ျမန္မာၾကက္ေျခနီ ေစတနာ့၀န္ထမ္း ေသဆံုးမႈ ကုလအထူး၀မ္းနည္း



Share/Bookmark

ကိုးကန္႔ေဒသ တိုက္ပြဲေတြအတြင္း ၾကက္ေျခနီယာဥ္တန္း အပစ္ခံရမႈမွာ ဒဏ္ရာရခဲ့ၿပီး ေဆးကုသမႈ ခံယူေနစဥ္ ၾကက္ေျခနီဝန္ထမ္းတဦး ဆံုးပါးခဲ့တာနဲ႔ ပတ္သက္လုိ႔ အထူး ၀မ္းနည္း ေၾကကြဲရေၾကာင္း ျမန္မာႏုိင္ငံဆုိင္ရာ ကုလသမဂၢ လူသားခ်င္းစာနာမႈဆုိင္ရာ အကူအညီေပးေရး အဖြဲ႔ဲရဲ႕ ပူးေပါင္းေဆာင္ရြက္ေရးမွဴး Renata Dessalien က ေျပာေၾကာင္း ကုလသမဂၢဌာနခ်ဳပ္မွာ ျပဳလုပ္တဲ့ ေန႔စဥ္ သတင္းစာ ရွင္းလင္းပြဲ အတြင္း အတြင္းေရးမွဴးခ်ဳပ္ ဘန္ကီမြန္းရဲ႕ ေျပာခြင့္ရပုဂၢဳိလ္ Farhan Haq က တနလၤာေန႔မွာ ေျပာပါတယ္။

“ကုိးကန္႔ေဒသမွာ တာ၀န္ထမ္းေဆာင္ေနစဥ္အတြင္း ေသနတ္ဒဏ္ရာ ရရွိခဲ့တဲ့ ဦးမုိးေက်ာ္သန္း ေသာၾကာေန႔က ကြယ္လြန္သြားတဲ့အတြက္ အထူး ၀မ္းနည္းေၾကကြဲရပါေၾကာင္း ျမန္မာႏုိင္ငံဆုိင္ရာ လူသားခ်င္း စာမႈအကူအညီေပးေရး ပူးေပါင္းေဆာင္ရြက္ေရးမွဴး Renata Dessallien က ေျပာပါတယ္။ စစ္မက္ ျဖစ္ပြားေနတဲ့ေနရာေတြမွာ တာ၀န္ထမ္းေဆာင္ေနၾကတဲ့ အရပ္သားေတြနဲ႔ လူသားခ်င္း စာနာမႈဆုိင္ရာ အကူအညီ ေပးတဲ့သူေတြ ထိခုိက္မႈ မရွိေအာင္ ပါ၀င္ပတ္သက္ေနသူအားလုံးက သတိထား ေဆာင္ရြက္ၾကေစလုိေၾကာင္း၊ တျခားသူေတြကုိ အကူအညီေပးတဲ့အတြက္ အဲဒီ အကူအညီေပးတဲ့သူေတြရဲ႕ အသက္အႏၱရာယ္ မျဖစ္သင့္ေၾကာင္း Renata Dessallien က ေျပာတယ္လုိ႔ အတြင္းေရးမွဴးခ်ဳပ္ရဲ႕ ေျပာခြင့္ရပုဂၢဳိလ္ Farhan Haq က ေျပာသြားတာပါ။”

ျမန္မာႏုိင္ငံ ၾကက္ေျခနီအဖြဲ႔က ၀န္ထမ္း ဦးမုိးေက်ာ္သန္းဟာ ကုိးကန္႔ေဒသမွာ ျပင္းထန္စြာ ရခဲ့တဲ့ ဒဏ္ရာေတြကုိ ေဆး႐ံု သံုးခုေျပာင္းၿပီး တလခြဲနီးပါး ကုသခဲ့ၿပီးေနာက္ ေသာၾကာေန႔က မႏၱေလးေဆး႐ံုမွာ ကြယ္လြန္သြားခဲ့တာ ျဖစ္ပါတယ္။

သူဟာ ကြယ္လြန္ခ်ိန္မွာ အသက္ ၄၃ ႏွစ္ရွိၿပီ ျဖစ္ၿပီး မိခင္၊ ဇနီးျဖစ္သူနဲ႔အတူ သားသမီး ၅ ဦး က်န္ရစ္ခဲ့ပါတယ္။ သူ႔ရဲ႕႐ုပ္အေလာင္းကိုေတာ့ မိသားစုရွိရာ ကြမ္လံုၿမိဳ႕မွာ သၿဂႋဳဟ္မွာ ျဖစ္ပါတယ္။

ဗီြအိုေအ (ျမန္မာဌာန)
http://burmese.voanews.com

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ