ကျောင်းသားတွေနဲ့ ၀န်းရံသူတွေကို လွှတ်ပေးဖို့ NNER ညီလာခံတောင်းဆို

ဖမ်းဆီးခံထားရတဲ့ ကျောင်းသား ကျောင်းသူတွေနဲ့ ၀န်းရံသူတွေကို လွှတ်ပေးဖို့ NNER မြန်မာနိုင်ငံ ပညာရေးစနစ် ပြုပြင်ပြောင်းလဲရေး နိုင်ငံလုံး ဆိုင်ရာ ကွန်ရက် ညီလာခံကနေ တောင်းဆို လိုက်ပါတယ်။

ရန်ကုန်တိုင်းဒေသကြီး အင်းစိန်မြို့နယ်၊ ခဝဲခြံ မျက်မမြင်ကျောင်းမှာ ဒီနေ့စတင်ကျင်းပတဲ့ NNER ရဲ့ ဒုတိယအကြိမ် ညီလာခံကနေ အခုလို တောင်းဆိုလိုက်တာလို့ NNER အဖွဲ့ဝင် ဒဂုံတက္ကသိုလ် ဆရာ၊ ဆရာမများအသင်း က ဒေါက်တာ အာကာမိုးသူက ပြောပါတယ်။

"အချက်နှစ်ချက်ကတော့ ဖမ်းဆီးခံရတဲ့ ဒီမိုကရေစီပညာရေး လှုပ်ရှားတဲ့ကျောင်းသားတွေကို လွှတ်ပေးဖို့ ဆိုတဲ့အချက်ကို ကျနော်တို့က တောင်းဆိုတယ်၊ ၂ဝ၁၅ ဖေဖော်ဝါရီ ၁၁ ရက်နေ့မှာကျင်းပခဲ့တဲ့ လေးပွင့် ဆိုင်ဆွေးနွေးရေးမှာ ကျောင်းသားများတောင်းဆိုတဲ့ ၁၁ ချက်ကို အကောင်အထည်ဖော်ဖို့ရယ် ကျနော်တို့တောင်းဆိုတယ်၊ နောက်ပြီးတော့ အဲ့နှစ်ချက်တောင်းဆိုတဲ့ဟာကို ပထမဦးဆုံး မူကြမ်းတွေ ထွက်လာတာပေါ့နော်"

ညီလာခံ ပထမနေ့မှာ တိုင်းရင်းသား အဖွဲ့အစည်းတွေ၊ အရပ်ဘက်လူမှု အဖွဲ့ အစည်းတွေက မြန်မာနိုင်ငံ ပညာရေးစနစ် ပြုပြင်ပြောင်းလဲရေးနဲ့ ဆရာ၊ ဆရာမများအခန်းကဏ္ဍတို့ကို ဆွေးနွေးခဲ့ကြတာပါ။

တိုင်းနဲ့ပြည်နယ်အသီးသီးက ကျောင်းသားသမဂ္ဂတွေ၊ ဆရာသမဂ္ဂတွေ၊ ပညာရေးဝန်ကြီးဌာန တာဝန်ရှိသူတွေ၊ ပညာရှင်တွေအပြင် တိုင်းရင်းသားအဖွဲ့အစည်းတွေက ခေါင်းဆောင်တွေနဲ့ အရပ်ဘက်အဖွဲ့အစည်းတွေက လူဦးရေ ၁ဝဝဝ နီးပါး တက်ရောက်ခဲ့ကြပါတယ်။

အဲဒီညီလာခံကို လာမယ့် ဇွန်လ ၂၀ရက်နေ့အထိ ၃ ရက်ကြာကျင်းပမှာဖြစ်ပြီး နောက်ဆုံးနေ့မှာ သတင်းစာ ရှင်းလင်းပွဲကျင်းပမှာဖြစ်ပါတယ်။

RFA Burmese
http://www.rfa.org/burmese