ကချင်ပြည်နယ်က ရခိုင်လုပ်သား ၅၀၀ကျော် နေရပ်ပြန်ပို့

 ကချင်ပြည်နယ်မှာ အလုပ်လုပ်နေကြတဲ့ ရခိုင်ရွှေ့ပြောင်းလုပ်သားတွေ ဇွန်လ ၂၉ ရက်နေ့က မြစ်ကြီးနားမြို့ကနေ ရခိုင်ပြည်နယ်ကို ပြန်ကြစဉ် Photo: Kyaw Myo Min/RFA
ကချင်ပြည်နယ် ဝိုင်းမော်မြို့နယ်နဲ့ တနိုင်း-ဟူးကောင်းဒေသက စိုက်ခင်းတွေမှာ အလုပ်လုပ်ကိုင်နေတဲ့ ရခိုင်ပြည်နယ်က ရွှေ့ပြောင်းလုပ်သား ၅၀၀ ကျော်ကို မြစ်ကြီးနားမြို့ကနေ ရခိုင်ပြည်နယ် စစ်တွေမြို့ထံ ဒီနေ့ ပို့ဆောင်လိုက်ပါတယ်။

ရခိုင်လုပ်သားတွေဟာ အလုပ်အကိုင် အဆင်မပြေတာကြောင့် မိသားစုစားဝတ်နေရေး အခက်အခဲတွေ ရင်ဆိုင်နေရတဲ့အတွက် နေရပ်ကိုပြန်ပို့တာဖြစ်တယ်လို့ မြစ်ကြီးနားမြို့အခြေစိုက် ရခိုင်ရိုးရာစာပေနဲ့ ယဉ်ကျေးမှုအဖွဲ့ ဒုတိယဥက္ကဋ္ဌ ဦးဖြူသာချေ က ပြောပါတယ်။

"ရွေ့ပြောင်းသွားလာနေတော့ ကျောင်းနေဖို့လည်းခက်ခဲတယ်၊ ပြီးရင်တောထဲတောင်ထဲဆိုတော့ ကျန်းမာရေး စသည်အားဖြင့် ပြီးရင်အလုပ်ဆိုရင်လည်း တစ်ပတ်မှာ သုံးရက်တောင်ပြည့်အောင်မရှိဘူး၊ ကိုင်းခုတ်တဲ့သူတို့ ငှက်ပျောခြံတွေမှာ လုပ်ကိုင်ကြတယ်၊ တချို့ရာဘာခြံတွေမှာ စသည်အားဖြင့် လုပ်ကိုင်နေကြတယ်၊ အခက်အခဲပေါင်းစုံ ကြုံတွေ့ရတယ်ခင်ဗျ၊ ပညာရေး ကျန်းမာရေး လူမှုရေးပေါ့ အားလုံးအစစအရာရာ ယိုယွင်းတာပေါ့ခင်ဗျာ"

အရင်က ရခိုင်ရွှေ့ပြောင်းလုပ်သား ၉၀၀ ကျော်ကို ပို့ဆောင်ဖို့ စီစဉ်ခဲ့ပေမယ့် ကျန်တဲ့ ၄၀၀ လောက်က အလုပ်ရှင်တွေနဲ့ ဈေးဆိုင်တွေကနေ ချေးယူထားတဲ့ ငွေကြေးတွေ ပြန်လည်မဆပ်နိုင်တာကြောင့် နေရပ်ကို မပြန်နိုင်သေးဘူးလို့ သိရပါတယ်။

အိမ်ထောင်စု ၁၅၀ နီးပါးက လူဦးရေ ၅၀၀ ကျော်ကို မြစ်ကြီးနားမြို့ကနေ စစ်ကိုင်းတိုင်းဒေသကြီး ရွာထောင်ဘူတာကို သီးသန့်မီးရထားနဲ့ စတင်ပို့ဆောင်တာဖြစ်ပြီး အဲ့ဒီကတဆင့် မော်တော်ကားတွေနဲ့ မကွေး-အမ်း တောင်ကြားလမ်းကနေ စစ်တွေမြို့ကို ဆက်လက်ပို့ဆောင်မှာဖြစ်ပါတယ်။

အခုလိုပို့ဆောင်တာဟာ ရခိုင်ရိုးရာစာပေနဲ့ ယဉ်ကျေးမှုအဖွဲ့၊ ကချင်၊ ရခိုင်၊ မန္တလေး၊ စစ်ကိုင်း၊ မကွေး စတဲ့ တိုင်းဒေသကြီးနဲ့ ပြည်နယ်အစိုးရအဖွဲ့တွေ၊ မီးရထားပို့ဆောင်ရေးဝန်ကြီးဌာနတို့က ပူးပေါင်းဆောင်ရွက်တာဖြစ်ပါတယ်။

ကချင်ပြည်နယ်မှာ ရခိုင်ပြည်နယ်ကနေ ရွှေ့ပြောင်းလာရောက်လုပ်ကိုင်သူ အရေအတွက်ဟာ တစ်သိန်းကျော် လောက်ရှိတယ်လို့ ခန့်မှန်းကြပါတယ်။

ကချင်ပြည်နယ်ထဲမှာရှိတဲ့ ရခိုင်တိုင်းရင်းသားအားလုံး ပြန်လာချင်တယ်ဆိုရင်လည်း အဆင်ပြေအောင် ကူညီဆောင်ရွက်ပေးသွားမယ်လို့ ရခိုင်ပြည်နယ် ဥပဒေချုပ် ဦးလှသိန်းက ပြောပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ