ရန်ကုန် - နေပြည်တော် အမြန်လမ်း ကိုယ်ပိုင်ယာဉ်များ အထူးသတိထား

 အခုတင်ပြမှာကတော့ မတ်လ ၃၀ ရက်နေ့ ရန်ကုန်မှ နေပြည်တော် ခရီးစဉ်မှာ ဖြစ်ပါတယ်။ ရန်ကုန်က ၁း၃၀ နာရီ အမြန်လမ်း တိုးဂိတ်ကို ရောက်တော့ ၂း၀၀ နာရီ(နေ့လည်) တိုးဂိတ်မှာ လမ်းခွန်ပေးဆောင်ပြီး Van-9F-**** အဖြူရောင်ကို သားငယ်ဖြစ်သူကမောင်း၊ ကားပေါ်မှာ မိသားစု ၅ ဦး၊ ကျား ၄ ဦး၊ မ ၁ ဦး စီးနင်း လာခဲ့ကြပါတယ်။

နေ့ခင်းဖက်ကို တမင်ရွေးချယ်ခဲ့တာ ဖြစ်ပါတယ်။ သတင်းသမားဖြစ်လို့ ဓာတ်ပုံလေး ရိုက်နိုင်အောင်ရယ်၊ ပတ်ဝန်းကျင်အခြေအနေ လေ့လာနိုင်အောင်ရယ် ဖြစ်ပါတယ်။ ပြီးတော့ ညဖက်အမြန်လမ်းကို ကိုယ်ပိုင်ယာဉ်နဲ့ မဖြတ်ရဲတာလည်းပါတယ်။ လမ်းခရီးတလျှောက် ကီလို ၈၀ ထက် ပိုပြီးမမောင်းခဲ့ပါဘူး။ အမြန်လမ်းကြော တလျှောက် ကားလဲရှင်း၊ လူလဲရှင်း၊ လုံခြုံရေးတာဝန်ယူထားတဲ့ အမြန်လမ်းရဲတပ်ဖွဲ့ဝင်တွေကို ရန်ကုန်မှ နေပြည်တော်ရောက်တဲ့အထိ မတွေ့ခဲ့ရပါဘူး။

မိုင်တိုင် ၈၀ ကျော်မှာ ထူးခြားမှုတခုကို သတိထားမိပါတယ်။ ဘာတွေလဲဆိုတော့ ဆိုင်ကယ်တွေ လမ်း ပြောင်းပြန်မောင်းတာ ၃ ကြိမ်ကြုံရသလို မိုင်တိုင် ၁၀၀ နားမှာ စာရေးသူတို့ကားရှေ့မှာ ဆိုင်ကယ် ၂ စီး လူက ၄ ယောက်၊ နောက်က လူတယောက်ရဲ့လက်ထဲမှာ တောခုတ်ဓားလိုလို ကိုင်ထားတာတွေ့ရပါတယ်။ အဲဒီ ဆိုင်ကယ်ရဲ့မလှမ်းမကမ်းမှာ ဆိုင်ကယ်တစီးက လမ်းလယ်ခုံဘေးကပ်ပြီး မောင်းလာပါတယ်။ ကားထဲကို သေချာစွာကြည့်သွားပါတယ်။ ဘ၀အတွေ့အကြုံအရတခုခုပဲလို့စိတ်ထဲထင်ပြီး ကားကို အရှိန်လျှော့မောင်း ခိုင်းပြီး ဆိုင်ကယ်သမားတွေမြင်အောင် စာရေးသူက ဖုန်းထုတ်လိုက်ပါတယ်။ အဲဒီအချိန်မှာ ဆိုင်ကယ် ၃ စီးလုံး ညာဘက်လမ်းဘေး ဆင်းသွားကြပါတယ်။

လမ်းပေါ်မှာတော့ စာရေးသူတို့ ကားတစီးနဲ့ ခပ်လှမ်းလှမ်းက ကိုယ်ပိုင်ယာဉ်တစီး လှမ်းတွေ့ရပါတယ်။ ဒီလိုနဲ့ ၁၁၅ မိုင် ယာဉ်ရပ်နားစခန်းကို ရောက်ပြီး ပိုင်အိုနီးယားမှာ လက်ဖက်ရည်ဝင်သောက်ကြပါတယ်။ ၁၁၅ မိုင် ကိုရောက်ချိန်ကတော့ ညနေ ၁၆း၂၅ နာရီ ဖြစ်ပါတယ်။ ၄၅ မိနစ်လောက်နားပြီး ပိုင်အိုနီးယားဆိုင်က ရေမလာတဲ့အိမ်သာမှာ ၀ိတ်လျှော့၊ ကားကို လှည့်ပတ်စစ်ဆေးတော့ ညာဘက်နောက်ဘီးတလုံးနောက်မှာ သံပါတဲ့ ၂ လက်မလောက် သစ်သားတခုတွေ့ရပါတယ်။

သတိထားမိတဲ့ အကျိုးကျေးဇူးကြောင့် လမ်းတလျှောက်မှာ ဘာမှမဖြစ်ခဲ့ပေမယ့်၊ ၁၁၅ မိုင်ကထွက်ပြီး မိုင်တိုင် ၁၂၀ အရောက်မှာ ဆိုင်ကယ်သုံးစီး လူ ၆ ယောက် လမ်းဘေးအပင်အောက်မှာ တွေ့လိုက်ရပါတယ်။ ကားကို အရှိန်လျှော့ပြီး ဖြည်းဖြည်းပဲ မောင်းလာခဲ့ပါတယ်။ နောက် ၃ နာရီကျော်မှာ နေပြည်တော်မှာရှိတဲ့ မိမိနေအိမ်ကို ဘေးမသီရန်မခ ရောက်ခဲ့ပါတယ်။

အဲဒီအချိန်မှာ စာရေးသူရဲ့မိတ်ဆွေဌာနတခုက အရာရှိတယောက်က ဖုန်းဆက်ပါတယ်။ လမ်းမှာ ဘာထူးခြားမှု တွေ့ခဲ့ရသလဲမေးတော့ ထူးခြားမှုကိုပြောပြလိုက်ပါတယ်။ စာရေးသူရဲ့မိတ်ဆွေက အလားတူအဖြစ်မျိုး လွန်ခဲ့ သောတပတ်လောက်က ဖြစ်ခဲ့ဖူးကြောင်း၊ လူနှစ်ယောက်တည်းပါတဲ့အတွက် ၁၁၅ မိုင်က အထွက်၊ မိုင်တိုင် ၁၂၀ ကျော်မှာ ကားဘီးလေလျော့ပြီး လမ်းဘေးရပ်လိုက်ချိန်မှာဆိုင်ကယ် ၃ စီး၊ လူ ၆ ယောက် ရောက်လာပြီး လုယက်သွားကြောင်း၊ အ၀တ်အစားတွေပါ ချွတ်ယူသွားတဲ့အကြောင်းပါ။ ကိုယ်ပိုင်ယာဉ်တွေ ၁၁၅ မိုင်ယာဉ် ရပ်နား စခန်းရောက်ပြီး ပြန်မထွက်ခင် မိမိရဲ့ကားကိုစစ်ဆေးပါ။ မသင်္ကာစရာတွေ့ရင် လုံခြုံရေးတပ်ဖွဲ့ကို အကြောင်းကြားအကူ အညီတောင်းပါ။ နောက်တခုက လမ်းခရီးမှာ လုံခြုံရေးအတွက် ပတ္တရောင်လှည့်ပေး စေချင်ပါတယ်။ အဲဒီအမြန်လမ်းပေါ်မှာ လုယက်မှုကျူးလွန်သူတွေ၊ ကားတွေကို အန္တရာယ်ပေးမယ့်သူတွေ ရှိနေပါတယ်။

အမြန်လမ်းမှာ တနှစ်ကို ယာဉ်အစီးရေ သိန်း ၉၀ ဖြတ်သန်းတယ်လို့ တာဝန်ရှိသူတဦးက ပြောတာကြားဖူးပါ တယ်။ ယာဉ်ဖြတ်သန်းခက အနိမ့်ဆုံး ၂၅၀၀ိ မှ အမြင့်ဆုံး ၁၀၀၀၀ိ ထိပေးဆောင်ရကြောင်း တိုးဂိတ်မှာ ရေးထားတာ တွေ့ရပါတယ်။ ဒါကြောင့် အမြန်လမ်းမှာ တနှစ်ရတဲ့ဖြတ်သန်းခတွေ သိန်းပေါင်းမြောက်မြားစွာ ရှိနေမှာပါ။

လမ်းပြုပြင်ဖို့ ဘဏ္ဍာငွေတိုးတောင်းသံတွေလည်း ကြားရပါတယ်။ ပွင့်လင်းမြင်သာတဲ့ခေတ်မှာ အမြန်လမ်းက တနှစ်ကို ၀င်ငွေဘယ်လောက်ရတယ်။ ဘာတွေ အသုံးပြုတယ်ဆိုတာ ပြည်သူကိုချပြသင့်ပါတယ်။ လမ်းဘေး မှာ လမ်းလုံခြုံရေးအတွက် ခြံစည်းရိုးတွေ ကာသင့်ပါတယ်။ ဆိုလာ မီးတိုင်တွေ စိုက်ထူသင့်ပါတယ်။ လုံခြုံရေးဆောင်ရွက်တဲ့ အမြန်လမ်းရဲတွေအတွက် လိုအပ်တဲ့မော်တော်ယာဉ်၊ ဆိုင်ကယ် စီစဉ်ပေးသင့်ပါတယ်။

နေပြည်တော်ကအလာ ၁၁၅ မိုင်ဝင် ပြန်ထွက် ကားဘီးတွေပေါက်ပါတယ်။ ရန်ကုန်ကအလာ ၁၁၅ မိုင်ဝင် ပြန်ထွက်ကားဘီးတွေ ပေါက်ပါတယ်။

သတိရှိရင်တော့ ဘာမှမဖြစ်နိုင်ပါ။ ၁၁၅ မိုင် ယာဉ်ရပ်နားစခန်းမှာ လုံခြုံ ရေးလုံလောက်စွာ ချထားသင့် သလို ကိုယ်ပိုင်ယာဉ်တွေ၊ ခရီးသည်ပို့ဆောင်ရေးယာဉ်တွေ ယာဉ်မထွက်ခွာခင် မိမိရဲ့ယာဉ်ကို အထူးသတိထား စစ်ဆေးကြပါရန် ရေးသားသတိပေးလိုက်ရပါတယ်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal