တရားခံ နန်းကိန်မွန်းနဲ့ စိုင်းအိုက်ခမ်းတို့ကို ဇွန်လ ၁၃ ရက်နေ့က တာချီလိတ်မြို့တွင် သက်သေခံပစ္စည်းတွေနဲ့ အတူတွေ့ရစဉ်။ Photo: Aung Moe Myint/RFA |
တာချီလိတ်မြို့ဆန်ဆိုင်း (က) ရပ်ကွက် ဗိုလ်ချူပ်လမ်းက နေအိမ်ကို ဇွန်လ ၁၃ ရက်နေ့က ၀င်ရောက်ရှာဖွေခဲ့ရာက တာချီလိတ်မြို့မှာ ပထမဦးဆုံးအကြိမ် အမြောက်အများဖမ်းဆီးရမိခဲ့တာ ဖြစ်တယ်လို့ တာချီလိတ်မြို့ မူးယစ်တပ်ဖွဲ့က တပ်ကြပ်ကြီး တိုးမြင့်အောင် က RFA ကို ပြောပါတယ်။
"ဇွန် ၁၃ ရက်နေ့ ၁၁ ခွဲအချိန်မှာ မူးယစ်တပ်ဖွဲ့စု ၃၀ ကနေပြီးတော့မှ တပ်ဖွဲ့စုမှူး ရဲမှူး သန်းရွှေ ဦးစီးအဖွဲ့ပါဝင်တဲ့ ပူးပေါင်းအဖွဲ့ဟာ သက်သေတွေနဲ့ အတူ တာချီလိတ်မြို့ဆန်ဆိုင်း (က) ရပ်ကွက် စိုင်းလျန်းနဲ့ နန်းကိန်မွန်း တို့ရဲ့ နေအိမ်ကို သတင်းအရ ၀င်ရောက်စီးနင်းရှာဖွေခဲ့ပါတယ်၊ အဲ့ဒီလို ၀င်ရောက်စီးနင်းရှာဖွေတဲ့ အခါမှာ စုစုပေါင်းတွေ့တာတော့ စိတ်ကြွဆေးပြားက ၂၀၇၆၄ ပြား၊ ပြီးရင် ဘိန်းဖြူကတော့ ၁၃ ဂရမ်ပေါ့၊ ပြီးရင် စိတ်ကြွဆေးမှုန့် ကတော့ ၆၂. ၅၀၃ ကီလို၊ ပြီးရင် ကဖင်း ၂၅၀ ဂရမ်၊ အားလုံး စက်တွေရဲ့ တန်ဖိုးပါ ပေါင်းရင်တော့ ကျပ်သိန်းပေါင်း သုံးသောင်းကျော်မယ် မဲခေါင် စစ်ဆင်ရေး ၂ မှာမိတာတော့ တန်ဖိုးအများဆုံးကတော့ ဒီဟာမိတာပေါ့ဗျာ"
ဖမ်းဆီးရမိတဲ့ မူးယစ်ဆေးဝါးတွေအပြင် မူးယစ်ဆေးထုတ်လုပ်ရာမှာအသုံးပြုတဲ့ WY စာတမ်းပါ ရိုက်တံ ၂၂ ချောင်း၊ တစ်ကြိမ်ရိုက်ရင် စိတ်ကြွဆေးပြား ၉ ပြား ထုတ်လုပ်နိုင်တဲ့ မော်တာစက်တစ်လုံး၊ စိတ်ကြွဆေးမှုန့်ချေစက် တစ်လုံးနဲ့ အတူ ဆက်စပ်ပစ္စည်းတွေကိုလည်း သိမ်းဆည်းရမိခဲ့တယ်လို့ ဆက်ပြောပါတယ်။
မူးယစ်တပ်ဖွဲ့တွေ ၀င်ရောက်စစ်ဆေးချိန်မှာ အိမ်ရှင် စိုင်းလျန်း ဆိုသူကို မတွေ့ရှိဘဲ ဇနီးဖြစ်သူ နန်းကိန်မွန်းနဲ့ တူတော်စပ်သူ စိုင်းအိုက်ခမ်း တို့ကိုသာ တွေ့ရှိခဲ့တဲ့အတွက် သူတို့ နှစ်ဦးကို မူးယစ်ဆေးဝါးနဲ့ စိတ်ကိုပြောင်းလဲစေတတ်သော ဥပဒေပုဒ်မတွေနဲ့ တာချီလိတ်မြို့မ ရဲစခန်းမှာ အမှုဖွင့် အရေးယူ ထားတယ်လို့ သိရပါတယ်။
ဒီမူးယစ်ဆေးဝါး စစ်ဆင်ရေးဟာ အခုနှစ် မေလ ၁၁ ရက်နေ့ကနေပြီး စက်တင်ဘာလ ၁၂ ရက်နေ့အထိ ထိုင်း၊ မြန်မာ၊ လာအိုနဲ့ တရုတ်နိုင်တွေတွေ ပူးပေါင်းပြီး မဲခေါင်မြစ်ဝှမ်း ဒေသထဲမှာ မူးယစ် ဆေးဝါးနှိမ်နင်းရေး ပူးပေါင်းရွက်နေရာ မြန်မာနိုင်ငံတွင်း ဖမ်းဆီး ရမိတဲ့အမှုပေါင်း ၁၃၀ ကျော် ရှိပြီဖြစ်တယ်လို့ သိရပါတယ်။
RFA Burmese
http://www.rfa.org/burmese
မူးယစ်ဆေး ဒေါ်လာသုံးသန်းဖိုး တာချီလိတ်မြို့မှာ ဖမ်းဆီးရမိ
Reviewed by သစ်ထူးလွင်
on
16:33
Rating: