တုတ်ကွေးရောဂါ အန္တရာယ် WHO သတိပေး

တုတ်ကွေးရောဂါစစ်ဆေး။
ကမ္ဘာကြီးဟာ တုပ်ကွေးရောဂါ အန္တရာယ်ကို ရင်ဆိုင်ဖို့ ဘယ်တုန်းကနဲ့မှ မတူအောင် ကောင်းကောင်းပြင်ဆင်ထားပေမဲ့ ကပ်ရောဂါ ဖြစ်နိုင်ခြေကို ရင်ဆိုင်ဖို့တော့ အလွန်အမင်း အားနည်းနေတုန်းပဲလို့ ကမ္ဘာ့ကျန်းမာရေးအဖွဲ့ WHO က သောကြာနေ့မှာ ပြောလိုက် ပါတယ်။

နောက်တကြိမ် ကပ်ရောဂါ ဘယ်နေရာကနေပေါ်လာမယ်၊ ဘယ်ဗိုင်းရပ်စ်ပိုးဖြစ်မယ် ဆိုတာတွေ အပါအ၀င် တုပ်ကွေးရောဂါနဲ့ ပတ်သက်ပြီး ဘာကိုမှ မခန့်မှန်းနိုင်ဘူးလို့ တုပ်ကွေးရောဂါဆိုင်ရာ စာမျက်နှာ ခုနစ်မျက်နှာပါ အစီရင်ခံစာမှာ ကုလသမဂ္ဂ ကျန်းမာရေးအေဂျင်စီက ပြောထားတာပါ။

တုပ်ကွေးဗိုင်းရပ်စ်အမျိုးမျိုး ပေါင်းစပ် ပြန့်နှံ့နေပြီး လူနဲ့တိရစ္ဆာန်အကြား မျိုးရိုးဗီဇပိုင်း ဆိုင်ရာ အပြန်အလှန် ဖလှယ်တာတွေ ရှိနေပါတယ်။ အဲဒီလို အခြေအနေတွေကို အနီးကပ် လေ့လာစောင့်ကြည့်သွားရမယ်လို့ WHO က သတိပေးပါတယ်။

၂၀၁၄ ခုနှစ်အတွင်း WHO ရဲ့ ကမ္ဘာလုံးဆိုင်ရာ တုပ်ကွေးရောဂါ စောင့်ကြည့်ရေးနဲ့ တုန့်ပြန်လုပ်ဆောင်ရေးစနစ်ကနေ နိုင်ငံပေါင်း ၁၁၂ နိုင်ငံက ဓာတ်ခွဲခမ်းပေါင်း ၁၄၂ ခုမှာ စမ်းသပ်မှုပေါင်း ၁.၉ သန်းကျော်ကို လုပ်ခဲ့ပါတယ်။

တုပ်ကွေး ကပ်ရောဂါဟာ လက်ရှိသိထားသမျှ ကူးစက်ရောဂါတွေထဲမှာ တကမ္ဘာလုံး ပြန့်နှံ့ကူးစက်နိုင်ဆုံး ရောဂါဖြစ်တာကြောင့် နိုင်ငံတိုင်းဟာ အကောင်းဆုံး ကြိုတင်ပြင်ဆင်ထားသင့်တယ်လို့ WHO က အစိုးရတွေကို အကြံပေးထားပါတယ်။

ဗွီအိုအေ (မြန်မာပိုင်း)
http://burmese.voanews.com/content/who-remains-volatile-despite-influenza-breakthroughs/2662312.html

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ