ဖျက်နိုင်မယ့် ဆေးကောင်း တလက် ဖြစ်လာနိုင်တယ်လို့ ပြောပါတယ်။ ပြီးခဲ့တဲ့နှစ်ထဲ အနောက် အာဖရိကတိုက်မှာ ပျံ့နှံ့ခဲ့တဲ့ အီဘိုလာ ဗိုင်းရပ်စ်ပိုးကြောင့် လိုင်ဘေးရီးယား၊ ဂီနီနဲ့ ဆီရာလီယွန်းနိုင်ငံတွေက အများစု အပါအ၀င် လူပေါင်း ၁၁,၀၀၀ သေဆုံးခဲ့တာပါ။

VSV-EBOV လို့ အမည်ပေးထားတဲ့ ကာကွယ်ဆေးသစ်ကိုတော့ ဂီနီနိုင်ငံမှာ အီဘိုလာဗိုင်းရပ်စ်ပိုး ကူးစက်ခံရမယ့် အခြေအနေနဲ့ ကြုံခဲ့ရသူပေါင်း ၄ ထောင်ကျော်ကို မတ်လထဲမှာ စတင်စမ်းသပ်ခဲ့တာ ဖြစ်ပါတယ်။ အစောပိုင်း ရလဒ်တွေမှာ အားရစရာ အခြေအနေတွေ တွေ့ခဲ့ရတဲ့ အတွက် ရောဂါကူးစက်ခံရမယ့် အန္တရာယ်ရှိသူအားလုံးကို ကာကွယ်ဆေး ပေးနိုင်အောင် စမ်းသပ်မှုတွေ ဒီသီတင်းပတ်ထဲမှာပဲ ရပ်ဆိုင်းခဲ့ကြောင်းလည်း WHO က ပြောဆိုခဲ့တာပါ။

WHO ညွှန်ကြားရေးမှူးချုပ် Margaret Chan ကတော့ ဆေးသစ်ဟာ ထိရောက်မှုရှိတယ်ဆိုတာ သက်သေပြနိုင်ပြီ ဆိုရင်တော့ လတ်တလော အီဘိုလာရောဂါ ဖြစ်ပွားနေတာကို ဟန့်တားဖို့သာမက နောက်ထပ် ကူးစက်မှုတွေ မဖြစ်အောင်လည်း ဟန့်တားနိုင်တယ်လို့ ပြောဆိုခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ