ေအာင္ေဇယ် ႀကိဳးတံတားအဆင္းတြင္ ယာဥ္တုိက္မႈ ျဖစ္ပြားရာ တစ္ဦးေသ ၊ သံုးဦး ဒဏ္ရာရ



Share/Bookmark

ရန္ကုန္ ၊ ၄-၂-၂၀၁၅

ရန္ကုန္တိုင္း ေဒသႀကီး ေျမာက္ပိုင္းခ႐ိုင္ အင္းစိန္ၿမိဳ႕နယ္ ေအာင္ေဇယ် ႀကိဳးတံတား အဆင္း၌ ယမန္ေန႔ နံနက္ ၇ နာရီခန္႔တြင္ ေမတၱာလိႈင္း ယာဥ္မွ တိုက္မိ၍ လူတစ္ဦး ေသဆံုးၿပီး သံုးဦး ဒဏ္ရာရရွိ သြားေၾကာင္း သိရသည္။

ျဖစ္စဥ္မွာ ယမန္ေန႔ နံနက္ ၇ နာရီခန္႔တြင္ ယာဥ္ေမာင္း (စံုစမ္းဆဲ) ေမာင္းႏွင္လာေသာ ေမတၱာလိႈင္း(၅) ခရီးသည္တင္ ဘတ္စ္ကား(ငွား) ယာဥ္သည္ ေအာင္ေဇယ် ႀကိဳးတံတားလမ္း အတိုင္း အေနာက္မွ အေရွ႕သို႔ အရွိန္ျပင္းစြာ ေမာင္းႏွင္လာစဥ္ ေအာင္ေဇယ် ႀကိဳးတံတား အဆင္းအေရာက္၌ ေရွ႕မွသြားေနေသာ ယာဥ္အား ေက်ာ္တက္ရာမွ လမ္းအလယ္တြင္ ခ်ထားေသာ ကတ္တုံးမ်ားႏွင့္ ကတ္တုံးမ်ား အလယ္တြင္ ရပ္ေနေသာ မေငြအိမ္စည္ အသက္ ၂ဝ ႏွစ္(ဘ) ဦးေအာင္ဝင္း ဒုတိယႏွစ္ အေဝးသင္ အမွတ္(၄၇/ခ) ခ်မ္းေျမ့ သာယာလမ္း ကမ္းနား အေနာက္ရပ္ကြက္ အင္းစိန္ၿမိဳ႕နယ္ ေနသူအား ဝင္ေရာက္ တိုက္မိၿပီး ေရွ႕ယာဘက္ဘီး ကြၽတ္ထြက္ကာ တံတားအဆင္း ကတ္တုံးမ်ား အလယ္တြင္ ရပ္တန္႔သြားသည္။

ယာဥ္တိုက္မႈေၾကာင့္ မေငြအိမ္စည္ မွာ အခင္းျဖစ္ပြားရာ ေနရာတြင္ပင္ ေသဆံုး သြားသည္။ ၄င္းအျပင္ ေမတၱာလိႈင္း ယာဥ္ေပၚတြင္ လိုက္ပါစီးနင္း လာေသာ ကိုေစာထြန္းႏိုင္ ၃၈ ႏွစ္ (ဘ) ဦးေအာင္ႀကိဳင္ လိႈင္သာယာ ၿမိဳ႕နယ္ ေနသူတြင္ ယာခ်ဳိေစာင္း ေပါက္ၿပဲဒဏ္ရာ (မစိုးရိမ္ရ)၊ မမာမာလြင္ ၂၂ ႏွစ္(ဘ) ဦးတင္ဝင္း လိႈင္သာယာ ေနသူတြင္ ယာခ်ဳိေစာင္း ဖူးေယာင္ ဒဏ္ရာ(မစိုးရိမ္ရ )၊ မတင္ေမဦး ၂၅ ႏွစ္(ဘ) ဦးေက်ာ္ဦး လိႈင္သာယာ ေနသူတြင္ ဝဲေပါင္နာက်င္ ဒဏ္ရာ(မစိုးရိမ္ရ) မ်ားရရွိကာ အင္းစိန္ေဆး႐ံု တြင္ ေဆးကုသမႈ ခံယူလ်က္ ရွိေၾကာင္း သိရသည္။ အဆိုပါ ယာဥ္တိုက္မႈေၾကာင့္ ေမတၱာလိႈင္း(၅) ယာဥ္မွာ တန္ဖိုးေငြက်ပ္ ငါးသိန္းဖိုးခန္႔ ပ်က္စီးဆံုး႐ႈံးၿပီး ယာဥ္ေမာင္းမွာ အခင္းျဖစ္ပြားရာ ေနရာမွ ထြက္ေျပး တိမ္းေရွာင္ သြားေၾကာင္း သိရသည္။

ျဖစ္စဥ္ႏွင့္ ပတ္သက္၍ အမွတ္(၁၇) ယာဥ္ထိန္းရဲ တပ္ဖြဲ႕စခန္းမွ ေမတၱာလႈိင္း(၅) ယာဥ္ေမာင္း (စံုစမ္းဆဲ)အား (ပ)၁၅/၂ဝ၁၅ ျပစ္မႈပုဒ္မ- ၃ဝ၄-က/ ၃၃၈/၂၇၉/ ၂ဝ၂ အရ အမႈဖြင့္စစ္ေဆး ေဆာင္ရြက္လ်က္ ရွိေၾကာင္း သိရသည္။ ၀၅၀

PyiChitThar
http://www.pyichitthar.com/2015/02/blog-post_3.html

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ