ဗဟိုအာဖရိကမွာ ကေလးေတြကို ျပင္သစ္ ၿငိမ္းခ်မ္းေရးတပ္ဖြဲ႕ေတြ မတရား က်င့္တယ္လို႔စြပ္စြဲ



Share/Bookmark

 ဗဟို အာဖရိက သမၼတႏိုင္ငံမွာ တာဝန္ထမ္းေဆာင္ေနစဥ္ ျပင္သစ္ ၿငိမ္းခ်မ္းေရး တပ္ဖြဲ႕ဝင္ေတြက ကေလးငယ္ေတြကို လိင္ပိုင္းဆိုင္ရာ မေတာ္မတရား ျပဳက်င့္ခဲ့တယ္ ဆိုတဲ့ စြပ္စြဲခ်က္ေတြနဲ႔ ပတ္သက္လို႔ ျပင္သစ္ အစိုးရ ေရွ႕ေနေတြက စုံစမ္း စစ္ေဆးေနပါတယ္။

ျပစ္မႈ ထင္ရွားတဲ့ ဘယ္စစ္သားကိုမဆို အျပင္းထန္ဆုံး ျပစ္ဒဏ္နဲ႔ အေရးယူ အျပစ္ေပးဖို႔ ေတာင္းဆိုမယ္လို႔ ျပင္သစ္ ကာကြယ္ေရး ဝန္ႀကီးဌာနက ေျပာပါတယ္။

ၿပီးခဲ့တဲ့ ဇူလိုင္လက ကုလသမဂၢ ကယ္ဆယ္ေရး အဆင့္ျမင့္ ဝန္ထမ္းတဦးက ျပင္သစ္ အစိုးရထံ တင္ျပခဲ့တဲ့ သက္ေသ အေထာက္အထားေတြကို အေျခခံၿပီး စုံစမ္း စစ္ေဆးမႈေတြ စလုပ္ေနပါတယ္။

ဒီကိစၥနဲ႔ ပတ္သက္လို႔ ကုလသမဂၢ အဖြဲ႕က အေရးယူတာမ်ိဳးေတြ မရွိဘူးလို႔ ယူဆတဲ့အတြက္ အခုလို ျပင္သစ္ အစိုးရထံ တင္ျပခဲ့ရတာလို႔ အဲဒီ ဝန္ထမ္းက ေျပာပါတယ္။

ကုလသမဂၢကေတာ့ အဲဒီ ဝန္ထမ္းဟာ ေစာ္ကားခံခဲ့ရတဲ့ ကေလးငယ္ေတြ၊ မ်က္ျမင္သက္ေသေတြ၊ စုံစမ္း စစ္ေဆးသူေတြဟာ ဘယ္သူ ဘယ္ဝါ ျဖစ္တယ္ ဆိုတာကို ေဖၚျပထားတဲ့ မတည္းျဖတ္ရေသးတဲ့ ကုလသမဂၢ အစီရင္ခံစာကို ျပင္သစ္ အစိုးရကို ေပးခဲ့တဲ့အတြက္ သူ႕ကို စုံစမ္း စစ္ေဆးေနေၾကာင္းနဲ႔ ဒီအေတာအတြင္း ရာထူးကေန ဆိုင္းငံ့ထားေၾကာင္း ေျပာပါတယ္။

အဲဒီ အစီရင္ခံစာမွာ ပါတဲ့ လူေတြရဲ႕ လုံၿခဳံေရးကို ထိခိုက္ေစမယ့္ သတင္းအခ်က္အလက္ေတြကို ေလၽွာ႔ခ်ဖို႔က ကုလသမဂၢရဲ႕ ပုံမွန္ လုပ္ထုံးလုပ္နည္းပဲ ျဖစ္တယ္လို႔ ကုလသမဂၢ အတြင္းေရးမႉးခ်ဳပ္ ဘန္ကီမြန္းရဲ႕ ေျပာခြင့္ရ ပုဂၢိဳလ္ Farhan Haq က ဘီဘီစီ ကို ေျပာပါတယ္။

BBC Burmese
https://www.facebook.com/bbcburmese



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ