ရန်ကုန်တွင် တက်စီဒရိုင်ဘာနဲ့ အပေါင်းအပါက ရခိုင်အမျိုးသမီးထံမှ လက်ဝတ်ရတနာများကို လုယက်


ရန်ကုန်၊ ဧပြီ ၃၀

 ရခိုင်ပြည်နယ် ရမ်းဗြဲမြို့နယ်မှ ရန်ကုန်သို့ ပြန်လာသူ ရခိုင်အမျိုးသမီး တစ်ဦးထံမှ တက်စီဒရိုင်ဘာနှင့် အပေါင်းအပါတစ်ဦးတို့မှ သူမ ၀တ်လာသော လက်ဝတ်ရတနာများကို လုယူသွားသည်ဟု သိရသည်။

အလုခံရသည့် အမျိုးသမီးမှာ ရမ်းဗြဲမြို့နယ် အောင်လှပြင်ကျေးရွာမှ မချစ်စုထွေး (၃၂) နှစ် ဖြစ်ပြီး ဧပြီလ ၂၉ ရက်နေ့ နံနက် ၃ နာရီခွဲတွင် အောင်မင်္ဂလာ အဝေးပြေးကားဂိတ်မှ တက်စီ တစ်စီးဖြင့် ပြန်လာစဉ် လုယက်ခံခဲ့ရခြင်း ဖြစ်သည်။

သူမ အလုခံခဲ့ရပုံကို ကာယကံရှင် မချစ်စုထွေးက နိရဉ္စရာသို့ ယခုလို ပြောသည်။

“ ကျွန်မက ရမ်းဗြဲကနေ မြသစ္စာ အဝေးပြေးကားနဲ့ ပြန်လာပါတယ်။ အောင်မင်္ဂလာ အဝေးပြေးကားဂိတ်ကို သုံးနာရီကျော် ရောက်တော့ တက်စီ တစ်စီးနဲ့ ယုဇန ဥယာဉ်ကို ပြန်ပါတယ်။ ကားပေါ်မှာ လူတစ်ဦးကို ဒရိုင်ဘာက ခေါ်ယူလာပြီး တောင်ဒဂုံ ရှစ်ကွေ့ကို ရောက်တော့ ကျွန်မဆီက ပစ္စည်းတွေကို လုပါတယ်။ ပီးရင် ကျွန်မကို ချထားပြီး ကားထွက်သွားပါတယ်” ဟု ပြောဆိုသည်။

လုယက်ခံရသဖြင့် သူမ၀တ်ထားသော ဆွဲကြိုးတစ်ကုံး၊ လက်စွပ်တစ်ကွင်း၊ လက်ကိုင် တယ်လီဖုန်း တစ်လုံးတို့ ပါသွားသည်ဟု ဆိုသည်။ ဆုံးရှုံးမှု တန်ဖိုးမှာ ကျပ် ငါးသိန်းကျော်သည်ဟု သိရသည်။

“ ကျွန်မက ဒီလို လုယက်ခံရတာကို တောင်ဒဂုံမှာရော၊ အောင်မင်္ဂလာ အဝေးပြေးကားဂိတ် ရဲစခန်းမှာ တိုင်ချက်ဖွင့်ထားပါတယ်။ စစ်ချက်တွေယူပြီး စစ်ဆေး ဖော်ထုတ်ပေးမယ်လို့ ရဲက ပြောပါတယ်” ဟု မချစ်စုထွေးက ပြောသည်။

သို့သော်လည်း ယနေ့ထိ တရားခံကို ဖော်ထုတ်နိုင်ခြင်း မရှိသေးကြောင်း သိရသည်။

နိရဉ္စရာ
http://www.narinjara.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ