အိုဘားမား ပတ်စ်ပို့ ပေါက်ကြားတဲ့ ကိစ္စကို စုံစမ်းမှုလုပ်နေ

နိုဝင်ဘာတုန်းက ကျင်းပတဲ့ G20 အစည်းအဝေးကို တက်ရောက်ခဲ့တဲ့ ကန်သမ္မတ အိုဘားမားနဲ့ သြစီ ဝန်ကြီးချုပ် တိုနီအာဘော့တ်နဲ့ တွေ့ရစဉ် (Credit: ABC licensed) 

အမေရိကန် ​သမ္မ ​ဘာရက် ​အိုဘားမားရဲ့ ​နိုင်ငံကူး ​လက်မှတ် ​အသေးစိတ် ​အချက်အလက်တွေကို ​ပေါက်ကြားအောင် ​လုပ်တဲ့ ​ကိစ္စနဲ့ ​ပတ်သက်ပြီး ​စုံစမ်းမှုတွေ ​လုပ်နေပြီလို့ ​အမေရိကန် ​အိမ်ဖြူတော်က ​ပြောပါတယ်။

အရင်နှစ်ကုန်ပိုင်းတုန်းက ​သြစတြေးလျနိုင်ငံမှာ ​ကျင်းပတဲ့ ​စက်မှုထိပ်သီးနိုင်ငံများ ​၂၀ ​G-20 ​အစည်းအဝေးကို ​တက်ရောက်နိုင်ဖို့ ​ပို့ပေးထားတဲ့ ​အမေရိကန် ​သမ္မတရဲ့ ​နိုင်ငံကူး ​လက်မှတ် ​အသေးစိတ်ကို ​သြစတြေးလျ ​လူဝင်မှုကြီးကြပ်ရေးဌာနက ​ပေါက်ကြားခဲ့တာလို့ ​ဆိုပါတယ်။

အမေရိကန် ​သမ္မတ ​ဘာရက်အိုဘားမားရဲ့ ​နိုင်ငံကူးလက်မှတ်သာမက ​ရုရှားသမ္မတ ​ဘလာဒီမီယာ ​ပူတင်၊ ​ဂျာမနီ ​ဝန်ကြီးချုပ် ​Angela ​Merkel ​လို ​ကမ္ဘာ့ခေါင်းဆောင်တွေရဲ့ ​ပတ်စ်ပို့ ​အချက်အလက်တွေ ​ပေါက်ကြားသွားတာပါ။

ပတ်စ်ပို့နံပတ်တွေ၊ ​မွေးသက္ကရာဇ်တွေ၊ ​ဗီဇာအချက်အလက်တွေကို ​သြစတြေးလျ ​လူဝင်မှု ​ကြီးကြပ်ရေးဌာနက ​အာရှဖလား ​ဘောလုံးအဖွဲ့ချုပ်ရဲ့ ​ပွဲဖြစ်မြောက်ရေး ​ကော်မတီကို ​ပို့ပေးခဲ့တာပါ။

လူဝင်မှုကြီးကြပ်ရေးဌာနက ​အမှုထမ်းက ​မှားယွင်းစွာ ​ပို့ခဲ့မိတာဖြစ်ပြီး ​အဲဒီ ​အချက်အလက်တွေ ​မှားပို့မိပြီဆိုတာကို ​လက်ခံတဲ့လူက ​သိရှိတဲ့အတွက် ​တခြားလူတွေရဲ့ ​လက်ထဲ ​ထပ်မံ ​ဖြန့်ချီတာမျိုးတွေ ​မလုပ်ပဲ ​လက်ခံသူက ​ဖျက်လိုက်ပြီလို့ ​လူဝင်မှုကြီးကြပ်ရေးက ​ဖြေရှင်းထား ​ပါတယ်။

နေရပ်လိပ်စာတွေ၊ ​ဘဏ်စာရင်း ​အချက်အလက်တွေ ​မပါတဲ့အတွက် ​နိုင်ငံခေါင်းဆောင်တွေအတွက် ​အသက်အန္တရာယ် ​မဖြစ်လောက်ဘူးလို့ ​သြစတြေးလျက ​ယူဆခဲ့ပါတယ်။

နောက်နောင်ကျရင် ​အဲဒီလို ​အမှားမျိုး ​ထပ်မဖြစ်ရအောင် ​အရေးကြီးတဲ့ ​ပုဂ္ဂိုလ်တွေရဲ့ ​အကြောင်းပါဝင်တဲ့ ​အီးမေးလ်တွေကို ​ပို့မယ့် ​ကိစ္စမှာ ​အပြောင်းအလဲ ​လုပ်လိုက်ပြီလို့ ​သြစတြေးလျ ​နိုင်ငံက ​အဲဒီအချိန်တုန်းက ​တုန့်ပြန်ထားပါတယ်။

ABC Radio Australia
http://www.radioaustralia.net.au/burmese