ထားဝယ်တွင် အိမ်ခြေ ၆၀ ကျော် မီးလောင်




 တနင်္သာရီတိုင်း ထားဝယ်မြို့ အိုးလုပ်ရပ်ကွက်မှာ ဧပြီ ၃၀ ရက်မွန်းလွဲပိုင်းက မီးလောင်ကျွမ်းပြီး ရပ်ကွက်ရှိ မူလတန်းကျောင်းတကျောင်းအပါအ၀င် အိမ်ခြေ ၆၀ ကျော် မီးလောင်သွားတယ်လို့ ရပ်ကွက်နေပြည်သူတဦးဖြစ်တဲ့ ကိုရဲထွဋ်က ပြောပါတယ်။

အိုးလုပ်ရပ်ကွက် နေအိမ်တလုံးမှာ ၀ါယာရှော့ဖြစ်ပြီး မီးစတင်လောင်ကျွမ်းခဲ့တာ ညနေ ၄ နာရီခွဲလောက်မှာ မီးညွန့်ကျိုးသွားတယ်လို့ သူက ပြောပါတယ်။

“ရပ်ကွက်ထဲက အိမ်တလုံးမှာ မီးရှော့ဖြစ်ပြီး စလောင်တာ၊ အခုတော့ မီးကြွင်းမီးကျန်တွေ ငြိမ်းနေကြပါတယ်။ မီးသတ်ကခန့်မှန်းတာတော့ အနည်းဆုံးအိမ် ၆၀ လောက်ရှိမယ်လို့ ပြောတယ်။ အိုးလုပ်ရပ်ကွက် အလယ်လမ်းတလျှောက်လောင်တာ၊ အလယ်လမ်းရော လမ်းသွယ်တွေရောလောင်တာ တချို့အိမ်တွေလဲ ကျန်ခဲ့တယ်။ မီးက အရှေ့လေတိုက်နေတော့ ခုန်ကူးသွားတာ။ ဘေးနားက ပိန္နဲတောရပ်ကွက်က အိမ် ၂ လုံးလောက်လည်း ပါသွားတယ်။”

ထားဝယ်မီးသတ်ကို ညနေ လေးနာရီခွဲလောက် ဖုန်းနဲ့ဆက်သွယ်မေးကြည့်တော့ တာဝန်ကျ မီးသတ်ဝန်ထမ်းက ထားဝယ်က မီးသတ်ကား ၇ စီး၊ အနီးနားမြို့တွေဖြစ်တဲ့ ရေဖြူ၊လောင်းလုံနဲ့ သရက်ချောင်းတို့က မီးသတ်ကား ၇ စီး စုစုပေါင်း မီးသတ်ကား ၁၄စီးနဲ့ မီးငြိမ်းသတ်နေတယ်လို့ပြောပါတယ်။

ဘယ်ကစလောင်ပြီး အိမ်ခြေဘယ်လောက်ပျက်စီးဆုံးရှုံးတယ်ဆိုတာတော့ မပြောနိုင်သေးဘူးလို့လည်း ဆိုပါတယ်။

အင်တာနက်အွန်လိုင်းပေါ်တက်လာတဲ့ မီးလောင်ကျွမ်းနေတဲ့ဓာတ်ပုံတွေထဲမှာတော့ မြို့က ရေဖြန့်ဖြူးတဲ့ ပုဂ္ဂလိကဒေသတွင်းလုပ် ရေကားတွေလည်း မီးငြိမ်းသတ်တဲ့နေရာမှာ ၀ိုင်းဝန်း ငြိမ်းသတ်နေကြတာ တွေ့မြင်ရပါတယ်။

 By ရွှေအောင် (ဒီဗွီဘီ)
ဓာတ်ပုံ – ဖိုးဇော် (ထားဝယ်)၊ ထားဝယ်မြို့တော်
http://burmese.dvb.no

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ