ရခိုင်ပြည်နယ် နယ်စပ်မြို့တော် မောင်တောမြို့အဝင်ဆိုင်းဘုတ်ကို တွေ့ရစဉ် Photo: RFA |
မောင်တောမြို့နယ် ရေတွင်းကျွန်းချောင်းဝနဲ့ ရွက်ညိုတောင်ချောင်းဝကြားမှာ မြန်မာနယ်ခြားစောင့်တပ်က ကင်း လှည့်ရာမှာ အပြန်အလှန်ပစ်ခတ်မှုဖြစ်ပွားခဲ့တာ လို့ အမည်မဖော်လိုတဲ့ နယ်ခြားစောင့် ရဲအရာရှိတစ်ဦးက ပြော ပါတယ်။
"ဖြစ်တာကတော့ မနက် ၅ နာရီလောက်မှာ လှေတစ်စီးတွေ့တယ်ပြောတယ်၊ သူတို့က လှမ်းခေါ်တော့ ဟိုဘက်ကပစ်တယ်ပြောတယ်၊ သူတို့ကပစ်တော့ ပြန်ပစ်တယ်၊ ၂ ဘက်ပြန်ပစ်တော့ ဒီကောင်တွေ က လှေပေါ်ကဆင်းပြီးတော့ ထွက်ပြေးသွားတယ်၊ ရေထဲကိုဆင်းပြီး လိုက်ကြည့်တော့ သေနတ် ၁ လက်နဲ့ လူတစ်ယောက်ဖမ်းမိတယ်"
ဘင်္ဂလားဒေ့ရ်ှဘက်က စက်လှေပေါ်ပါလာတဲ့ လူ ၃ ဦးထဲက ၂ ဦးဟာ ထွက်ပြေး လွတ်မြောက်သွားပြီး ဘင်္ဂလားဒေ့ရ်ှနယ်ခြားစောင့် BGB တပ်ဖွဲ့ ယူနီဖောင်း ဝတ်ထားတဲ့ ကျန်တစ်ဦးကိုတော့ ဖမ်းဆီးရမိခဲ့ပါတယ်။
ဖမ်းဆီးရမိသူဟာ ဘင်္ဂလားဒေ့ရ်ှနိုင်ငံ အမှတ် ၄၂ BGB နယ်ခြားစောင့်တပ်ရင်းက တပ်ကြပ်အဆင့်ရှိသူဖြစ်ပြီး မနေ့ညနေက ငါးဖမ်းစက်လှေနဲ့ကင်းလှည့်ရင်း ဘင်္ဂလားဒေ့ရ်ှဘက်ကနေ မြန်မာနိုင်ငံဘက်ကို ထွက်လာတဲ့ စက်လှေ ၂ စီး နောက်ကိုလိုက်ရာကနေ မြန်မာရေပိုင်နက်ထဲကို ရောက်ရှိလာတာဖြစ်တယ်လို့ လည်း သိရပါတယ်။
RFA Burmese
http://www.rfa.org/burmese
မြန်မာနဲ့ ဘင်္ဂလားဒေ့ရှ် နယ်ခြားစောင့်တပ်ဖွဲ့တွေ အပြန် အလှန်ပစ်ခတ်
Reviewed by သစ်ထူးလွင်
on
22:24
Rating: