ဂျပန် bullet train ပေါ်မှာ သေကြောင်းကြံမီးရှို့မှုကြောင့် လူ ၂ ဦးသေဆုံး


ဂျပန်နိုင်ငံ Shinkansen bullet train အမြန်ရထားတစီးပေါ်မှာ မိမိကိုယ်ကို မီးတင်ရှို့ခဲ့သူ အမျိုးသားတဦးနဲ့ နောက်တစ်ဦးတို့ သေဆုံးခဲ့ကြောင်း NHK သတင်းဌာနက ပြောပါတယ်။

မိမိကိုယ်ကို မီးရှို့ခဲ့သူ အမျိုးသားဟာ ရထားရဲ့ ပထမဆုံးတွဲပေါ်မှာ သူ့ကိုယ်သူ လောင်စာဆီလောင်းခဲ့တာလို့ ဂျပန် ရထားဌာနက ပြောခွင့်ရသူက ဘီဘီစီကို ပြောပါတယ်။

လူပေါင်း ၁၀၀၀ လောက်ပါတဲ့ အဆိုပါ ရထားဟာ တိုကျိုမြို့ကနေ အိုဆာကာ မြို့ကို သွားနေတာဖြစ်ပြီး ဒေသအချိန် မနက် ၁၁ နာရီခွဲခန့် အိုဒါဝါယာ မြို့အနီးအရောက်မှာ အခင်းဖြစ်ပွားပြီး အရေးပေါ် ရပ်နားခဲ့ရတာ ဖြစ်ပါတယ်။ ဂျပန် ရုပ်မြင်သံကြားမှာတော့ ရပ်ထားတဲ့ ရထားတွဲအတွင်း မီးခိုးငွေ့တွေ ပြည့်နေတာကို ပြသခဲ့ပါတယ်။


အနည်းဆုံး လူ ၆ ယောက်လောက် ဒဏ်ရာရရှိသွားပြီး တိုကျို- အိုဆာကာ ပြေး bullet ရထား အားလုံးကို ရပ်နားခဲ့ရတယ်လို့ မီးသတ်ဝန်ထမ်းတွေက ပြောပါတယ်။

ဂျပန်အာဏာပိုင်တွေက အဆိုပါ မီးရှို့အဆုံးစီရင်သူနဲ့ပတ်သက်ပြီး တစုံတရာပြောဆိုခြင်း မရှိပေမယ့် ကိုယ့်ကိုယ်ကို သတ်သေမှုလို့ ယူဆထားကြပါတယ်။

ဂျပန် bullet train တွေဟာ တစ်နာရီကို ၁၉၅ မိုင်နှုန်းအထိ မြန်ပြီး အန္တာရယ်ကင်း စိတ်ချရတဲ့အတွက် ကမ္ဘာမှာ နာမည်ကြီးပြီး ရထားစတင်ဆွဲခဲ့ချိန်ကစပြီး နှစ် ၅၀ ကျော်ကာလအတွင်း အသေအပျောက် မှတ်တမ်းတခုမှ မရှိခဲ့ဘူးလို့ သိရပါတယ်။

BBC Burmese
https://www.facebook.com/bbcburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ