FIFA အမျိုးသမီး ကမ္ဘာ့ဘောလုံး ဆီမီးဖိုင်နယ် အမေရိကန်နဲ့ဂျာမနီ ကန်မည်


ကနေဒါနိုင်ငံမှာ ကျင်းပနေတဲ့ ၇ ကြိမ်မြောက် အမျိုးသမီး ကမ္ဘာ့ဖလားဖိုင်နယ် အကြိုဗိုလ်လုပွဲစဉ်တွေကို အင်္ဂါနေ့ညနေမှာ စတင်ကစားကြမှာ ဖြစ်ပါတယ်။ အမျိုးသမီး ကမ္ဘာ့ဖလား ချန်ပီယံဆုရှင်တွေဖြစ်ခဲ့ဖူးကြတဲ့ အမေရိကန်၊ ဂျာမနီ၊ ဂျပန် သုံးသင်းနဲ့အတူ အင်္ဂလန်အသင်းတို့ အကြို ဗိုလ်လုပွဲစဉ်မှာ ယှဉ်ပြိုင်ကြမှာဖြစ်ပါတယ်။

အမျိုးသမီး ကမ္ဘာ့ဖလားချန်ပီယံဆုကို ၁၉၉၁ နဲ့ ၁၉၉၉ ကရခဲ့တဲ့ အမေရိကန်အသင်းနဲ့ ကမ္ဘာ့ဖလားချန်ပီယံဆုကို ၂၀၀၃ နဲ့ ၂၀၀၇ က ရခဲ့တဲ့ ဂျာမနီအသင်းတို့ Montreal မြို့မှာ ပထမအကြိုဗိုလ်လုပွဲကို အင်္ဂါနေ့ညနေ ဒေသစံတော်ချိန် ၇ နာရီမှာ ကစားကြမှာဖြစ်ပါတယ်။

ပြိုင်ပွဲတလျှောက် ဂျာမနီအသင်းက ဂိုးအများဆုံးသွင်းထားပြီး အမေရိကန်အသင်းကတော့ ၁ ဂိုးတည်းပေးထားရတာကြောင့် အကောင်းဆုံး ခံစစ်ကို ပိုင်ဆိုင်ထားပါတယ်။ အမေရိကန် ဂိုးသမား Hope Solo က ပြိုင်ပွဲတွေမှာ မိနစ်ပေါင်း ၄၂၃ မိနစ် အချိန်အတွင်း တဂိုးမှ အ၀င်မခံရ အောင် ကာကွယ်နုိင်ခဲ့သူဖြစ်ပါတယ်။

လက်ရှိကမ္ဘာ့ချန်ပီယံ ဂျပန် အသင်းနဲ့ အင်္ဂလန်အသင်းတို့ကတော့ Edmonton မြို့မှာ ဗုဒ္ဓဟူးနေ့ ဒေသစံတော်ချိန် ညနေ ၅ နာရီမှာ ကစားကြမှာဖြစ်ပါတယ်။ အင်္ဂလန်အသင်းကတော့ပထမဆုံးအကြိမ် အကြိုဗိုလ်လုပွဲစဉ်ကို တက်ရတာဖြစ်ပါတယ်။

အကြိုဗိုလ်လုပွဲစဉ်တွေမှာ နိုင်တဲ့အသင်းနှစ်သင်းကတော့ လာမယ့် ဇူလိုင် ၅ ရက်နေ့မှာ Vancouver မြို့မှာ ဗိုလ်လုရမှာဖြစ်ပါတယ်။ တတိယနေရာအတွက် ဇူလိုင် ၄ ရက် စနေနေ့မှာ ကစားကြမှာဖြစ်ပါတယ်။

ဗွီအိုအေ (မြန်မာဌာန)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ