မီကြာဆိုတောင်က မိုးခေါ်ပွဲ

 မိုးတွင်းချိန်ခါ ရောက်ပြီဟု ဆိုသော်လည်း ကယားပြည်နယ်၏ နေရာတော်တော် များများတွင် မိုးမရွာသည့် အတွက် သီးနှံစပါးစိုက်ပျိုးသည့် တောင်သူ လယ်သမားများ ဒုက္ခရောက်နေကြရသည်။

ရေတွင်းရေကန်များသည်လည်း ခမ်းခြောက်လာသည့်အတွက် သောက်သုံးရေများ ရရှိရန်လည်း ခက်ခဲ လာကြရသည့်အထိ ကျေးရွာတော်တော်များများနှင့် မြို့ပေါ်များတွင် ကြုံတွေ့နေကြရသည်။

မီကြာဆိုတောင်က မိုးခေါ်ပွဲ (ဓါတ်ပုံ-ကေတီ)
မိုးတွင်းချိန်ခါ သီးနှံများအချိန်မှီစိုက်ပျိုးနိုင် ရန်အတွက်ဆိုပြီး လွိုင်ကော်မြို့နယ် ကျေးရွာအုပ်စု အချို့ရှိ တောင်သူလယ်သမားများသည် ဇွန်လ(၃)ရက်နေ့တွင် လွိုင်ကော်မြို့နယ် နိုးကိုးကျေးရွာ အုပ်စုရှိ နိုးကိုးစံပြကျေးရွာအရှေ့ဖက် မီကြာဆို တောင်ထိပ်တွင် မိုးခေါ်ပွဲကို ရိုးရာကျင်းပပြုလုပ်ခဲ့ပါသည်။

ကရင်နီလူမျိုးတို့သည် တောစောင့်နတ် ၊ တောင်စောင့်နတ်ရှိသည်ဟု ယုံကြည်ကြသည်။ ၎င်းတို့သည် လူသားတို့ကို အနှောက်အယှက်ပေးစေသည့် နတ်ဆိုးများ ၊ အန္တာရာယ်များကို ဖယ်ရှားပေးရန် ကာကွယ်ပေးရန် လူသားတို့၏ဥယျာဉ်၊ ခြံ၊ လယ်ယာမြေများ၊ တောင်ယာမြေများကို ဖျက်ဆီးခြင်းမှ ကာကွယ်ရန် တောင်းပန်ပူဇော်ရခြင်းဖြစ်သည်။

"ဒီပူဇော်ပသခြင်းကိုလုပ်တာ အဓိက မိုးခေါ်တာပေ့ါ။ စိုက်ပျိုးရာသီရောက်နေပြီလေ မိုးက ရွာသွန်းမှုမရှိသေးဘူး။ အဲတော့ အချိန်မှီထွန်ယက်စိုက်ပျိုးနိုင်ရန် ရေလိုအပ်တယ် ၊ မိုးလိုအပ်တယ်။

ဒါကြောင့် ကျေးရွာတွင် စုပေါင်းပြီး မိုးခေါ်ပွဲကို ကျင်းပရခြင်းဖြစ်ပါတယ်။ မိုးခေါ်ပွဲဆိုပေမယ့် တောတောင် ၊ ရေ၊မြေ ထိန်းသိမ်းခြင်းလည်းပါတာပေ့ါ" ဟု နိုးကိုးကျေးရွာအုပ်စု၊ နိုးကိုးစံပြကျေးရွာမှ ကေထျိူးဘိုးကော်မတီဝင် ဦးနျားရယ်ပြောပါသည်။

မီကြာဆိုတောင်က မိုးခေါ်ပွဲ (ဓါတ်ပုံ-ကေတီ)
ယခင်နှစ်တွေဆိုလျင် မေလ အလယ်ပိုင်းတွင် မိုးရွာသွန်းပြီး စိုက်ရန်ပျိုးရန်ပြင်ဆင်နေကြပြီဖြစ်သည်။ ယခုနှစ်မှာတော့ မိုးရွာသွန်းမှုမရှိသေးသလို ထွန်ယက်စိုက်ပျိုးရန်လည်း လယ်တွေမှာ ရေမရှိသေးသည့်အတွက် ဘာမှလုပ်ဆောင်ခြင်းမရှိသေးကြောင်း ဦှးနျားရယ်က ပြောသည်။

ထို့ကြောင့် မိုးခေါ်ပွဲတွင် မိမိတို့ ယုံကြည်ရာ နတ်မင်းကြီးကိုပူဇော်ရန် ၀က်တစ်ကောင်၊ ကျွဲတစ်ကောင်နှင့် ကြက်တစ်ကောင် ပူဇော်ပသကြသည်။ မိုးလေ၀သကောင်းမွန်ရန်၊ တိုင်းပြည်အေးချမ်းသာယာရန်နှင့် ကျန်းမာရေးကောင်းမွန်ရန် စသဖြင့် ဆုတောင်းကြခဲ့ကြသည်။

မီကြာဆို တောင်ထိပ်တွင် ပြုလုပ်သည့် မိုးခေါ်ပွဲ ဆုတောင်ကြရာ ယခုနှစ်အတွက် အဖက်ဖက်က ကောင်းမွန်သည့် လက္ခဏာပြနေကြောင်း နိုးကိုးကျေးရွာအုပ်စုရှိ ကေထျိူးဘိုးဂေါပက အဖွဲ့ဝင် အသက်(၇၀)အရွယ်ရှိ ဦးဈားရယ်က ဆိုပါသည်။

"အခုပူဇော်ပသတာက ကျန်းမာရေးနှင့် တိုင်းပြည်ကတော့ ကောင်းမွန်တဲ့လက္ခဏာပြတယ်။ ကောင်းမွန်တယ်ပေ့ါ။ ဘာမှ အထစ်အနာအဆာမရှိဘူး။ မိုးကျတော့ မြောက်ပိုင်းမှာ မိုးရွာသွန်းတာ များမယ်။ တောင်ပိုင်းကတော့ မိုးပိုနည်းမယ်။ မြောက်ပိုင်းက မိုးရွာတယ်ဆိုတာလည်း တောင်ပိုင်းကို စီးဆင်းလာမှာပါ ရေတွေက။ မိုးကရွာကိုရွာမယ်။ ဒါပေမယ့် နည်းနည်းတော့ နောက်ကျတယ်" ဟု ဦးဈားရယ်က ပြောသည်။

မီကြာဆိုတောင်က မိုးခေါ်ပွဲ (ဓါတ်ပုံ-ကေတီ)
ထိုမိုးခေါ်ဆုတောင်းပွဲတွင် နိုးကိုးကျေး ရွာအုပ်စုနှင့် ဒေါပေါ်ကလဲ ကျေးရွာ အုပ်စုရှိ ကျေးရွာများ(လူဦးရေ ငါးဆယ်ကျော်တက်ရောက်) စုပေါင်းလုပ်ကြ့ပီး ၎င်းတောင်ပေါ်တွင် (၅)နှစ်တကြိမ်ပုံမှန် ကျင်းပလျက်ရှိကြောင်း သိရပါသည်။

ထို့ပြင်တောင်ပေါ်တွင် မိုးခေါ်ပွဲပြုလုပ်လာသည်မှာ ဘိုးဘွားဘီဘင်လက်ထက်က လုပ်ဆောင်လာကြတာဖြစ် သလိုတောင်ပေါ်ရှိ ထွက်ရှိသော အသီးအနှံသည် အခြားနေရာဒေသမှ ထွက်ရှိသောအသီးအနှံထက် ပိုပြီးအရသာ ရှိကြောင်း နှင့် တောင်ပေါ်တွင် မိုးခေါ်ပွဲပြုလုပ်ပြီး ဆိုသည်နှင့်တပြိုင်တည်း မိုးပုံမှန်ရွာသွန်းလျက်ရှိကြောင်း သိရပါသည်။

တချို့ကျေးရွာများတွင်မူ ရေရရှိရေးအတွက် ရေစောင့်နတ်များကို ပူဇော်ကြသည်။ ရေထွက်ပေါက် များမှ စတင်ရရှိသည့်နေရာများတွင် ပူဇော်ပသခြင်း၊ မြစ်ရေ၊ ချောင်းရေများမှ ရရှိသည့်နေရာများတွင် ပူဇော်ပသ ခြင်းများကို ရိုးရာဓလေ့ထုံးတမ်းစဉ်လာအရ ပူဇော်ပသမှုများ ပြုလုပ်လျက်ရှိကြသည်။

Written by ဖြိုးဝေအောင်
 ကန္တာရဝတီတိုင်း(မ်)
http://www.ktimes.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ