ကျောင်းအပ်ချိန်နှင့် တောင်ယာဝင်ချိန် လက်နက်ကိုင်အဖွဲ့တစ်ဖွဲ့က လူသစ်စုဆောင်းနေမှုကြောင့် ရွာမှလူငယ်များ တိမ်းရှောင်နေရ

နမ့်စန် မေ ၃၁

ရှမ်းပြည်နယ် (တောင်ပိုင်း) နမ့်စန်မြို့၏ အနောက်တောင်ဘက် မိုင်းစစ်မြို့အနီးရှိ နောင်ဘို၊ ဈေးကုန်း၊ လိုက်ခါး၊ လုံရှိန်စသည့် ပအိုဝ်း ရွာများမှလူငယ်များအား မေ ၂ဝ ရက်ကစ၍ လက်နက်ကိုင်အဖွဲ့ တစ်ဖွဲ့က ကျေးရွာလူကြီးမှ တစ်ဆင့် လူသစ်ခေါ်ယူစုဆောင်းလျက်ရှိရာ ကျောင်းအပ်ရာသီဖြစ်သည့်နည်းတူ မိုးရာသီတောင်ယာစိုက်ပျိုးချိန် ဖြစ်၍ ကျေးရွာရှိ လူငယ်များ နမ့်စန်မြို့ပေါ်နှင့် ဘုန်းတော်ကြီးကျောင်း အချို့သို့ထွက်ပြေးတိမ်းရှောင်နေရကြောင်း သိရသည်။

''ကျွန်တော်တို့မေ ၂၁ ရက်မွန်း လွဲ ၂နာရီက လိုက်ခါးရွာကနေ ထွက် ပြေးလာတယ်။ တခြားနောင်ဘို၊ ဈေး ကုန်း၊ လုံရှိန် ပအိုဝ်းရွာကလူငယ် တွေလည်း ထွက်ပြေးလာလို့ ဒီ ကျောင်း ရောက်မှဆုံကြတယ်။ မေ ၂၇ ရက်နေ့နောက်ဆုံးဆိုပြီး ရွာက လူငယ် ၅ဝ ကိုသုံးရက်အချိန်ပေးပြီးတောင်းတယ်။ သူတို့ဆီမှာ ရွာကလူ ငယ်တွေရဲ့ အမည်စာရင်းအကုန်ရှိ တော့ရွာမှာနေရင် လာဖမ်းမယ်ဆို တာ သိထားတဲ့အတွက် နမ့်စန်မြို့ ပေါ်ကိုထွက်ပြေးလာတာပါ။ ဒီ ဘုန်းတော်ကြီးကျောင်းမှာလူ ၆ဝ လောက်ရောက်နေကြတယ်။ ဆွေမျိုး အိမ်တွေ၊ အသိမိတ်ဆွေအိမ်တွေ မှာလည်း ရှောင်နေတဲ့သူတွေလည်းရှိ တယ်။ သူတို့က အသက် ၁၅ နှစ်က နေ ၄ဝ ထိခေါ်တယ်။ ကျောင်းအပ် ပြီးရင် ကျောင်းတက်ရမယ်ဆိုတော့ ကျောင်းသားအချို့က ပြန်ချင်တယ်။ လူငယ်တွေက တောင်ယာဝင်ချိန် ထွန်ယက်ချိန်ဖြစ်တဲ့အတွက် ပြန်ချင် နေတယ်။ ရွာပြန်ရောက်မှ အားလုံး လာခေါ်မှာကို စိုးရိမ်တဲ့သူတွေ လည်း ရှိနေတယ်။ ကျွန်တော်ကတော့ အားလုံးအေးဆေးမှပဲ ပြန်မယ်လုိ့ ဆုံးဖြတ်ထားတယ်'' ဟု အသက် ၁၆ နှစ်ရှိ နဝမတန်းကျောင်းသား မောင်သန်းနောင်က ပြောသည်။

ပအိုဝ်းတိုင်းရင်းသားအများဆုံး နေထိုင်သော လိုက်ခါးရွာမှာ အိမ် ခြေ ၂၅ဝ ခန့်ရှိပြီး နောင်ဘို၊ လုံရှိန် စသည့် ပအိုဝ်းရွာမှ လူငယ်များကို လည်းခေါ်ဆောင်သွားရာ မိန်းကလေး ဆိုလျှင် အသက် ၁၅ နှစ်မှ ၃ဝ အတွင်း ခေါ်ဆောင်သောကြောင့် လုံရှိန်ရွာမှ မိန်းကလေး ၁ဝ ဦး ပါ သွားပြီး နောင်ဘို၊ လုံရှိန်ရွာမှ လူငယ်အချို့ကို ခေါ်သွားကြောင်း၊ လိုက်ခါးရွာရှိ လူစာရင်းအတိုင်း လက် နက်ကိုင်အဖွဲ့ကတောင်းရာဖြစ်စဉ် ကို ကြိုတင်သိထားသောကြောင့် ရွာ မှ လူငယ်များမြို့ပေါ်သို့ ထွက်ပြေး လာခြင်းဖြစ်ကြောင်း သိရသည်။

''၂ဝ ရက် ည ၁၁ နာရီခွဲမှာ လူတစ်ဦး စာသင်တိုက်ကို တံခါး လာခေါက်ပြီး ရွာသားတွေအတွက် နေရာပေးပါလို့ ပြောတဲ့အတွက် ပထမအကြိမ်ရောက်လာတဲ့လူငယ် ၁၉ ဦးကို ဦးပဉ္စင်းနားမှာပဲ နေရာ ပေးပါတယ်။ ၂၁ ရက် နေ့မှာ ၁ဝ ဦး ထပ်ရောက်လာပြီး ညနေမှာ ၃၂ ဦး ထပ်ရောက်လာတယ်။ အမျိုးသမီး တွေပါလာသလို အိမ်ထောင်စု အချို့လည်း ပါလာတယ်။ သူတို့ကို ရုံးက အစားအစာ၊ အဝတ်အစား၊ အိပ်ရာတွေကအစ စီစဉ်ပေးပေမယ့် ရွာမှာကျန်ခဲ့တဲ့ သက်ကြီးရွယ်အို နဲ့ တောင်ယာထဲမှာ ပစ်ထားခဲ့ရတဲ့ ပစ္စည်းတွေအတွက် စိုးရိမ်နေကြ တယ်။ အခုချိန် တောင်ယာ မစ နိုင်ရင် လာမယ့်နှစ် စားစရာအတွက် အခက်အခဲကြုံရနိုင်တယ်။ ဒါဟာ တောင်ယာလုပ်စားလို့မရအောင်နဲ့ လူသစ်လည်းရအောင် တစ်ချက် ခုတ်နှစ်ချက်ပြတ် လုပ်သလိုဖြစ်နေ တယ်။ တိုင်းရင်းသားအချင်းချင်း တစ်ဦးနဲ့ တစ်ဦးစာနာထောက်ထား သင့်တယ်။ နောင်ဘိုရွာထဲကို လက် နက်ကိုင်တွေ မကြာခဏဝင်ထွက်နေ ပေမယ့် မနှစ်ကလို သတင်းပဲထွက် မယ်ထင်ကြတာ၊ တောင်ယာလုပ်ချိန် မှ လူအင်အားတောင်းတော့ ရွာတွေ အတွက် အခက်ကြုံရပါတယ်'' ဟု နမ့်စန်မြို့မှ စာချဆရာတော်တစ်ပါး က မိန့်ကြားသည်။

''ကျွန်တော် ရွာကနေ မေ ၂၄ ရက် က ထွက်ပြေးခဲ့တယ်။ သားသမီး ငါးဦးမှာ နှစ်ဦးက အိမ်ထောင် သည်တွေ။ ၂၃ ရက်မှာ ရွာလူကြီးက လွယ်ကုန်းခမ်း တောင်ပေါ်စေတီ မှာရှိတဲ့ အဖွဲ့အစည်းက ခေါင်းဆောင် နဲ့တွေ့ပေးတယ်။ ပထမ ဒသမတန်း ကျောင်းသားကိုမေးတော့ သာသနာ့ ဘောင်ဝင်နေတယ်လို့ ပြောတော့ အိမ်က ၂၁ နှစ်ရှိတဲ့ သားငယ်ကို ခေါ်ခိုင်းလို့ ခေါ်လာပြရတယ်။ ကျန်း မာရေးသိပ်မကောင်းတာသိလို့ ပြန် လွှတ်တယ်။ နောက်နေ့သားလတ်ကို ခေါ်လာပါလို့ပြောတာနဲ့ မိသားစု လိုက် ထွက်ပြေးလာတာ၊ အိမ်ထောင် သည်သားတွေနဲ့ အဆက်အသွယ် မရသေးဘူး။ ရွာနဲ့ အဆက်အသွယ် မရကြတော့ မပြန်ရဲသေးဘူး။ တောင် ယာအတွက် အရဲစွန့်ပြီး ပြန်တဲ့သူ အချို့ရှိပေမယ့်သားတွေအတွက် စိုး ရိမ်ရတော့ မပြန်သေးဘူး။ မအေး ချမ်းသေးရင် ဟိုပုံးကိုပဲ ပြန်မယ်'' ဟု ရွာအခြေအနေကို ဘုန်းတော်ကြီး ကျောင်းတွင် လာရောက်စုံစမ်းသော ဦးလန်ရှမ်း အသက်(၅၅နှစ်)က ပြော သည်။

မိုးနံ့သင်းချိန် တောင်ယာလုပ် ငန်းကို ရှမ်းပြည်နယ်တွင် စတင်နေ ပြီး နောင်ဘို၊ လိုက်ခါး၊ ဈေးကုန်း၊ လုံရှိန်၊ ဟိုနား၊ ကောင်စိုင်း၊ ဝမ်ခိုင်း၊ ဟွေ့ဆိုင်း စသည့်ရွာများမှာ ပြောင်း၊ စပါး၊ ပန်းနှမ်း၊ အာလူး၊ ခရမ်းချဉ် သီးကို စီးပွားဖြစ်စိုက်ပျိုးကာ ဟင်း သီးဟင်းရွက်လည်း စတင်စိုက်ပျိုးနေ ပြီဖြစ်သည်။ ရွာအချို့မှာ ပအိုဝ်းရွာ အဖြစ် သီးသန့်ရှိပြီး ရှမ်း၊ ပအိုဝ်း၊ ကယန်း၊ ဗမာ စုပေါင်းနေထိုင်သော ရွာများလည်းရှိကြောင်း၊ ထွက်ပြေး တိမ်းရှောင်လာသောရွာများတွင် ဇွန် လမှသာ ထွန်ယက်စိုက်ပျိုးပါက အသီး သီးသော်လည်း ထွက်နှုန်း မကောင်း တတ်သောကြောင့် စိုက်ပျိုးရေး အ တွက် စိုးရိမ်ပူပန်နေခြင်းဖြစ်ကြောင်း ရွာသားအချို့ထံမှ သိရသည်။

''မေ ၂၈ ရက်က နေ့လယ်ပိုင်းမှာ နမ့်စန်လေတပ်ဌာနချုပ် တပ်မှူးက ဘုန်းတော်ကြီးကျောင်းမှာရှိတဲ့ ရွာ သားတွေကို အားပေးစကားပြောပြီး ထောက်ပံ့မှုတွေ ဆောင်ရွက်ပေးပါ တယ်။ ထောက်ပို့တပ်ကလည်း ကူညီ သလို ဆေးတပ်ကလည်းကျန်းမာ ရေးစောင့်ရှောက်မှုလုပ်ပေးပါတယ်။တဖြည်းဖြည်းရွာသားတွေကို ပြန် ခိုင်းနေပါပြီ၊ ရွာတွေရဲ့ အခြေအနေ ကိုစောင့်ကြည့်နေပါတယ်'' ဟု နမ့် စန်မြို့ PNO ရုံးတာဝန်ခံက မေ ၃၁ ရက် နံနက်ပိုင်း၌ ပြောသည်။

တိုင်းရင်းသားကျေးရွာများမှာ နှစ်စဉ် လူသစ်စုဆောင်းပေးရ သကဲ့သို့ ရိက္ခာအဖြစ်တစ်အိမ်ထောင် လျှင် ခြောက်ပြည်ဝင်ပုံးဖြင့် ဆန် နှစ်ပုံး၊ ငွေကျပ်ငါးသောင်းပေးရပြီး ရွာလူကြီးနှင့် ရပ်မိရပ်ဖလူကြီးများ မပေးရကြောင်း၊ ဇွန် ၁ ရက်တွင် ကျေး ရွာများရှိ စာသင်ကျောင်းများ ဖွင့် တော့မည်ဖြစ်၍ အေးချမ်းစွာ ပညာ သင်ကြားနိုင်ရန်နှင့်ကျောင်းသားများ ပညာသင်ကြားခွင့်ရရန်၊ တောင်ယာ လုပ်ငန်းကိုလည်း အပူအပင်ကင်းစွာ လုပ်ဆောင်လိုကြကြောင်း၊ တိုင်းရင်း သားအားလုံး စည်းလုံးညီညွတ်မှုသည် နိုင်ငံအတွက် အရေးကြီးသောကြောင့် တိုင်းပြည် ဖွံ့ဖြိုးတိုးတက်မှုကို ဖော် ဆောင်ရာတွင် စည်းလုံးညီညွတ်မှု သည် တိုင်းရင်းသားတို့၏ရင်တွင် ခိုင်မြဲနေရန် လိုအပ်ကြောင်း ပအိုဝ်း တိုင်းရင်းသူ ဝန်ထမ်းတစ်ဦးက မှတ် ချက်ပြုပြောကြားသည်။

သန်းထိုက် (လှိုင်သာယာ)
Myanmaalinn
https://www.facebook.com/MYANMAALINNNEWS