ထိုင်းနိုင်ငံတကာ လေကြောင်းပျံသန်းမှု အန္တရာယ်ရှိကြောင်း ကုလသုံးသပ်

ထိုင်းနိုင်ငံ၊ ဘန်ကောက်မြို့ သုဝဏ္ဏဘုမိ လေယာဉ်ကွင်းက ခရီးသည်တင်လေယာဉ်များ။
ကုလသမဂ္ဂရဲ့နိုင်ငံတကာ အရပ်ဘက်လေကြောင်း ပျံသန်းမှု အဖွဲ့အစည်းကြီး ICAO က ထိုင်းနိုင်ငံပိုင် လေကြောင်းတွေဟာ နိုင်ငံတကာ လေကြောင်းပျံသန်းမှု ခရီးစဉ်တွေပိတ်ဆို့မှုကို ရင်ဆိုင်နိုင်ဖွယ်ရှိတဲ့ သိသာတဲ့ ဘေးအန္တရာယ် စိုးရိမ်မကင်းဖြစ်မှုတွေ ရှိတယ်လို့ တနင်္လာနေ့က ကြေညာခဲ့တဲ့အတွက် ဒီကိစ္စကို အလျင်အမြန်ဖြေရှင်းဖို့ ထိုင်းအစိုးရကကြိုးပမ်း ဆောင်ရွက်နေပါတယ်။

ICAO ရဲ့အခုလို အနုတ်လက္ခဏာဆောင်တဲ့ သုံးသပ်မှုကြောင့် ဂျပန်နဲ့တောင်ကိုရီးယားတို့က ထိုင်းနိုင်ငံက နောက်ထပ် လေယာဉ် ပျံသန်းမှုတွေကို ပိတ်ဆို့ဖို့ အရေးယူ ဆောင်ရွက်ခဲ့ပါတယ်။

ICAO ကထိုင်းနိုင်ငံရဲ့လေယာဉ်ပျံသန်းမှုကို အဆင့် (၁) ကနေ (၂) ကိုလျှော့ချမယ်ဆိုရင် အမေရိကန်ပြည်ထောင်စုအပါအ၀င် အခြား နိုင်ငံတွေကလည်း အလားတူအရေး ယူဆောင်ရွက်ဖို့ အလားအလာရှိနေပါတယ်။

ဂျပန်နဲ့တောင်ကိုရီးယားတို့ လေကြောင်း ဘေးအန္တရာယ် ကင်းရှင်းရေးနဲ့ ပတ်သက်ပြီးတော့ ကိုယ်ပိုင်အကဲဖြတ်မှုတွေ မပြုလုပ်ဘဲ ICAO ရဲ့ တွေ့ရှိချက်တွေပေါ် မူတည်ပြီး အရေးယူ ဆောင်ရွက်တာဖြစ်ပါတယ်။

ထိုင်းသယ်ယူပို့ဆောင်ရေးဝန်ကြီးဌာနလက်အောက်ရှိ ထိုင်းခရီးသည်လေယာဉ်ပျံသန်းမှုဌာနကို အထူးသဖြင့် စုံစမ်းစစ်ဆေးနေတာ ဖြစ်ပါတယ်။ အခုလို ICAO ရဲ့အကဲဖြတ်စစ်ဆေး တွေ့ရှိချက်နဲ့ ပတ်သက်ပြီး လက်ရှိလေယာဉ်ပျံသန်း မှုတွေကိုတော့ ထိခိုက်မှာ မဟုတ်ပါဘူး။ ဒါပေမယ့် ဧပြီလလယ်ရှိ ထိုင်းသင်္ကြန်ကျချိန်မှာ လေယာဉ်ပျံသန်းမှုတွေကို ရပ်ဆိုင်းမှာ ဖြစ်တယ်လို့ ဆိုပါတယ်။ ဒါကြောင့် ခရီးသွားအေဂျင်စီ ကြိုတင်ရောင်းချထားတဲ့ လေယာဉ်လက်မှတ်တွေကို ထိခိုက်မှာဖြစ်ပါတယ်။

ဗွီအိုအေ (မြန်မာဌာန)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ