တောင်းဆိုထားသည့် တောင်ယာမြေ ထက်ဝက်ကျော်ကို တပ်မှစွန့်လွတ်ပေး

တပ်သိမ်းမြေတချို့ ပြန်လည်စွန့်လွှတ်လိုက်ကြောင်း အသိပေးရန် ဆိုလျားကူးကျေးရွာသို့ ရောက်ရှိလာသည့် ဒကစမှူး ဗိုလ်မှူးကြီးအေးလွင် နှင့် ဆိုလျားကူးတောင်သူတစ်ဦးဖြစ်သော ကိုတူရယ်တို့အား ဇွန်လ ၂၃ ရက်နေ့တွင် မြင်တွေ့ရစဉ် (ဓါတ်ပုံ-ဆိုလျားကူး ရွာသား (Facebook))
 ကယား(ကရင်နီ)ပြည်နယ် ဖရူဆိုမြို့နယ် အမှတ် (၅၃၁) တပ်ရင်းက သိမ်းယူထားသော ဆိုလျားကူး ကျေးရွာတောင်သူများ၏ တောင်ယာမြေများကို ပြန်လည်စွန့်လွတ်ကြောင်း ဇွန်လ ၂၃ ရက်နေ့က ကယား ပြည်နယ်ဒေသကွပ်ကဲရေး စစ်ဌာနချုပ်ဗိုလ်မှုးကြီးအေးလွင်က ဆိုလျားကူးကျေးရွာသို့ လာရောက်ပြောကြားသွားသည်ဟု သိရသည်။

ဆိုလျားကူးရွာမှ ကိုတူရယ်က “ကျတော်တို့တင်ပြထားတာက ဧက ၆၀၀လောက်ပြန်ရ ရမယ်လို့ တင်ပြထားတယ်။ ခုပြန်ရတာက ကျတော်တို့ မျော်လင့်ထားတာထက် ထက်ဝက်လောက်ဘဲရှိတယ်။” ဟု ပြောသည်။

ဧပြီ ၃၀ ရက်တွင် စိုက်ခင်း ဧက ၆၀၀ ကျော်အား စိုက်ပျိုးခွင့် ရရန် တောင်သူများက ပြည်နယ် အစိုးရအဖွဲ့၊ မြို့နယ်အုပ်ချုပ်ရေးရုံးတို့တွင် တင်ပြတောင်းဆိုထားခဲ့ခြင်းဖြစ်သည်။

တပ်သိမ်းမြေက ၁၂၈၉ ဧကရှိပြီး တောင်သူများ၏ တောင်ယာ အဖြင့် ပြန်လည်ရရှိရေးကို ဧက ၆၀၀ ပြန်တောင်းဆိုထားကြရာ ဧက ၄၉၅ ပြန်ပေးအပ်ခဲ့ခြင်းဖြစ်သည်။

ယခုကဲ့သို့ ရွေးကောက်ပွဲကြိုတင်ပြင်ဆင်သည့်ကာလတွင် စစ်တပ်မှ တောင်ယာမြေ စွန့်လွတ်ခြင်းသည် နာမည်ကောင်းလိုခြင်သည့်အတွက်ကြောင့်လည်းပါနိုင်သည်ဟု ကရင်နီပြည်တောင်သူများသမ္မဂ ဥက္ကဌ ကိုသဲရယ်က ပြောသည်။

ပြည်နယ်ဝန်ကြီးချုပ်ကလည်း စိုက်ပျိုးချိန် အချိန်မှီ စိုက်ပျိုးနိုင်ရန် အာမခံလက်မှတ် ရေးထိုးပေးမည်ဖြစ်ကြောင်းကိုလည်း ဇွန်လ ၄ ရက်နေ့တွင် ရွာသားများနှင့် အစိုးရရုံးတွင် တွေ့ဆုံစဉ် ပြောဆိုသွားခဲ့သည်ဟု သိရသည်။

၁၉၉၆ ခုနှစ်တွင် အမှတ် ၅၃၁ တပ်ရင်းမှ ဆိုလျားကူးတောင်သူများ၏ မြေယာများကို သိမ်းထားခဲ့ခြင်းဖြစ်ပြီး တောင်သူများ တောင်ယာမြေပြန်လည်ရရှိရေးကို ၂၀၁၄ ခုနှစ်မေလတွင် ထွန်တွန်းတိုက်ပွဲများ စတင်ဆင်နွဲခဲ့ကြသည်။

ထို့နောက် စစ်တပ်မှ ပိုင်နက်ကျူးကျော်မှုဖြင့် တောင်သူများကို တရားစွဲဆိုအမှုဖွင့် စီရင်ချက်ချမှတ်ခဲ့သည့် ဖြစ်ရပ်ဖြစ်ပေါ် ခဲ့ပြီးနောက် တောင်သူများ မြေယာပြန်လည်ရရှိရေး ဆက်လက်တောင်းဆိုခဲ့ရာ ယခုကဲ့သို့ ပြန်လည်ပေးအပ်နိုင်ခဲ့ခြင်း ဖြစ်သည်။

Written by ကန္တာရဝတီတိုင်း(မ်)
http://www.ktimes.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ