ရွှေပြည်သာ အလုပ်သမားတွေ တရားဝင်ဆန္ဒပြခွင့် ငြင်းပယ်ခံရ

ရွှေပြည်သာစက်မှုဇုန်က Eland Myanmar စက်ရုံရှေ့မှာ ဆန္ဒပြအလုပ်သမားတွေကို ဖေဖော်ဝါရီလ ၂၁ ရက်နေ့ က တွေ့ရစဉ်။ Photo: Kyaw Zaw Win/ RFA
ရန်ကုန်တိုင်းဒေသကြီး ရွှေပြည်သာမြို့နယ်က Eland Myanmar စက်ရုံရှေ့မှာ တစ်လနီးပါးကြာ သပိတ် စခန်းဖွင့် ဆန္ဒပြနေကြတဲ့ အလုပ်သမားတွေက တရားဝင်ဆန္ဒပြခွင့်ရဖို့ ခွင့်ပြုချက်တောင်းရာ မှာ ရွှေပြည်သာမြို့နယ်ရဲတပ်ဖွဲ့က ငြင်းပယ် လိုက်ပါတယ်။

အလုပ်သမားတွေက Eland Myanmar စက်ရုံဘေးမှာ မနက်ဖြန်ကစပြီး မတ်လ ၃ ရက်နေ့အထိ ဆန္ဒပြ ခွင့်ပေးဖို့ တောင်းဆိုတာလို့ အလုပ်သမားတွေကို အကူအညီပေးနေတဲ့ ကိုသူဇော်ကြည်ဝင်းက ပြော ပါတယ်။

"ရန်ကုန်မြောက်ပိုင်းခရိုင် ရဲတပ်ဖွဲ့မှူးကနေ ပြီးတော့ ကျနော်တို့ အလုပ်သမားတွေဘက် ကနေပြီးတော့ ဥပဒေနဲ့အညီ ငြိမ်းချမ်းစွာစုဝေးခွင့်နဲ့အညီ ဘာညာတင်တင်မယ်ဆိုရင် သူ့အနေနဲ့ ချက်ချင်းပေးနိုင်ပါတယ်ဆိုတဲ့ ကတိကဝတ်ရှိတယ်ပေါ့နော်၊ အဲ့ဒီကတိကဝတ်ကြောင့် ကျနော်တို့ ဒီကနေ့မှာ မနက်ဖြန်ကစပြီးတော့ ၃ ရက်နေ့အထိကို ခွင့်ပြုမိန့်ရဖို့အတွက် ကျနော်တို့ သွားတင်ခဲ့တယ်၊ ဒါပေမယ့် ၃ ရက်နေ့ပြည့်သွားလို့ရှိရင် ကျနော်တို့ အဆင်မပြေသေးဘူးဆိုရင် နောက်ထပ် ထပ်တင် မယ်ပေါ့နော်၊ အဲ့လိုမျိုးရည်ရွယ်ချက်နဲ့ ကျနော်တို့ သွားတင်တယ်၊ ဒါပေမယ့် ရွှေပြည်သာမြို့နယ် ရဲတပ်ဖွဲ့မှူးက ဒါဟာဥပဒေနဲ့ မညီတဲ့အတွက်ကြောင့်မို့လို့ ခွင့်မပြုနိုင်ပါဘူး၊ ခွင့်ပြုမိန့်ကို လက်မခံနိုင် ပါဘူးဆိုပြီး ကျနော်တို့ကို ပယ်လိုက်တယ်"

အဲ့ဒီ အလုပ်သမားသပိတ်စခန်းဟာ ခွင့်ပြုချက်ရယူပြီး ဆန္ဒပြနေတာမဟုတ်တဲ့အတွက် ဥပဒေပြင်ပက အကြမ်း ဖက်တောင်းဆိုမှုတွေကို အရေးယူမယ်လို့ ရန်ကုန်တိုင်းဒေသကြီး အစိုးရအဖွဲ့က ပြီးခဲ့တဲ့ရက်ပိုင်းက ကြေညာ ထားပါတယ်။

ဖမ်းဆီးခံထားရတဲ့ အလုပ်သမား ၃ ဦးကို ပြန်လွှတ်ပေးဖို့နဲ့ အခြေခံလုပ်ခလစာ တစ်လ ကျပ် ၃ သောင်း တိုးပေးဖို့အတွက် အလုပ်သမားတွေက တရားဝင်ဆန္ဒပြခွင့် တင်တာဖြစ်ပါတယ်။

ဒီလ ၂ဝ ရက်နေ့က အလုပ်သမားသပိတ်စခန်း ဖယ်ရှားခံရပြီး အလုပ်သမား ၂ဝ လောက်နဲ့ ရဲတပ်ဖွဲ့ ၁ဝ ယောက်ကျော် ထိခိုက်ဒဏ်ရာရရှိခဲ့ပါတယ်။

RFA Burmese
http://www.rfa.org/burmese/news/authorities-reject-protest-request-shwepyithar-workers-02272015130922.html

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ