ပြင်ဦးလွင် လမ်းပိုင်းတွင် အသတ်ခံရသူ များကို မန္တလေးတွင် ရင်ခွဲ စစ်ဆေး

 ရှမ်းပြည်နယ် မြောက်ပိုင်း၊ ကျောက်မဲ ခရိုင်၊ ကျောက်မဲမြို့နယ်၊ မိုင်းလုံနယ်မြေ၊ ပဇီ ကျေးရွာနှင့် ရှစ်မိုင်အကွာ မိုးကုတ်-ပြင်ဦးလွင် ကားလမ်း မိုင်တိုင် (၄၃/၄၄) ကြား တောထဲ တွင် သေဆုံး လျက်တွေ့ရသော ဘုန်းကြီး အလောင်း အပါအ၀င် အလောင်း လေးလောင်းအား ဧပြီလ (၂၉)ရက်နေ့ တွင် မန္တလေးဆေးရုံ ၌ ရင်ခွဲ၍ စတင် စစ်ဆေးခဲ့ကြောင်း သတင်း ရရှိသည်။

 ယင်းရုပ်အလောင်း များအား ဧပြီလ (၂၈)ရက် မနက် (၄)နာရီ (၄၅)မိနစ်တွင် မြတ်စေတနာ နာရေး ကူညီမှု ယာဉ်ဖြင့် မိုးကုတ်မြို့မှ သယ်ဆောင် ခဲ့ပြီး (၁၁) နာရီ (၄၅) မိနစ်တွင် မန္တလေး ဆေးရုံကြီးသို့ ရောက်ရှိ ခ၍ မန္တလေး ပြည်သူ့ ဆေးရုံကြီး မှုခင်း ဆရာဝန်က ဧပြီလ (၂၉)ရက်တွင် စတင်စစ် ဆေးခဲ့ခြင်း ဖြစ်ကြောင်း မန္တလေး တိုင်းရဲတပ် ဖွဲ့မှူးရုံး ထံမှ သိရသည်။  အလောင်းများ၏ သေဆုံးရသည့် အကြောင်းအရင်း၊ ဆေးစစ်ချက်များ နှင့် ပတ်သက်၍ မန္တလေး ပြည်သူ့ဆေးရုံကြီးမှ မှုခင်း ဆရာဝန်ကြီးအား စုံစမ်းမေးမြန်းခဲ့ သော်လည်း လက်ရှိ အချိန်တွင် မပြောနိုင်သေးကြောင်း ပြန်လည် ဖြေကြား ခဲ့သည်။

 မန္တလေး တိုင်းဒေသကြီး ရဲတပ်ဖွဲ့မှူးရုံး ၏ မှတ်တမ်းများအရ မတ်လ(၂၄)ရက် နံနက် ပိုင်းတွင် မိုးကုတ်မြို့ မင်းတံတားရပ်ရှိ ဗုဒ္ဓ ဘာသာ ဘုန်းတော်ကြီး ဦးသာဂရသည် ဆရာ တော် ဓာတ်ပုံတစ်ပုံ၊ အသက် (၅၀) အရွယ် အမျိုးသား တစ်ဦး၊ အမျိုးသမီး တစ်ဦးနှင့် အသက် (၃၀) အရွယ် အမျိုးသမီးတို့ ဓာတ်ပုံ များကို ပြသ၍ စုံစမ်းပေးရန် အကြောင်းကြား သဖြင့် မိုးကုတ်မြို့မ ရဲစခန်းမှ စုံစမ်းစစ်ဆေးခဲ့သည်။

 ယင်းစုံစမ်း စစ်ဆေးချက်များ အရ ဓာတ်ပုံပါ ဆရာတော်သည် မိုးကုတ်မြို့၊ ရှောလီဝိုင်း ကျေးရွာအုပ်စု၊ အောင်သာယာရပ်မှ အရှင်စရဏ လင်္ကာရ (၃၂)နှစ် (၁၃)၀ါဖြစ်ပြီး မတ်လ (၁၀) ရက်နေ့တွင် ရန်ကုန်မြို့၊ ဒဂုံ တောင်နီကယ်ကျောင်းမှ စစ်ကိုင်း သီတဂူ ဆရာတော်ကြီး၏ မွေးနေ့ပွဲသို့ သွားရောက်ခဲ့ ကြောင်း၊ ထိုမှတစ်ဆင့် မတ်လ(၁၄)ရက်တွင် တောင်ဥက္ကလာမြို့နယ်၊ သံသုမာလမ်း၊ အမှတ် (၅၆၅)နေ ဦးအောင်ကြည်၊ ဇနီးဒေါ်စန်းစန်း အေး၊ သမီး မဇာဇာ(ခ) မဇာဇာအောင်တို့ နှင့်အတူ စစ်ကိုင်းသီတဂူကျောင်းမှ အဖြူ ရောင်မော်တော်ယာဉ် (စိစစ်ဆဲ)ဖြင့် မိုးကုတ် မြို့သို့ ပြန်လည် ရောက်ရှိ ခဲ့ကြောင်း၊ မိုးကုတ် မြို့သို့ ရောက်ရှိစဉ် ကျပ်ပြင်ရှိ ဒေါ်နန်းကြည်တောင်၊ ကျောက်ပြာသာဒ်နှင့် ပင့်ကူတောင် ဘုရားများသို့ ဒါယကာများနှင့် အတူ ဘုရားဖူး ခဲ့ပြီး မတ်လ (၁၆)ရက် (၇း၃၀)တွင် မိုးကုတ် မြို့မှ ပြင်ဦးလွင်သွား ကားလမ်းအတိုင်း ပြန်ခဲ့ရာမှ ပျောက်ဆုံးခဲ့ခြင်း ဖြစ်ကြောင်း မူခင်း မှတ်တမ်းများ အရ သိရသည်။ အခင်းဖြစ်ပွားရာ နေရာကို စတင်တွေ့ ရှိခဲ့သူမှာ တံမြက်စည်းရိုး ခုတ်သူ အမည်မသိ ပလောင် လူမျိုးတစ်ဦး ဖြစ်ပြီး ဧပြီလ (၂၃) ရက် ည (၁၀)နာရီခန့်တွင် စတင်တွေ့ရှိခဲ့ သည်။ ယင်းအမှုနဲ့ ပတ်သက်၍ မိုင်းလုံ ရဲစခန်းတွင် ပြစ်မှုဆိုင်ရာ ဥပဒေ ပုဒ်မ (၃၀၂)ဖြင့် အမှုဖွင့် ထားသည်။

A.M.S.Z
The Messenger Media
http://www.messengerdaily.com/