Khaled Sharrouf (ဝဲ) နဲ့ Mohamed Elomar (Credit: ABC) |
အခုအချိန်အထိတော့ အကြမ်းဖက်သမား Mohammed Elomar နဲ့ လုပ်ဖောင်ကိုင်ဖက် Khaled Sharrouf ဆိုသူ သေဆုံးခြင်း ရှိမရှိဆိုတာကို သြစတြေးလျ လုံခြုံရေးသမားတွေက စုံစမ်းနေဆဲပဲလို့ နိုင်ငံခြားရေးဝန်ကြီး ဂျူလီဘိရှော့ပ်က ပြောပါတယ်။
အဲဒီနှစ်ယောက်စလုံးဟာ အီရတ်နိုင်ငံက IS အဖွဲ့နဲ့ ပူးပေါင်းခဲ့တာ ဖြစ်ပါတယ်။
အကြမ်းဖက် သမား နှစ်ဦးရဲ့ မိသားစုဝင်နဲ့ နီးစပ်သူ လူတစ်ယောက်က မိုဆူလ် မြို့ ဝေဟင်တိုက်ခိုက်မှုအတွင်း သြစတြေးလျနိုင်ငံသား နှစ်ယောက် ကျဆုံးသွားပြီလို့ အေဘီစီ 7.30 ရုပ်မြင်သံကြား အစီအစဉ်ကို ပြောပြခဲ့ပါတယ်။
မိုဆူလ်မြို့ သတင်းကို ရဖို့ ခက်ခဲတဲ့အတွက် အဲဒီ သတင်းက ဟုတ်မဟုတ် ဆိုတာကို အတည်ပြုပေးဖို့ ခက်တယ်လို့ သြစတြေးလျ အစိုးရက ပြောပါတယ်။
အဲဒီ နှစ်ယောက် တကယ် သေသွားတယ်ဆိုရင်တော့ သြစတြေးလျ အစိုးရအတွက် အကြမ်းဖက် သမား ၂ ယောက် နည်းလာလို့ စိတ်သက်သာမှု ရမှာ ဖြစ်ပါတယ်။
Elomar နဲ့ Sharrouf တို့ဟာ သြစတြေးလျနိုင်ငံကနေ ဆီးရီးယားကိုသွားပြီး အဲဒီနောက် အီရတ်နိုင်ငံက IS အဖွဲ့နဲ့ ပူးပေါင်းတာ ဖြစ်ပါတယ်။
နောက်ပိုင်းမှာတော့ ပြတ်နေတဲ့ လူရဲ့ ဦးခေါင်းကို သူတို့ နှစ်ယောက်က ကိုင်ထားတဲ့ ဗီဒီယိုတွေ ထွက်ပေါ်လာပါတယ်။
သြစတြေးလျ အစိုးရက သူတို့ နှစ်ယောက်စလုံးအပေါ်ကို အရင်နှစ်ကတည်းက ဖမ်းဝရမ်း ထုတ်ထားတာ ဖြစ်ပါတယ်။
ABC Radio Australia
http://www.radioaustralia.net.au/burmese
IS အဖွဲ့ဝင် သြစီ ၂ဦး သေဆုံးမှု ရှိမရှိ စုံစမ်းနေ
Reviewed by သစ်ထူးလွင်
on
11:29
Rating: