သြစတြေးလျက လှေအမှုထမ်းတွေကို ငွေပေးပြီး ပြန်လှည့်ပြန်ခိုင်းသလား ဆိုတာကို အင်ဒို စုံစမ်းမယ် (Credit: ABC) |
ပြီးခဲ့တဲ့ မေလတုန်းက မြန်မာနိုင်ငံသားတစ်ဦးအပါအဝင် လူပေါင်း ၆၅ ယောက် တင်ဆောင်လာတဲ့ လှေဟာ သြစတြေးလျနိုင်ငံ ရေပိုက်နက်ထဲ ဝင်လာခဲ့ပါတယ်။
အဲဒီမှာ သြစတြေးလျ ရေတပ်က လှေကပ္ပတိန်နဲ့ တခြား အမှုထမ်းတွေကို ဒေါ်လာ ၅၀၀၀ စီပေးပြီး လာရာ လှမ်းအတိုင်း ပြန်ဖို့ ပြောဆိုခဲ့တယ်လို့ ဆိုပါတယ်။
အဲဒီလှေက အင်ဒိုနီးရှားကို ပြန်လာတုန်း ကျောက်တန်းနဲ့ ဝင်တိုက်မိရာက တံငါသည်တွေက ကယ်ဆယ်လိုက်ပါတယ်။
လှေပေါ်ပါလာသူတွေကို စစ်ဆေးရာက သြစတြေးလျက ငွေပေးပြီး သူတို့ကို ပြန်လှည့်ပြန်ခိုင်းတာ ဖြစ်ကြောင်း ထွက်ဆိုကြတာ ဖြစ်ပါတယ်။
သြစတြေးလျ နိုင်ငံခြားရေးဝန်ကြီး ဂျူလီဘိရှော့ပ်ကတော့ လူကုန်ကူးမှုမှာ ပါဝင်တဲ့ လှေအမှုထမ်းတွေကို သြစတြေးလျက ပိုက်ဆံမပေးရဘူးလို့ ပြောပါတယ်။
အင်ဒိုနီးရှား နိုင်ငံခြားရေးဝန်ကြီးကတော့ ဒီကိစ္စနဲ့ ပတ်သက်ပြီး စိုးရိမ်မကင်း ဖြစ်မိလို့ စုံစမ်းမှုတွေ လုပ်သွားမယ်လို့ ပြောပါတယ်။
ဒီလို လုပ်ဆောင်ချက်တွေကြောင့် ပင်လယ်ပြင်မှာ သေဆုံးမှုတွေ ဖြစ်စေနိုင်တယ်လို့လည်း ပြောလိုက်ပါတယ်။
လှေပေါ်ပါလာသူတွေကတော့ သူတို့က နယူးဇီလန်ကို သွားဖို့ ကြိုးစားကြပေမယ့် သြစတြေးလျ ရေပိုင်နက်ထဲ ရောက်ရှိလာတာလို့ ဆိုပါတယ်။
ABC Radio Australia
http://www.radioaustralia.net.au/burmese
သြစီထဲ ဝင်တဲ့လှေကို ငွေပေးပြီး လှည့်ပြန်ခိုင်းသလား
Reviewed by သစ်ထူးလွင်
on
16:58
Rating: