ဝီကီလိ ဝက်ဆိုက်က အသစ် ထုတ်ပြန်လိုက်တဲ့ အချက်အလက်တွေအရ အမေရိကန် အမျိုးသား ထောက်လှမ်းရေးအဖွဲ့က ပြင်သစ်သမ္မတ ဖရန်ဆွာ အော်လန်း နဲ့ သူ့ရှေ့က သမ္မတတွေကို ထောက်လှမ်းနေခဲ့တယ်လို့ သိရပါတယ်။
ဒီလို ထောက်လှမ်းမှုတွေ လုပ်နေတာဟာ ၂ဝဝ၆ ခုနှစ် နဲ့ ၂ဝ၁၂ ခုနှစ် တွေကြား ဖြစ်တယ်လို့ လည်း စွပ်စွဲ ရေးသားထားပါတယ်။
ဒီအထောက်အထား ထုတ်ပြန်ချက်တွေကို အမေရိကန် နိုင်ငံခြား ရေးဌာနက ဘာမှ အတည်ပြုချက် မပေးပါဘူး။
ယူကရိန်း အကျပ်အတည်းကိစ္စ ဆွေးနွေးဖို့ ပြင်သစ်မှာ ရောက်နေတဲ့ ရုရှ နိုင်ငံခြားရေး ဝန်ကြီး ဆာဂေ လပ်ဗရော့ဗ် ကတော့ ဒီသတင်း ကြားရလို့ အံ့သြစရာ မရှိဘူးလို့ ပြောပါတယ်။
ဂျာမနီ၊ ဘရာဇီးနဲ့ မက္ကဆီကို အစိုးရတွေ အပေါ် ဝီကီလိရဲ့ အရင် ဖော်ထုတ်ချက်တွေ အရ ဒီအထောက်အထား သစ် တွေဟာလည်း ဖြစ်နိုင်လောက်တယ်လို့ ဝါရှင်တန်က ဘီဘီစီ သတင်းထောက်က ဆိုပါတယ်။
၂ဝ၁၂ ခုနှစ် လောက်က ဂရိနိုင်ငံ ယူရိုငွေ ဇုန်ထဲက ထွက်သွားရင် ဖြစ်လာနိုင်တဲ့ အကျိုးဆက် တွေအတွက် လျှို့ဝှက် အစည်းအဝေးတွေကို သမ္မတ အော်လန်းက အတည်ပြုပေးခဲ့တယ်လို့ ဒီမှတ်တမ်း တစ်ခုမှာ ပါရှိပါတယ်။
BBC Burmese
https://www.facebook.com/bbcburmese
ပြင်သစ်ကို ကန်ထောက်လှမ်းခဲ့ဆို
Reviewed by သစ်ထူးလွင်
on
11:28
Rating:
Reviewed by သစ်ထူးလွင်
on
11:28
Rating:
